All posts by : healthylegs

Winter skin care –

हिवाळ्यामध्ये त्वचा कोरडी पडू नये म्हणून कशी काळजी घ्यावी ?

Home remedies for winter skin care –

Winter skin care routine home remedies –

    हिवाळ्यामध्ये वातावरणातील ओलावा / आद्रता कमी झाल्यामुळे आपली त्वचा कोरडी पडत असते. इतर ऋतूंच्या तुलनेमध्ये हिवाळ्यामध्ये त्वचा कोरडी पडते, त्यामुळे त्वचेला क्रॅक्स जातात तसेच रफ पॅचेस तयार होतात. ड्राय त्वचेपासून सुटका मिळवण्यासाठी प्रत्येक जण सहसा बॉडी लोशन्स, मॉइश्चरायझर्स , मॉइश्चरायझिंग क्रीम अशा निरनिराळ्या ऑप्शनसच्या शोधात असतात , परंतु आपल्या घरामध्ये असे बहुतेक ऑप्शन्स उपलब्ध आहेत ज्यांचा उपयोग करून आपण कोरड्या त्वचेच्या प्रॉब्लेम पासून सुटका मिळवू शकतो . चला तर मग बघुयात असे कोण कोणते ऑप्शन्स आहेत ….

१ . दूध #Milk –

दूध हा एक असा पदार्थ आहे की जो प्रत्येकाच्या घरामध्ये उपलब्ध असतो. कोरड्या त्वचेपासून सुटका मिळवण्यासाठी चेहऱ्यावर थोडा वेळ दूध लावून ठेवा. त्यानंतर दहा ते पंधरा मिनिटांनी चेहरा कोमट पाण्याने स्वच्छ धुऊन काढा. असे दररोज केले तर चेहऱ्याची त्वचा अगदी मऊ राहील आणि ड्राय देखील पडणार नाही. आणि कुठल्याही प्रकारच्या मॉइश्चरायझर्सची देखील गरज पडणार नाही. दुधाची साय आपण आपल्या ओठांवर देखील लावू शकतो जेणेकरून ओठ उलत नाहीत. कच्च्या दुधाचा उपयोग आपण टोनर म्हणून देखील करू शकतो. दुधामध्ये लॅक्टिक ऍसिड आणि अँटिऑक्सिडंट असल्यामुळे आपल्या त्वचेवरील काळे डाग काढून टाकण्यात देखील दूध मदत करते त्याचबरोबर त्वचा देखील उजळवते.

२ . खोबरेल तेल #coconut oil –

 खोबरेल तेल जर त्वचेला लावले तर त्वचा कोरडी पडणार नाही. खोबरेल तेल रात्री झोपताना आपण आपल्या चेहऱ्याला तसेच हात आणि पायांना देखील लावू शकतो. रात्रीतून हे तेल त्वचेमध्ये व्यवस्थित रित्या मुरेल आणि त्यामुळे त्वचा कोरडी पडणार नाही.

३ . गावरान तूप #ghee –

गावरान तूप देखील आपण आपल्या त्वचेवर अप्लाय करू शकतो, असे केल्याने त्वचा कोरडी पडणार नाही. थंडीमध्ये आपले ओठ उलतात , आपल्या ओठांवर आपण गावरान तूप लावू शकतो ज्यामुळे ओठ उलणार नाहीत किंवा कोरडे पडणार नाहीत.

४ . बदाम तेल #almond oil –

   बदाम तेल आपल्या त्वचेसाठी अत्यंत फायदेशीर आहे कारण बदाम तेल आपल्या त्वचेला योग्य आद्रता प्रदान करते. त्याचबरोबर बदाम तेलामुळे आपली त्वचा अधिक तेजस्वी आणि चमकदार बनते. यासाठी आपल्या चेहऱ्याला बदामाच्या तेलाने आपण मसाज करू शकतो तसेच चांगल्या परिणामांसाठी बदाम तेल रात्रभर चेहऱ्यावर तसेच राहू देऊ शकतो. बदाम तेल आपल्या त्वचेची नैसर्गिक चमक टिकून राहण्यासाठी किंबहुना वाढवण्यासाठी देखील मदत करते.

५ . मध #honey – 

मध हा एक असा घटक आहे ज्याचा उपयोग पूर्वीपासूनच लोक करत आहेत. मधाचा उपयोग करून आपण कोरड्या त्वचेच्या समस्या पासून सुटका मिळवू शकतो. मधाचा उपयोग आपण थेट आपल्या त्वचेवर करू शकतो किंवा फेसपॅक बनवताना त्यामध्ये मध टाकून त्यानंतर त्याचा उपयोग आपण आपल्या त्वचेवर करू शकतो. मधामुळे आपली त्वचा मऊ राहते तसेच चमकदार देखील बनते. मध त्वचेसाठी लागणारे योग्य ते मॉइश्चर त्वचेला पुरवतो.

६ . कोरफड #aloevera – 

जर आपल्या घरामध्ये कुंडीत कोरफड उपलब्ध असेल तर आपण कोरफडीचा उपयोग डायरेक्ट त्वचेवर करू शकतो किंवा एलोवेरा जेल वापरून देखील आपण आपली त्वचा चांगली ठेवू शकतो . एलोवेरा जेल हे एक उत्तम असे मॉइश्चरायझरच आहे, ज्यामुळे आपली त्वचा कोरडी पडत नाही. कोरफडीचा उपयोग करून आपण आपली त्वचा मुरूम आणि सुरकुत्यांपासून देखील दूर ठेवू शकतो. कोरफडीचा उपयोग करून आपण आपली त्वचा अधिक तेजस्वी आणि डागविरहित बनवू शकतो. एलोवेरा चा उपयोग थेट आपण त्वचेवर करू शकतो किंवा एखाद्या फेस पॅक मध्ये एलोवेरा मिसळवून देखील करू शकतो.

Author – Poonam Ghorpade Gore

Dabur success story –

Who is the founder of Dabur ?

What are the products of Dabur ?

डाबर सक्सेस स्टोरी –

  डॉ. एस.के. बर्मन हे एक असे डॉक्टर होते की जे आपल्या रुग्णांवर आयुर्वेदिक औषधांनी उपचार करत असत आणि त्यांच्याकडे येणाऱ्या रुग्णांसाठी त्यांच्यावर दृढ असा विश्वास होता. आणि यामुळेच एक ब्रँड उदयास आला आणि तो म्हणजे ” डाबर “.डॉ. एस.के. बर्मन यांनी 1884 मध्ये भारताची स्वातंत्र्यपूर्व ब्रिटिश राजधानी कलकत्ता शहरातील एका गल्लीमध्ये एक लहान क्लीनिक डाबर म्हणून सुरू केले. 

     ” Dabur ”  हे नाव अशा रीतीने तयार झाले की Da हे Daktaar ( डॉक्टरचे बंगाली प्रोणून्सिएशन ) या शब्दामधून घेण्यात आले तर Bur हा शब्द डॉक्टर एस. के. बर्मन यांच्या आडनावामधून  ( Burman ) घेण्यात आले.

        आयुर्वेदिक फॉर्मुलेशनचा उपयोग करून मलेरिया आणि कॉलरा यांसारख्या विविध आजारांवर व्यवस्थित रित्या उपचार करता येतो असे लक्षात ठेवून डॉक्टर एस. के. बर्मन यांनी औषधांची मोठ्या प्रमाणावर उत्पादन सुविधा सुरू करण्याचा निर्णय घेतला. नंतर डॉक्टर एस. के. बर्मन यांचा मुलगा सी.एल. बर्मन यांनी भारतामध्ये आयुर्वेदिक औषधांसाठी पहिले रिसर्च अँड डेव्हलपमेंट सेंटर सुरू केले. नंतर 1996 मध्ये डाबर ही पब्लिक लिमिटेड कंपनी बनली.

