Posts in category: Uncategorized

“सुभेदार” या चित्रपटाच्या प्रदर्शित होण्याच्या तारखेमध्ये बदल ….

       बऱ्याच दिवसापासून बहुचर्चित असलेला आणि प्रेक्षकांमध्ये अतिशय उत्सुकता असलेला सुभेदार हा मराठी चित्रपट १८ ऑगस्ट २०२३ या दिवशी प्रदर्शित होणार होता. परंतु आता या तारखे मध्ये बदल करण्यात आलेला आहे.

    ‘सुभेदार’ हा श्री शिवराज अष्टका मधील पाचवा चित्रपट असून या चित्रपटांमध्ये तानाजी मालसुरे यांची शौर्यगाथा बघायला मिळणार आहे. प्रेक्षकांमध्ये सुभेदार या चित्रपटाची उत्सुकता अगदी चित्रपटाचे पोस्टर लॉन्च झाल्यापासूनच दिसत आहे. तसेच आजच्या पिढीपर्यंत आपल्या इतिहासाबद्दल अधिक माहिती पोहोचवण्यासाठी चित्रपट हे सुद्धा महत्त्वाचे माध्यम आहे असे म्हणता येईल.

    ‘सुभेदार’ या चित्रपटामध्ये छत्रपती शिवाजी महाराज यांच्या भूमिकेमध्ये चिन्मय मांडलेकर असून मृणाल कुलकर्णी या राजमाता जिजाऊ आईसाहेब यांच्या भूमिकेमध्ये आहे तर सुभेदार तानाजी मालसुरे यांची भूमिका अजय पुरकर यांनी साकारली आहे. तसेच सुभेदार या चित्रपटांमध्ये समीर धर्माधिकारी, मृण्मयी देशपांडे, स्मिता शेवाळे यांच्यासह इतरही कलाकार आहेत.

   काही दिवसांपूर्वीच दिग्पाल लांजेकरांच्या सुभेदार या चित्रपटाचा ट्रेलर प्रदर्शित झाला असून या ट्रेलरला सुद्धा प्रेक्षकांनी भरभरून असा प्रतिसाद दिला असून सुभेदार या चित्रपटाच्या ट्रेलरची सुरुवात ”आमच्या लाडक्या कोंढाण्यावरचे मुघलांचे निशाण आमच्या डोळ्यात तिखटाप्रमाणे झोंबत आहेत ” या जिजाऊंच्या भूमिकेमध्ये असलेल्या मृणाल कुलकर्णी यांच्या डायलॉगने  होते. या चित्रपटाचा ट्रेलर बघत असताना सुद्धा अक्षरशः अंगावर शहारे येतात जणू काही खरोखरच हे आपल्यासमोर घडत आहे, एवढ्या उत्तम पद्धतीने हा चित्रपट बनवला गेला आहे असे म्हणता येईल. तसेच काही दिवसांपूर्वी प्रदर्शित झालेले ‘आले मराठे, आले मराठे’ हे गाणं सुद्धा प्रेक्षकांना खूपच आवडलेले आहे.

       ‘सुभेदार’ या चित्रपटाची प्रदर्शनाची तारीख सुरुवातीला २५ ऑगस्ट ठरवण्यात आलेली होती परंतु नंतर या तारखे मध्ये बदल करून ही तारीख पुन्हा १८ ऑगस्ट करण्यात आली.परंतु पुन्हा या चित्रपटाच्या प्रदर्शनाची तारीख आता तांत्रिक अडचणीमुळे २५ ऑगस्ट केली आहे. या संबंधित चिन्मय मांडलेकर यांनी सोशल मीडियावर एक फोटो शेअर करून ही माहिती दिली.

            चिन्मय मांडलेकर यांनी असे लिहिलं आहे की, “जय जिजाऊ! जय शिवराय! नमस्कार.. छत्रपती शिवाजी महाराज आणि सुभेदार नरवीर तान्हाजीराव मालुसरे यांचा पराक्रम सिनेमागृहात मोठ्या पडद्यावर आपणां सर्वांना अनुभवता यावा यासाठी आम्ही प्रयत्न करत आहोत. परंतु काही तांत्रिक गोष्टी आपल्या हातात नसतात. पण आम्ही सगळे सुद्धा तुमच्याप्रमाणे छत्रपती शिवरायांचे मावळे आहोत. कोणत्याही अडचणीला न घाबरता आम्ही चित्रपट तुमच्या भेटीला आणणारच आहोत. यासाठी लागणारा काळ आणि तुमची साथ आम्ही तुमच्याकडे मागत आहोत. या तांत्रिक अडचणीवर मात करून श्री शिवराज अष्टकातले पाचवे पुष्प ‘सुभेदार’ दिनांक २५ ऑगस्ट २०२३ रोजी प्रदर्शित करीत आहोत. या अडचणीच्या काळात तुम्ही सर्व रसिक मायबाप आणि शिवभक्त आमच्या पाठीशी आधार बनून उभे रहाल ही खात्री आहे. हर हर महादेव..”

 ‘सुभेदार’ या दिग्पाल लांजेकरांच्या सिनेमाचा ट्रेलर रिलीज …..