    डाबर ही आता जगामधील आघाडीची अशी आयुर्वेदिक कंपनी बनली आहे. डाबर ही आयुर्वेदिक औषधी आणि नॅचरल कन्झुमर प्रॉडक्टस् तयार करते. डाबर ही कंपनी भारतामधील सर्वात मोठ्या एफ एम सी जी म्हणजेच फास्ट मुविंग कन्झुमर गुड्स कंपन्यांपैकी एक आहे.

      डाबर ही कंपनी प्राचीन पारंपारिक ज्ञान आणि अत्याधुनिक विज्ञान यांचा उपयोग करून ग्राहकांसाठी उत्पादने तयार करत असते. डाबर ही कंपनी लोकांच्या पसंतीस उतरली आहे. डाबर इंडिया लिमिटेड ही भारतामधील चौथी सर्वात मोठी एफ एम सी जी कंपनी आहे.

   डाबर या कंपनीकडे जवळपास 138 पेक्षा जास्त वर्षाचा अनुभव असून त्यांच्याकडे अडीचशे पेक्षा जास्त आयुर्वेदिक उत्पादने आहेत. डाबरच्या हेल्थकेअर सेक्टरमध्ये डाबर च्यवनप्राश, डाबर हनी, डाबर पुदिनहारा, डाबर लाल तेल आणि डाबर हनिटस या उत्पादनांचा समावेश होतो. तसेच पर्सनल केअर उत्पादनांमध्ये डाबर आमला आणि डाबर रेड पेस्ट या उत्पादनांचा समावेश होतो तर फूड अँड बेवरेज सेक्टरमध्ये Réal हा ब्रँड तर वाटिका हा एक ग्लोबल पावर ब्रँड आहे.

      डाबर हा ब्रँड फूड्स, हेल्थ केअर ,होम केअर, स्किन केअर आणि ओरल केअर याच्याशी संबंधित

विविध उत्पादने तयार करत असतो. डाबर हा ब्रँड फक्त भारतापुरताच मर्यादित राहिलेला नसून या ब्रँडचा विस्तार भारताबाहेर जगामधील विविध देशांमध्ये झाला आहे जसे की हा ब्रँड मध्य पूर्व, सार्क राष्ट्रे, आफ्रिका, अमेरिका, युरोप आणि रशियामध्ये ओळखला जातो. डाबर या कंपनीची उत्पादने जगभरामधील 120 पेक्षा अधिक देशांमध्ये उपलब्ध आहेत. तसेच डाबर या कंपनीचा 27% पेक्षा जास्त महसूल परदेशांमधून येतो.

    डाबर हा ब्रँड जगभरामधील वीस अत्याधुनिक अशा उत्पादन साईट चालवतो.साहिबाद ( उत्तर प्रदेश ), जम्मू सिल्वासा , अल्वर , कटनी , नरेंद्रपूर , पिथमपूर आणि नाशिक येथे कारखाने आहेत तर बड्डी (हिमाचल प्रदेश) आणि पंतनगर (उत्तरांचल) हे देखील दोन मुख्य उत्पादन कारखाने आहेत. डाबर या ब्रँडची कार्यालये दुबई, इजिप्त, नायजेरिया, बांगलादेश, युनायटेड स्टेट्स, लंडन आणि नेपाळ या देशांमध्ये देखील आहेत.

     डाबर या कंपनीला विविध प्रतिष्ठित अशा पुरस्काराने देखील सन्मानित करण्यात आलेले आहे. इकॉनॉमिक्स टाइमने डाबरला भारतामधील आयकॉनिक ब्रँड्स मध्ये 2017 मध्ये स्थान दिले तर सीएनबीसी द्वारे एफएमसीजी श्रेणीमधील बेस्ट रिस्क मॅनेजमेंट प्रॅक्टिस साठीचा पुरस्कार मिळाला तर डाबरला झी मीडिया फॅमिली बिजनेस लेगसी अवॉर्डने मान्यता मिळाली तसेच सर्वोत्कृष्ट भारतीय ब्रँड्स 2016 मध्ये टॉप ब्रँड म्हणून देखील स्थान देण्यात आली त्याचबरोबर भारतामधील सर्वात मौल्यवान कंपन्यांच्या

BT500 रँकिंग मध्ये डाबर 39 व्या स्थानावर आहे.

Author – Poonam Ghorpade Gore

Raymond success story :

What is Raymond famous for ?

How did Raymond start ?

Who is the owner of Raymond company ?

Who is the chairman and M D of Raymond ?

What is the tagline of Raymond ?

रेमंड सक्सेस स्टोरी : 

                    आपल्याला कपड्यांचे देखील विविध प्रकारचे ब्रँडस् बघायला मिळतात. विविध ब्रँडस् त्यांनी बनवलेल्या कपड्यांची कॉलिटी आणि किंमत यावरून ओळखले जातात. प्रसिद्ध कपड्यांच्या ब्रँड पैकी एक ब्रँड म्हणजे रेमंड …..

        1925 मध्ये ” अल्बर्ट रेमंड ” यांनी ” रेमंड ” या ब्रँडची स्थापना केली होती. रेमंड हा ग्रुप शूटिंग मटेरियल बनवतो तसेच लोकर आणि लोकर मिश्रित कापडांसाठी त्यांच्याकडे 31 दशलक्ष मीटर एवढी क्षमता आहे. रेमंडचे मुख्यालय मुंबई येथे आहे. भारतीय कापड आणि फॅशन उद्योगातील रेमंड हे एक प्रसिद्ध असे नाव आहे.

        रेमंड ग्रुप जवळपास नऊ दशकांपेक्षा जास्त कालावधीपासून अधिक उत्कृष्ट अशी उत्पादने बनवत आहे. रेमंड ग्रुपने एक अब्जापेक्षा अधिक ग्राहक जोडले आहेत. रेमंड ग्रुप फक्त वस्त्रोद्योगातच प्रसिद्ध नसून इतर एफ एम सी जी, रिअल इस्टेट, अभियांत्रिकी आणि रोगप्रतिबंधक औषधांसह इतर विविध उद्योगांमध्ये आपल्या देशामध्ये तसेच परदेशात देखील कार्यरत आहेत.

         त्यावेळी भारतीय संरक्षण दलातील सैनिकांसाठी पोशाखांची वाढती गरज लक्षात घेता वाडिया या नावाच्या एका वृद्ध व्यक्तीकडे ठाण्यामध्ये लोकरी गिरणी स्थापन करण्याची दूरदृष्टी होती. परंतु वाडिया हे वूलन मिलचे व्यवस्थापन करू शकले नाहीत. ईडी ससून अँड कंपनीने ते ताब्यात घेतले आणि त्यानंतर त्यांनी कंपनीचे नाव ” द रेमंड वूलन मिल्स ” असे ठेवले.

        1944 मध्ये काही वर्षांनंतर रेमंडचा ताबा कैलाशपत सिंघानिया यांनी घेतला.कैलाशपत सिंघानिया यांनी रेमंडचा ताबा घेण्याचे कारण त्यांना आगामी भविष्यासाठी ब्रँडची असलेली क्षमता दिसली.चांगल्या संधीच्या शोधात सिंघानिया हे फारुखाबादला गेले.सिंघानिया यांची ” जे के कॉटन स्पिनिंग अँड विव्हिंग मिल्स ” या नावाची स्वतःची कंपनी होती.या कंपनीमध्ये फक्त भारतीय कच्चा माल वापरला जात असे.तसेच इंग्लंड विरुद्ध स्पर्धा करण्यासाठीं उच्च दर्जाचे सुती कपडे तयार केले.

     स्वातंत्र्य मिळाल्यानंतर कैलाशपत यांनी रेमंडला नवीन उंचीवर नेले.1950 मध्ये नवीन उत्पादन युनिट जे के फाइल्सची स्थापना स्वदेशी अभियांत्रिकी फाइल्स तयार करण्यासाठी केली.रेमंडने मुंबईतील किंग्स कॉर्नर, बॅलार्ड इस्टेट येथे 1958 मध्ये त्यांचे पाहिले शोरुम उघडले.पार्क अव्हेन्यू रेमंडने पुरुषांसाठी स्टायलिश वॉर्डरोबचा संग्रह 1986 मध्ये सुरू केला.

     रेमंडने त्यांचे पहिले आंतरराष्ट्रीय शोरूम ओमानमध्ये 1990 मध्ये सुरू केले. रेमंड या समूहाने 1996 मध्ये रेमंड एव्हिएशनची स्थापना केली आणि विमान वाहतूक उद्योगामध्ये प्रवेश केला.1999 मध्ये लक्झरी कॅज्युअल वेअर ब्रँड पार्क्स ग्राहकांसाठी उपलब्ध करण्यात आला ज्यामध्ये विविध प्रकारचे सेमी फॉर्मल आणि कॅज्युअल कपडे उपलब्ध करून देण्यात आले.त्यानंतर रेमंड ब्रँड अंतर्गत 2008 मध्ये रेडी मेड कपडे उपलब्ध करण्यात आले , जे की ” रेमंड रेडी टु वीअर” म्हणून ओळखले जाऊ लागले.

     रेमंड या कंपनीने 2016 मध्ये एक प्रकारचे फॅब्रिक लॉन्च केले.त्या फॅब्रिकला रेमंड ह्या कंपनीने जगामधील सर्वात स्मार्ट असे फॅब्रिक म्हणून संबोधले.आणि हे फॅब्रिक ” टेक्नोस्मार्ट ” म्हणून ओळखले जाऊ लागले.आणि त्याच वर्षी रेमंडने दुबई या ठिकाणी त्यांचे नवीन कार्यालय सुरू केले.2018 पर्यंत रेमंडचे भारतातील पाचशे हून अधिक गावे आणि शहरांमध्ये 900 आउटलेटस् झाले आणि रेमंड ह्या कंपनीचा आत्तापर्यंतचा सर्वात जलद असा विस्तार झाला.

     ” गौतम हरी सिंघानिया ” हे रेमंड समूहाचे अध्यक्ष आणि एम डी आहेत.रेमंडकडे रेमंड रेडी टू वेअरसह पार्क अव्हेन्यू, पार्क्स, कलर प्लस असे ४ ब्रँड आहेत. ” द कंप्लीट मॅन ( The complete man ) ” ही रेमंड ह्या कंपनीची tagline आहे.

Author – Poonam Ghorpade Gore

Rambandhu success story :

रामबंधू सक्सेस स्टोरी :

   आपल्या भारतीय संस्कृतीमध्ये स्वयंपाक घरामध्ये मसाल्यांना खूप महत्त्व आहे. फक्त स्वयंपाक घरातच नव्हे तर इतर काही कारणांसाठी जसे की काही आजारांवर घरगुती उपाय म्हणून देखील काही मसाल्यांच्या प्रकाराचा उपयोग केला जातो. उदाहरणार्थ , दात दुखी साठी लवंग गुणकारी आहे. स्वयंपाक घरामध्ये स्वयंपाक चविष्ट बनवण्यासाठी मसाल्यांचा उपयोग केला जातो. भारतामध्ये विविध असे मसाल्यांचे ब्रँड आहेत त्यापैकीच एक म्हणजे ” रामबंधू “. राम बंधु हा ब्रँड फक्त मसाल्यांपुरताच मर्यादित नसून विविध प्रकारचे लोणचे ,पापड आणि इतर अनेक उत्पादने यांसाठी देखील प्रसिद्ध आहे.आज आपण त्याबद्दलच माहिती जाणून घेणार आहोत …..

       नाशिकमध्ये एका छोट्याशा दुकानापासून या कंपनीची सुरुवात झाली. नंतर हळूहळू या कंपनीचा विस्तार वाढू लागला आणि आता तर ही कंपनी भारतामधील आठ पेक्षाही अधिक राज्यांमध्ये पसरली आहे. हेमंत राठी आणि उमेश राठी या राठी बंधूंनी 1994 मध्ये कंपनीचे ” एम्पायर स्पाइसेस अँड फूड्स लिमिटेड ” या नावाच्या पब्लिक लिमिटेड कंपनीमध्ये रूपांतरण केले.

        राम बंधु यांच्या बद्दल एक सर्वात विशेष अशी गोष्ट म्हणजे त्यांच्याकडे वेगवेगळ्या राज्यांसाठी वेगवेगळी अशी उत्पादने आहे. हे उत्पादने चव आणि प्रेफरन्सेस वर आधारित असतात. गुणवत्ता आणि नाविन्य ( quality and innovation ) हे नेहमीच त्यांच्या यशाचे दोन महत्त्वाचे पैलू राहिले आहेत.

       राम बंधु यांची उत्पादने बाजारपेठेत लोकांच्या पसंतीस उतरत आहेत. रामबंधू हे एक तर ते स्वतः किंवा मीडिया भागीदारांच्या सहकार्याने विविध कार्यक्रम आयोजित करत असतात. त्यामध्ये त्यांची उत्पादने वापरली जातात आणि जे सहभागी असतात त्यांना प्रत्यक्षरीत्या त्यांच्या उत्पादनांचा अनुभव घेता येतो. त्यामुळे रामबंधू यांचे उत्पादने प्रसिद्ध तर होतातच त्याचबरोबर त्यांच्या उत्पादनांना विश्वासू अशी बाजारपेठही मिळते.

      रामबंधू हे विविध राज्यांमध्ये वेगवेगळ्या स्पर्धा घेत असतात त्यामध्ये महिलांसाठी पापड बनवणे ही स्पर्धा तर पुरुषांसाठी पापड खाण्याची स्पर्धा यांसारख्या स्पर्धांचे आयोजन केले जाते. त्यांच्या मते कुठलेही उत्पादन लॉन्च करण्याच्या आधी ग्राहकांच्या गरजा किंवा मागण्या समजून घेणे गरजेचे आहे आणि त्यावर योग्य असे संशोधन करणे हे देखील आवश्यक आहे आणि त्यानंतरच स्पर्धा किंवा कार्यक्रमांमध्ये उत्पादन लॉन्च केले जातात.

       राठी यांनी सांगितले होते की ते राजस्थान येथे बाटी मसाला लॉन्च करणार होते त्यावेळी त्यांनी दुकानदारांना त्यांचे उत्पादन ठेवण्यास सांगितले परंतु दुकानदारांनी टाळाटाळ केली. नंतर त्यांनी दुकानदारांना असे वचन दिले की , उत्पादन जर महिनाभरामध्ये चांगले विक्री झाले नाही तर ते त्यांचा सर्व स्टॉक परत घेतील. आणि नंतर दुकानदारांनी होकार दिला. या दरम्यानच त्यांनी त्यांचा मसाला वापरून बाट्या बनवण्याची शहर स्तरीय स्पर्धा जाहीर केली. शहर स्तरीय स्पर्धेनंतर राज्यस्तरीय स्पर्धा देखील घेण्यात आली आणि त्यानंतर दुकानदारांकडून स्वतः मसाल्याच्या मागणीसाठी त्यांना फोन येऊ लागले.