      छत्रपती शिवाजी महाराजांनी जो इतिहास घडवला आहे, त्यातून खूप काही शिकण्यासारखं असून छत्रपती शिवाजी महाराज हे आपल्या सर्वांचीच प्रेरणा आहेत. छत्रपती शिवाजी महाराजांबद्दल जेवढे जाणून घेऊ तेवढे कमीच आहे … अशी अफाट माहिती राजांबद्दल आहे. छत्रपती शिवाजी महाराज यांच्या जीवनावर तसेच त्यांच्या मावळ्यांच्या जीवनावर मराठी भाषेसोबतच हिंदी भाषेमध्ये सुद्धा चित्रपट बनताना दिसत आहे तसेच छत्रपती शिवाजी महाराजांच्या जीवनावर आधारित मराठी आणि हिंदी सिरियल सुद्धा बनवल्या गेल्या आहेत. अशाप्रकारे छत्रपती शिवाजी महाराजांच्या जीवनावर बनवले जाणारे चित्रपट आणि मालिका यांच्यामुळे ज्यांना वाचनाची फारशी आवड नाही त्यांच्यासाठी हे चित्रपट आणि मालिका बघून त्यांना राजांबद्दल अधिक ज्ञान नक्कीच मिळू शकते. तसेच प्रत्येकाच्या घरामध्ये असणारी छोटी मुलं मुली ज्यांना वाचता येत नाही ते देखील हे सिरीयल किंवा सिनेमे बघू शकतात आणि छत्रपती शिवाजी महाराजांबद्दल अधिक माहिती मिळवू शकतात.

      दिग्पाल लांजेकर यांच्या शिवराज अष्टकमधील ‘सुभेदार’ हा पाचवा सिनेमा असून यापूर्वी दिग्पाल लांजेकर यांचे ‘फर्जंद’, ‘फत्तेशिकस्त’, ‘पावनखिंड’ आणि ‘शेर शिवराज’  हे शिवराज अष्टक मधील चार चित्रपट सुद्धा प्रेक्षकांच्या भरपूर पसंतीस उतरले असून या सिनेमाला सुद्धा भरपूर प्रतिसाद मिळण्याची दाट शक्यता आहे.

    दिग्पाल लांजेकर यांच्या ‘सुभेदार’ या चित्रपटाच्या शीर्षकावरून असे समजते की ,हा चित्रपट सुभेदार तानाजी मालसुरे यांची शौर्यगाथा सांगणारा आहे. तसेच सुभेदार या चित्रपटांमध्ये चिन्मय मांडलेकर हे छत्रपती शिवाजी महाराज यांच्या भूमिकेमध्ये असून मृणाल कुलकर्णी या राजमाता जिजाऊ आईसाहेब यांच्या भूमिकेमध्ये आहे तर अजय पुरकर यांनी सुभेदार तानाजी मालसुरे यांची भूमिका साकारली आहे. तसेच सुभेदार या चित्रपटांमध्ये मृण्मयी देशपांडे, स्मिता शेवाळे, समीर धर्माधिकारी यांच्यासह इतरही अनेक कलाकार आहेत.

    सुभेदार या चित्रपटाची प्रतीक्षा प्रेक्षक बऱ्याच दिवसांपासून करत होते.या चित्रपटाचा ट्रेलर नुकताच प्रदर्शित झाला असून हा चित्रपट १८ ऑगस्ट रोजी प्रदर्शित होणार आहे.”आमच्या लाडक्या कोंढाण्यावरचे मुघलांचे निशाण आमच्या डोळ्यात तिखटाप्रमाणे झोंबत आहेत ” या जिजाऊंच्या डायलॉगने सुभेदार या चित्रपटाच्या ट्रेलरची सुरुवात होते. छत्रपती शिवाजी महाराज हे जिजाऊंना कोंडाणा जिंकणारच असा आश्वासन देतात. तानाजी मालसुरे यांच्यावर ही जबाबदारी सोपवली जाते. तानाजी मालसुरे यांच्या घरामध्ये रायबाच्या लग्नाची तयारी सुरू असून सुद्धा ‘ आधी लगीन कोंढाण्याचं अन् मंग रायबाचं’ असं म्हणत सुभेदार तानाजी मालसुरे छत्रपती शिवाजी महाराजांना कोंडाणा किल्ला जिंकण्याची खात्री देतात आणि तशी शपथ सुद्धा घेतात. ही लढाई लढण्यासाठी पाचशे मावळे सुद्धा खूप झाले असा विश्वास सुभेदार तानाजी मालसुरे व्यक्त करतात. सुभेदार तानाजी मालसुरे यांच्या जीवनावर आधारित सुभेदार या चित्रपटाचा ट्रेलर बघताना सुद्धा अंगावर शहारे येतात.

    तसेच सुभेदार या चित्रपटातील ‘आले मराठे, आले मराठे’ हे गाणं सुद्धा काही दिवसांपूर्वीच प्रदर्शित झाले असून या गाण्याला सुद्धा प्रेक्षकांची भरपूर दाद मिळताना दिसत असून हे गाणं स्वत: दिग्दर्शक दिग्पाल लांजेकर यांनी फक्त पाच मिनिटांमध्ये लिहिलं आहे.