     रामबंधू हा ब्रँड त्यांच्या उत्पादनाची असलेली गुणवत्ता , किंमत आणि पॅकेजिंग या तीन महत्त्वाच्या भागांच्या जोरावर ग्राहकांच्या मनापर्यंत पोहोचला आहे. एम्पायर स्पाइसेस अँड फुड्स लिमिटेडने स्वतःला फक्त मसाल्यांपुरतेच मर्यादित ठेवले नाही तर त्यांचे लोणचे देखील तितकेच प्रसिद्ध आहे. त्याचबरोबर पापड मसाला आणि रेडिमेड पापडांच्या विविध श्रेणी यादेखील तितक्याच प्रसिद्ध आहे. रामबंधू यांनी आणखी एक ब्रँड लॉन्च केला तो म्हणजे ” टेम्पटिन “. हा ब्रँड विविध प्रकारच्या चवदार चटण्या, सॉस आणि पेस्ट यांच्या विविध श्रेणी प्रस्तुत करतो. यामध्ये पोह्यांचा देखील समावेश आहे. आर बी एम म्हणजेच रामबंधू मसाले यामध्ये मिरची पावडर, हळद पावडर, चिकन मसाला, मटन मसाला यांसारखे विविध मसाले समाविष्ट आहेत.” स्पाइस वन ” हा आणखी एक नवीन लॉन्च झालेला ब्रँड आहे, यांच्या नावाखाली एक वेळ वापरण्याचे पॅक आहेत.

   हेमंत राठी यांना जेसीज द्वारे 2001 चा ” सर्वोत्कृष्ट उद्योगपती ” तर  “रोटरी व्यवसाय सेवा पुरस्कार – 2005-06 ” आणि 2011 मध्ये ” एसएल किर्लोस्कर अचिव्हमेंट अवॉर्ड”ने सन्मानित करण्यात आले आहे.राम बंधू हे आयपीएलच्या पाचव्या सीझनसाठी ” राजस्थान रॉयल्स ” शी जोडले गेले होते. देशातील युवापिढी आणि क्रिकेटप्रेमींपर्यंत पोहोचण्याचा त्यांचा विचार होता.

Author – Poonam Ghorpade Gore

अरुणाचलम मुरुगनंथम यांची यशोगाथा ….

Arunachalam Muruganantham success story: – 

    पूर्वीच्या काळी मासिक धर्मामध्ये स्त्रिया कापडाचा उपयोग करत असत. परंतु त्यामुळे बऱ्याचशा अडचणींचा सामना स्त्रियांना करावा लागत असे. त्याचबरोबर ते कपडे धुऊन पुन्हा वापरण्यासाठी स्त्रियांचा बराचसा वेळ चालला जात असे. आजच्या स्थितीला सॅनिटरी नॅपकिन्स जर  उपलब्धच नसते , तर स्त्रियांचे जीवन आजही कठीणच असते. आणि आजच्या धावपळीच्या युगात तर ते अजूनच अवघड होऊन बसले असते. स्त्रियांचे जीवन सोपे बनवण्यामागे ज्या व्यक्तीचा महत्त्वाचा असा वाटा आहे ते म्हणजे अरुणाचलम मुरुगनंथम. आज आपण त्यांचीच यशोगाथा बघणार आहोत …..

     अरुणाचलम यांचा जन्म 12 ऑक्टोबर 1961 रोजी झाला असून एस. अरुणाचलम आणि ए. वनिता यांचे ते पुत्र आहेत. अरुणाचलम यांचा जन्म कोईम्बतूर , तामिळनाडू येथे झाला. त्यांची घरची परिस्थिती गरिबीची होती. अरुणाचलम यांचे वडील हातमाग विणकर होते तर अरुणाचलम यांची शाळा व्यवस्थित रित्या होण्यासाठी आई शेतमजूर म्हणून काम करत असत. अरुणाचलम यांनी 14 वर्षाचे असताना शाळा सोडली त्यानंतर त्यांनी याम विक्री एजंट , शेतमजूर , टूल ऑपरेटर आणि वेल्डर अशी विविध प्रकारची कामे केली.

    काही दिवसानंतर त्यांच्या वडिलांचा रस्त्यामध्ये अपघात होऊन मृत्यू झाला त्यानंतर अरुणाचलम यांनी कुटुंबाचा उदरनिर्वाह करण्यासाठी कारखान्यांमध्ये जे कामगार असतात त्या कामगारांना अन्न पुरवले. मुरुगनंथम यांनी 1998 मध्ये शांती यांच्यासोबत लग्न केले. तेव्हा त्यांच्या असे लक्षात आले की त्यांची पत्नी मासिक पाळी मध्ये सॅनिटरी नॅपकिन म्हणून कपड्याचा वापर करते परंतु ते आरोग्यासाठी हानिकारक आहे. त्यानंतर त्यांनी सॅनिटरी नॅपकिन डिझाईन करण्यास सुरुवात केली. सुरुवातीला अरुणाचलम यांनी कापसापासून पॅड बनवले परंतु त्यांच्या बहिणी आणि पत्नीने ते वापरण्यास नाकारले.

          अरुणाचलम यांच्या बहिणी आणि पत्नीने नकार दिला आणि त्यांना सहकार्य करणे थांबवले. त्यानंतर त्यांनी अशा स्त्रियांचा शोध घेतला ज्या अरुणाचलम यांनी शोध लावलेले सॅनिटरी नॅपकिन्स वापरून त्याबद्दल प्रतिक्रिया देऊ शकतील, तसेच अरुणाचलम हे जे नवीन बदल त्यामध्ये करत जातील त्याबद्दल आपली मत व्यक्त करत जातील. ज्या महिला अरुणाचलम यांनी शोधल्या त्या खूप लाजाळू होत्या. बऱ्याच काही महिला त्यांच्याशी चर्चा करण्यास तयार नव्हत्या.

      नंतर मुरुगनंथम यांनी स्वतःच तेथील स्थानिक वैद्यकीय महाविद्यालयातील मुलींना सॅनिटरी नॅपकिनचे मोफत वाटप केले .त्यांना असे वाटले जेणेकरून त्या मुली त्यांना अभिप्राय देतील. आणि अरुणाचलम यांच्या हे देखील लक्षात आले की सॅनिटरी पॅड बनवण्यासाठी जो कच्चामाल लागतो तो फक्त दहा रुपयांचा आहे परंतु अंतिम उत्पादन बहुराष्ट्रीय कंपन्यांनी चाळीस रुपयांना विकले. त्यानंतर अरुणाचलम यांनी कमी किमतीचे सॅनिटरी पॅड बनवणारे मशीन तयार केले आणि हे मशीन कमीत कमी प्रशिक्षणाने चालवता येईल.

       अरुणाचलम यांना बार्क लाकडाच्या लगद्यापासून बनवलेल्या सेल्युलोज तंतूंचा वापर करून व्यावसायिक पॅड बनविण्याचे मशीन शोधण्यासाठी जवळपास दोन वर्षे लागली.सेल्युलोज तंतूंमुळे सॅनिटरी पॅड शोषून घेण्यास मदत करतात.

     अरुणाचलम यांनी अतिनील / अल्ट्राव्हायोलेट प्रकाशाखाली प्रक्रिया केलेले पाइन लाकूड लगदा मुंबई येथून विकत घेतला. सॅनिटरी नॅपकिन्स बनवणारे मशीन सुरुवातीला डी फायब्रेट पीसते , पॅड्स विक्रीसाठी पॅक करण्यापूर्वी त्यांना प्रेस करून निर्जंतुक केले जाते. या अशा प्रकारच्या सॅनिटरी पॅड्स बनवणाऱ्या मशीनची किंमत 65 हजार रुपये इतकी आहे. अरुणाचलम मुरुगनंथम हे कमी किमतीच्या सॅनिटरी पॅड बनवणाऱ्या मशीनचे शोध कर्ता आहेत. अरुणाचलम यांच्या या शोधामुळे महिलांच्या जीवनामध्ये बहुतेक बदल झाले आहेत आणि त्यामुळेच त्यांना विविध पुरस्कारांनी सन्मानित केले गेलेले आहे.

       अरुणाचलम मुरुगनंथम यांनी जयश्री इंडस्ट्रीजची स्थापना केली. जयश्री इंडस्ट्रीज आता जवळपास संपूर्ण भारतभर मशीनचे ग्रामीण महिलांसाठी मार्केटिंग करत आहे.

    अरुणाचलम मुरुगनंथम यांनी  2006 मध्ये त्यांच्या आयडियाज दर्शवण्यासाठी आणि सजेशन्स मिळवण्यासाठी इंडियन इन्स्टिट्यूट ऑफ टेक्नॉलॉजी – आय आय टी मद्रास येथे भेट दिली.आयआयटी मद्रासने नॅशनल इनोव्हेशन फाऊंडेशनच्या ग्रासरूट्स टेक्नॉलॉजिकल इनोव्हेशन्स पुरस्कारासाठी त्यांनी लावलेल्या शोधाची नोंदणी केली आणि त्यांना ह्या शोधासाठी पुरस्कार देखील मिळाला.

     अरुणाचलम यांनी लावलेल्या शोधामुळे अनेक महिलांना रोजगार मिळाला आहे. अरुणाचलम यांच्याकडे महिला स्वयंसेवक आणि कर्मचाऱ्यांचे विस्तृत असे नेटवर्क असली तरी देखील अरुणाचलम हे स्वतः ग्रामीण भागातील महिलांना सॅनिटरी पॅड बनवण्याचे प्रशिक्षण देण्यासाठी प्रवास करत असतात. अरुणाचलम यांना कॉर्पोरेट संस्थांकडून अनेक व्यावसायिक ऑफर्स मिळाल्या परंतु त्यांनी त्या कधी स्वीकारल्या नाहीत आणि नेहमीच सामाजिक मदत करण्यासाठी प्राधान्य दिले. तसेच ग्रामीण भागामध्ये जे महिलांद्वारे स्वयंसहायता गट चालवले जातात त्यांना देखील सॅनिटरी पॅड बनवणारे मशीन उपलब्ध करून देण्याचा निर्णय घेतला. अरुणाचलम मुरुगनंथम यांना त्यांच्या सामाजिक मदतीसाठी आणि बांधीलकीमुळे अनेक प्रतिष्ठित असे पुरस्कार मिळालेले आहेत.

Author – Poonam Ghorpade Gore

Cycle agarbatti success story –

Who is the owner of cycle agarbatti brand ?

Which city is famous for agarbatti ?

Which are the products of N R Group ?

सायकल अगरबत्ती सक्सेस स्टोरी –

    आपल्या घरामध्ये देवबाप्पा समोर लावण्यासाठी अगरबत्ती लागतेच लागते, त्याचबरोबर तुळशीजवळ, पूजा करतेवेळी तसेच धार्मिक ठिकाणी अगरबत्ती आवश्यक असते. आणि अगरबत्ती मधील एक प्रसिद्ध असा ब्रँड म्हणजे सायकल अगरबत्ती .….

    चला तर जाणून घेऊयात ” सायकल अगरबत्ती ” या ब्रँड बद्दल …

     एन. रंगा राव हे फक्त आठ वर्षाचे होते तेव्हा त्यांनी त्यांचे वडील गमावले. वडील गमावल्यानंतर एन. रंगा राव यांच्यावर अगदी लहान वयात जबाबदाऱ्यांचा भार पडला.एन. रंगा राव हे शिक्षक आणि पुरोहित यांच्या कुटुंबातून आलेले आहेत. वडील वारल्यानंतर जबाबदारी पडल्यामुळे एन. रंगा राव यांनी ठिकठिकाणी नोकरी करण्यास सुरुवात केली. अशा रीतीने काही वर्ष उलटून गेली आणि एन. रंगा राव हे अगदी किशोर वयातच होते तेव्हा त्यांना कुन्नूर येथे स्टोअर सुपरवायझर म्हणून काम मिळाले.

  कुन्नूर येथे काम करत असतानाच एन. रंगा राव यांच्या डोक्यामध्ये विचार आला की काहीतरी बिजनेस सुरू करावा. आणि त्यांनी अगरबत्ती बनवण्याचा व्यवसाय सुरू करण्याचे नक्की केले. अगरबत्ती निवडण्याचे कारण कुटुंबाची पारंपारिक मूल्य जपणे आणि धर्मासाठी काहीतरी सेवा करणे हे होते. एन. रंगा राव यांनी 1940 च्या दशकामध्ये त्यांच्या घरामधूनच अगरबत्ती व्यवसाय सुरू केला आणि त्यांच्या कंपनीचे नाव ” म्हैसूर प्रॉडक्ट्स अँड जनरल ट्रेडिंग कंपनी ” असे ठेवले. काही कालावधीनंतर हे नाव ” एन आर ग्रुप ” मध्ये बदलले.

     रंगाराव हे त्यांच्या आजीच्या मदतीने घरामधूनच अगरबत्ती बनवू लागले. अगरबत्ती बनवून झाल्यानंतर ते रोजच्या रोज बाजारामध्ये जात असत कारण दुसऱ्या दिवशीच्या अगरबत्ती बनवण्यासाठी त्यांना जो कच्चामाल लागत असे त्यासाठी पैसे मिळवावे लागत असत आणि म्हणून त्यांना दररोज बाजारात जावे लागत. अगरबत्ती विकल्यानंतर त्यांना जे पैसे मिळत त्यातून ते दुसऱ्या दिवशीचे उत्पादन बनवण्यासाठी कच्चामाल खरेदी करत आणि उरलेल्या पैशातून आपल्या कुटुंबाचा उदरनिर्वाह करत असे.

      व्यवसाय सुरू केल्यानंतर एन रंगा राव यांना खूप साऱ्या अडचणींचा सामना करावा लागला, परंतु त्यांनी कधीही हार मानली नाही आणि त्या अडचणींशी लढा देत 1948 मध्ये त्यांनी म्हैसूरमध्ये कारखाना सुरू केला. अर्जुन यांचे वडील आर एन मूर्ती रंगा आणि त्यांचे काका गुरु रंगा आणि वासू रंगा यांनी देखील व्यवसायामध्ये प्रवेश केला आणि त्यानंतर एन आर ग्रुपचा विस्तार अधिक जास्त पटीने झाला.

      एन रंगा राव यांना हे माहीत होते की मार्केटमध्ये टिकून राहण्यासाठी नवनवीन काम शिकत राहणे गरजेचे आहे त्यामुळेच त्यांनी स्वतः परफ्युमरी शिकले. ते जेव्हा हे शिकले त्यावेळी इंटरनेट देखील नव्हते आणि त्यांच्याकडे फारसा पैसा देखील नव्हता तरीदेखील त्यांनी हे शिकून अधिक चांगल्या रीतीने अगरबत्ती बनवण्याचे कौशल्य संपादन केले.

  नंतर एन रंगा राव यांच्या असे लक्षात आले की, यशस्वीरीत्या व्यवसाय करायचा असेल तर एक ब्रँड तयार करणे अत्यावश्यक आहे आणि हे लक्षात येतात त्यांनी त्यांच्या व्यवसायाला नव्या उंचीवर नेण्यासाठी ” सायकल अगरबत्ती ” हा ब्रँड सुरू केला.

      एन आर ग्रुपचा प्राथमिक व्यवसाय सायकल प्युअर अगरबत्ती आणि देशातील पूजा प्रॉडक्ट्स सेगमेंटद्वारे चालवला जातो. रिपल फ्रॅग्रन्सेस प्रायव्हेट लिमिटेड लाँच केले आणि फंक्शनल आणि एअरकेअर लाइफस्टाइल उत्पादनांच्या निर्मिती केली. Ripple Fragrances च्या अंतर्गत, कंपनी Lia आणि IRIS Home Fragrances सारख्या ब्रँडचा अभिमान बाळगते. 

        विविध पद्धतीचे प्रश्न जसे की Lia रुम फ्रेशनर्स, कार फ्रेशनर्स आणि सुगंधित अगरबतींची देखील विस्तृत अशी श्रेणी ऑफर करते. IRIS होम फ्रॅग्रन्सेस IRIS अरोमा बुटीकच्या विस्तृत अशा नेटवर्कद्वारे ग्राहकांना भेटवस्तू आणि घराच्या सजावटीच्या गरजा पूर्ण करते.

         इनोव्हेशन हे नेहमीच एन आर ग्रुपचा महत्त्वाचा असा भाग राहिला आहे. एन आर ग्रुप हे तीन पॅकेजिंग करून कार्डबोर्ड पॅकेजिंग कडे वळणारे पहिलेच अगरबत्ती उत्पादक होते. आणि असे केल्यामुळे उत्पादन खर्चामध्ये देखील मोठ्या प्रमाणावर घट झाली तसेच वेस्टेज देखील कमी प्रमाणात होऊ लागले.

     एन रंगा राव यांच्या यशोगाथेमधून त्यांच्याकडे असणारी जिद्द, चिकाटी आणि कामाप्रती असलेले डेडिकेशन हे शिकण्यासारखे आहे…

Author – Poonam Ghorpade Gore

Haldiram success story –

When and where Haldiram’s was founded?

Who founded Haldiram brand?

हल्दीराम सक्सेस स्टोरी –

      आपण सर्वांनी हल्दीरामच्या विविध पदार्थांची चव नक्कीच चाखली असेल. हल्दीरामचे विविध उत्पादने आहेत जसे की भुजिया शेव, सोनपापडी आणि इतर अनेक पद्धतीचे स्नॅक्स…

     हल्दीराम ची सुरुवात भारताला स्वातंत्र्य मिळण्यापूर्वी 1937 मध्ये झाली. हल्दीरामची सुरुवात गंगाविशन अग्रवाल यांनी राजस्थानमधील बिकानेर या गावापासून केली होती. त्यावेळी गंगाविशन अग्रवाल यांनी बिकानेर येथे नाश्त्याचे दुकान सुरू केले. हल्दीराम आता जरी मोठा ब्रँड असला तरी देखील या ब्रांड ची सुरुवात छोट्याशा नाश्त्याच्या दुकानापासूनच झालेली होती. त्यावेळी गंगाविशन अग्रवाल यांचे वडील श्री तनसुखदास हे भुजियाचा व्यवसाय करत असत. परंतु त्यांना अधिक प्रसिद्धी गंगाविशनजी यांनी नाष्ट्याचे दुकान सुरू केले तेव्हापासूनच मिळत गेली. गंगाविशन यांना ते बनवत असलेल्या भुजियाच्या चवीमध्ये बदल करून अधिक उत्कृष्ट अशा चवीच्या भूजिया बनवायच्या होत्या. त्यासाठी गंगाविशनजी यांनी खूप प्रयत्न देखील केले .वेगवेगळे पदार्थ वापरून भुजिया तयार करण्यास सुरुवात केली. बऱ्याच प्रयत्नानंतर गंगाविशन यांनी वेगळ्या प्रकारे भूजिया बनवल्या . तसेच गंगाविशनजी यांनी त्यावेळी भुजिया पाच पैशांना किलो याप्रमाणे विकल्या .त्यावेळी इतर विक्रेते दोन पैशांना किलो अशा रीतीने भुजीया विकत होते परंतु गंगाविशनजी यांनी पाच पैशांना किलो याप्रमाणे भुजिया विकल्यामुळे ग्राहकांच्या नजरेमध्ये त्यांचा प्रॉडक्ट प्रीमियम बनला.तसेच हा व्यवसाय पुढे नेण्याचे श्रेय रामेश्वरजी यांना देखील जाते. रामेश्वरजी हे तनसुखदास यांचे धाकटे पुत्र. रामेश्वरजी यांनी कलकत्ता आणि दक्षिण भारतामध्ये ” हल्दीराम भुजियावाला ” या नावाने दुकान सुरू केले होते. आणि हाच हल्दीराम या ब्रँडचा टर्निंग पॉईंट ठरला..

       हल्दीरामची सुरुवात छोट्याशा दुकानापासून झाली असली तरी देखील सध्या हल्दीरामचे उत्पादन कारखाने नागपूर, कोलकाता, दिल्ली आणि बिकानेर इत्यादी ठिकाणी आहेत. हल्दीरामचे उत्पादने फक्त भारतापुरतीच मर्यादित राहिलेली नसून परदेशात देखील पसंतीस उतरलेली आहे. हल्दीरामची उत्पादने श्रीलंका , युनायटेड स्टेट्स ऑफ अमेरिका , युनायटेड किंगडम , कॅनडा , ऑस्ट्रेलिया , न्यूझीलंड , जपान , आणि थायलंड यांसारख्या विविध देशांमध्ये निर्यात केली जातात.

           हल्दीराम या कंपनीने त्यांचा पहिला उत्पादन कारखाना कलकत्ता येथे स्थापन केला होता. त्यानंतर दिल्लीमध्ये 1970 मध्ये हल्दीरामने एक मोठा प्लांट सुरू केला.त्यानंतर 1990 मध्ये दिल्ली येथे आणखी एक प्लांट उभारण्यात आला. 2003 मध्ये हल्दीराम या कंपनीने ग्राहकांच्या दृष्टीने योग्य अशी अन्न बनवण्याचे प्रक्रिया सुरू केली. आणि आता तर हल्दीरामच्या उत्पादनांचे 400 विविध प्रकार आहेत. या उत्पादनांमध्ये भारतीय मिठाई , स्नॅक्स , वेस्टन मिठाई , कुकीज , लोणचे आणि पापड यांचा समावेश आहे. जवळपास 1990 पासून खाण्यासाठी तयार अशा खाद्यपदार्थांचे उत्पादन हल्दीरामने सुरू केले होते. हल्दीरामने बटाट्यापासून विविध उत्पादने तयार करण्यासाठी परदेशामधून यंत्रसामग्री आयात केली.

       हल्दीराम त्यांच्या ब्रँड मार्केटिंग साठी विविध पद्धती अवलंबत असतो जसे की होर्डिंग , बॅनर ,  वेगवेगळ्या पद्धतीच्या जाहिराती. हल्दीरामची विविध प्रकारची उत्पादने रिटेल शॉप्स, बेकरी आणि वेगवेगळ्या प्रकारच्या मॉलमध्ये उपलब्ध आहेत . त्याचबरोबर हल्दीरामची उत्पादने आपण ऑनलाइन सुद्धा खरेदी करू शकतो. हल्दीराम हा भारतामधील मोठा ब्रांड बनला आहे.

    हल्दीराम या कंपनीला काही संकटांचा देखील सामना करावा लागला जसे की , २०१५ मध्ये हल्दीरामच्या उत्पादनांमध्ये कीटकनाशकांच्या उच्च पातळीमुळे अन्न आणि औषध विभागाने अमेरिकेमध्ये बंदी घातली होती. मात्र त्यानंतर विविध तपासणीनंतर हल्दीराम या कंपनीला महाराष्ट्र शासनाने क्लीन चीट दिली. यासाठी हल्दीरामच्या विविध उत्पादनांची चाचणी केली असता असे आढळले की, उत्पादने आरोग्यास हानिकारक नाही.

        हल्दीराम या कंपनीने 2018 मध्ये आपली कमाई १३ टक्के ने वाढवली आणि जवळपास चार हजार कोटींचा टप्पा पार केला होता. हल्दीराम ही कंपनी तीन विविध क्षेत्रांमध्ये आपला व्यवसाय करते जसे की हल्दीरामचे स्नॅक अँड एथनिक फूड, नागपूर स्थित हल्दीराम फूड इंटरनॅशनल आणि हल्दीराम भुजिया वाला. हल्दीरामची रिटेल व्यवसायामध्ये अंदाजे कमाई 5000 कोटी रुपयांपेक्षा देखील जास्त आहे.

Bikaji success story –

Who is the owner of Bikaji ?

When was Bikaji brand established ?

Is Bikaji Indian brand ?

What are the products of Bikaji brand ?

Who is the CEO of Bikaji ?

बिकाजी सक्सेस स्टोरी –

     बिकाजी हा भारतातील तसेच परदेशातील बहुतेक भारतीयांचा सर्वात प्रिय असा आणि पसंतीचा ब्रँड आहे. आपण सर्वांनीच Bikaji या ब्रँडचे वेगवेगळ्या पदार्थांची चव नक्कीच चाखली असेल.बिकाजीची मुख्य उत्पादने अशी आहेत – भुजिया, नमकीन, पापड आणि फ्रोझन मिठाई. तर आज आपण जाणून घेणार आहोत याच ब्रँड बद्दल….

       श्री शिवरतन अग्रवाल – हल्दीरामचे संस्थापक श्री. गंगाविशन अग्रवाल यांचे नातू,यांनी 1987 मध्ये बिकाजी या कंपनीची स्थापना केली. या कंपनीची स्थापना करण्यामागचा उद्देश असा होता की , संपूर्ण जगामध्ये ग्राहकांपर्यंत भारतातील पदार्थांचा आस्वाद पोहोचावा आणि याच दृष्टिकोनातून त्यांनी बिकाजी या कंपनीची स्थापना केली. ” बिकाजी ” हे ब्रँड नेम देण्यापूर्वी शिवदीप इंडस्ट्रीज लिमिटेड असे नाव होते. सुरुवातीला शिवरतनजी अग्रवाल शिवदीप इंडस्ट्रीज लिमिटेड या लेबल खालीच त्यांचे प्रोडक्ट्स विकत असत. परंतु त्यानंतर अग्रवालजी यांना बिकानेरचे संस्थापक बिका राव यांच्याकडून प्रेरणा मिळाली. आणि त्यामुळेच 1993 मध्ये त्यांच्या आदर युक्त भावनेमधून बिकाजी असे नाव देण्यात आले. हे नाव देण्यामागे अजून एक उद्देश असा की हे नाव लक्षात ठेवण्यासाठी सोपे जाईल आणि पिढ्यान पिढ्या हे नाव लोक लक्षात ठेवतील. आणि अशा रीतीने बिकाजीचा प्रवास सुरू झाला आणि तो आजपर्यंत यशस्वीरित्या सुरूच आहे….

           ज्यावेळी बिकाजीची सुरुवात झाली त्यावेळी तंत्रज्ञान भुजियाचे मोठ्या प्रमाणावर उत्पादन करण्यासाठी तितकी असे कार्यक्षम होते. बिकाजी ही कंपनी जो कच्चा माल वापरते तो अतिशय काळजीपूर्वक निवडला जातो तसेच तो सर्वोत्तम दर्जाचा असतो आणि योग्य त्या बाजारामधून खरेदी केलेला असतो. कच्च्या मालाची खरेदी किंवा निवड झाल्यानंतर पुढील प्रक्रिया अतिशय सुरक्षित आणि स्वच्छ अशा वातावरणामध्ये केली जाते, ज्या ठिकाणी ऑटोमॅटिक आउटलेटमध्ये पॅकेज केले जाते.

   बिकाजी या ब्रँडचा विस्तार अजून देखील मोठ्या प्रमाणावर सुरूच आहे आणि आज बिकाजी हा FMCG ( Fast Moving Consumer Goods ) क्षेत्रातील भारतातील त्याच बरोबर परदेशातील देखील एक आघाडीचा ब्रँड म्हणून ओळखला जात आहे.

       2019 मध्ये, ” अमितजींना बिकाजी आवडतात ( Amitji loves Bikaji ) ” या टॅगलाइनसह अमिताभ बच्चन यांना बिकाजीचे ब्रँड ॲम्बेसेडर म्हणून नियुक्त करण्यात आले.

          बिकाजी या  कंपनीच्या भारतात एकूण सहा ऑपरेशनल मॅन्युफॅक्चरिंग फॅसिलिटीज आहेत. बिकानेर (राजस्थान) येथे चार फॅसिलिटीज, गुवाहाटी (आसाम) मध्ये एक आणि तुमकुरू (कर्नाटक) मध्ये एक ह्या प्रकारे…

       बिकाजी या कंपनीचे कार्य भारतामधील जवळपास 22 राज्यांमध्ये आणि तीन केंद्रशासित प्रदेशांमध्ये सुरू आहे.बिकाजी ही कंपनी फक्त भारतामध्येच प्रसिद्ध नसून भारताबाहेरील इतर देश जसे की उत्तर अमेरिका, युरोप मध्यपूर्व आफ्रिका आणि आशिया पॅसिफिक यांसारख्या जवळपास 35 देशांमध्ये आपली उत्पादने निर्यात करतात.बिकाजी या ब्रँडने भारताबाहेर देखील प्रसिद्धी मिळवली आहे.

      बिकाजी या कंपनीला 2008 मध्ये राजस्थान ” स्टेट अवॉर्ड फॉर एक्सपोर्ट एक्सलन्स ” या पुरस्काराने सन्मानित करण्यात आले तसेच 2009 मध्ये ” गव्हर्मेंट ऑफ राजस्थान स्टेट अवॉर्ड फॉर एक्सपोर्ट एक्सलन्स ” या पुरस्काराने सन्मानित करण्यात आले.

     सध्या दीपक अग्रवाल हे बिकाजीचे सीईओ आणि मॅनेजिंग डायरेक्टर आहेत.

Xpressbees Success Story –

Supam Maheshwari and Amitav Saha success story –

Who is the owner of Xpressbees ?

When was Xpressbees started ?

What is the vision and mission of Xpressbees ?

Is Xpressbees product based company ?

What is the tagline of Xpressbees ?

What is the meaning of Xpressbees ?

 Xpressbees ची सक्सेस स्टोरी –

सुपम माहेश्वरी आणि अमिताव साहा यांची यशोगाथा –

      Xpressbees ही कंपनी स्थानिक आणि जागतिक स्तरावर विविध प्रकारच्या लॉजिस्टिक सर्विसेस उपलब्ध करून देते.Xpressbees कडे उत्कृष्ट अशी वितरण पद्धती तसेच वाहतूक सुविधा आहेत.Xpressbees अगदी वेळेवर वितरण करून ग्राहकांच्या गरजा पूर्ण करत असते.Xpressbees अमिताव साहा आणि सुपम माहेश्वरी यांनी 2015 मध्ये सुरू केली.

     सूपम माहेश्वरी यांनी दिल्ली कॉलेज ऑफ इंजीनियरिंग मध्ये बी टेक केलेले असून सुपम हे आयआयएम अहमदाबाद येथील पदवीधर आहेत. सुपम माहेश्वरी यांनी त्यांच्या पहिल्या प्रोजेक्टची स्थापना 2010 मध्ये केली, त्यांचा पहिला प्रोजेक्ट FirstCry.com हा आहे. तसेच सुपम माहेश्वरी हे 2000 ते 2009 पर्यंत ब्रेनव्हिसा टेक्नॉलॉजीचे सह-संस्थापक आणि सीईओ होते.ब्रेनव्हिसा टेक्नॉलॉजीची सुरुवात त्यांनी अमिताव साहासोबत केली होती परंतु काही कारणास्तव त्यांना ते विकावे लागले. सध्या सुपम माहेश्वरी हे Xpressbees चे सहसंस्थापक आहेत.

     अमिताव साहा हे Xpressbees चे सहसंस्थापक आणि सीईओ आहेत त्याचबरोबर साहा हे Firstcry.com चे सह संस्थापक देखील आहेत. अमिताव साहा यांनी त्यांचे बी टेक चे शिक्षण वाराणसी येथे पूर्ण केले त्यानंतर पी जी डी एम ही पदवी आय आय एम लखनऊ येथून प्राप्त केली. अमिताव साहा यांनी टाटा स्टील या कंपनीमध्ये वरिष्ठ अधिकारी म्हणून काम केलेले आहे त्याचबरोबर एन आय आय टी टेक्नॉलॉजी मधील सिनियर बिजनेस डेव्हलपमेंट एक्झिक्यूटिव्ह आणि एरिसेंट येथे बिझनेस डेव्हलपमेंट मॅनेजर या पदावर काम केलेले आहे. त्यानंतर ब्रेनव्हिसा टेक्नॉलॉजीज, Firstcry.com , Xpressbees यांसारख्या विविध प्रोजेक्टस् वर काम केले किंबहुना अजूनही करत आहेत. अमिताव साहा यांना सेल्स आणि ऑपरेशन्स मध्ये सतरा वर्षाहून अधिक अनुभव आहे.

       XpressBees या कंपनीच्या नावामधून कंपनी त्यांच्या वितरण पद्धतीमध्ये आणि वहनांमध्ये वेग दर्शवते तसेच ” डिलिव्हरिंग हॅप्पीनेस ” ही एक्सप्रेस बिजची टॅगलाइन आहे.

     सर्व आयात आणि निर्यात सर्विसेस सह उत्कृष्ट असा लॉजिस्टिक सोल्यूशन्स प्रदाता म्हणून विकसित होणे हे Xpressbees चे मिशन आणि व्हिजन आहे.

    सध्या एक्सप्रेस बीज या कंपनीचे तीन हजारापेक्षा जास्त एम्प्लॉईज कार्यरत आहेत.Xpressbees ची जेव्हा सुरुवात झाली होती तेव्हा दररोज पन्नास हजार शिपमेंट्स होत होत्या आणि आता तर रोज तीन दशलक्ष शिपमेंट्स होत आहेत. कंपनीची आता 3000 पेक्षा जास्त ऑफिसेस तसेच सेवा केंद्र आहेत. 52 पेक्षा जास्त विमानतळ कनेक्शन्स आहेत त्याचबरोबर अडीच हजाराहून अधिक नेटवर्क शहरांमध्ये कार्यरत आहेत. आर्थिक वर्ष 2021 मध्ये या कंपनीने महसुलामध्ये 1000 कोटींचा टप्पा ओलांडला आहे.Xpressbees ही SAIF Partners, Paytm, Chiratae Ventures आणि अशा बरेच काही उपक्रमांशी संबंधित आहे.

     B2B आणि B2C मॉडेलवर Xpressbees चे व्यवसाय मॉडेल चालते. Xpressbees च्या B2B बिझनेस मॉडेलमध्ये इतर कंपन्या आणि ऑनलाइन मार्केट्सना सर्विसेस उपलब्ध करून देणे हे समाविष्ट आहे तसेच B2C या मॉडेलमध्ये एन्ड कस्टमर्सना वस्तू विकणे हे समाविष्ट आहे.Xpressbees च्या इन्कम चा मुख्य स्त्रोत देखील वेअर हाऊसिंग आणि ट्रान्सपोर्टेशन यांसारख्या सर्विसेस मधून आहे.

     Xpressbees चा विस्तार सध्या देखील मोठ्या प्रमाणावर असला तरी देखील ही कंपनी आपला विस्तार तसेच नेटवर्क अजून मोठ्या प्रमाणावर वाढवण्याच्या प्रयत्नात आहे तसेच हा विस्तार मोठ्या प्रमाणावर करण्यासाठी जास्तीत जास्त शिपमेन्ट्स , मजबूत कनेक्शन आणि इन्फ्रास्ट्रक्चर या दिशेने काम करत आहे.

Nykaa brand success story / Falguni Nayar success story –

Is Nykaa Indian brand ?

Who is the owner of Nykaa ?

Is Nykaa a successful company ?

What is the main focus of Nykaa ?

Why is Nykaa so famous ?

 नायका ब्रँड सक्सेस स्टोरी –

     Nykaa ची स्थापना फाल्गुनी नायर यांनी 2012 मध्ये केली.सुरुवातीला Nykaa ही कंपनी इंटरनेट कंपनी म्हणून सुरू करण्यात आली.Nykaa ही कंपनी सौंदर्यप्रसाधने तसेच फॅशन निगडित गोष्टी कंपनीच्या वेबसाईट वर तसेच ॲप वर ऑनलाइन रित्या विकते.

      फाल्गुनी नायर यांना असे आढळून आले की ,भारतीय बाजारपेठेमध्ये फ्रान्स तसेच जपानच्या उत्पादनांशी मिळते जुळते उत्पादने उपलब्ध नाहीत. त्यामुळेच फाल्गुनी नायर यांनी भारतीय बाजारपेठेमध्ये सौंदर्यप्रसाधने चांगल्या पद्धतीने विकसित करण्याचा निर्णय घेतला.Nykaa चे असे देखील एक उद्दिष्ट आहे की ,सामान्य महिलांना प्रत्येक प्रकारे उल्लेखनीय बनवणे ( Making simple women extraordinary in every aspect ).

      फाल्गुनी नायर यांनी जेव्हा Nykaa ची स्थापना केली त्यावेळी त्यांच्याकडे फक्त 3 कर्मचारी होते. जेव्हा Nykaa ची सुरुवात होती त्यावेळी त्यांच्याकडे तंत्रज्ञानाचे देखील मर्यादित ज्ञान होते. सुरुवातीच्या काळामध्ये Nykaa ला साठ ऑर्डर्स मिळाल्या होत्या. सुरुवातीला ऑर्डर जरी कमी होत्या तरी देखील नायकाने त्यांच्या उत्पादनांच्या किमतीच्या बाबतीत कधीही तडजोड केली नाही. उत्पादनांची विक्री वाढवण्यासाठी Nykaa उत्पादनांच्या किमती कमी करू शकली असती परंतु त्यांनी तसे केले नाही.

“आम्ही लिपस्टिकची अयोग्य शेड अर्ध्या किमतीत विकण्यापेक्षा योग्य शेड पूर्ण किंमतीला विकू इच्छितो,” Nykaa चे संस्थापक आणि CEO एकदा म्हणाले होते.

       फाल्गुनी नायर यांनी आय आय एम अहमदाबाद येथून मास्टर्स इन फायनान्स ही पदवी मिळवली . त्यानंतर फाल्गुनी नायर यांनी कोटक महिंद्रा कॅपिटल कंपनी ही बँक जॉईन केली. फाल्गुनी नायर यांना 2005 मध्ये बँकेच्या त्याच विभागाचे व्यवस्थापकीय संचालक म्हणून नियुक्त करण्यात आले . अठरा वर्षे त्या बँकेमध्ये नोकरी केल्यानंतर

फाल्गुनी नायर यांनी राजीनामा दिला. बँकेमध्ये राजीनामा दिल्यानंतर फाल्गुनी नायर यांनी पूर्णवेळ त्यांचा व्यवसाय सुरळीत चालवण्यासाठी दिला.

        फाल्गुनी नायर यांनी त्यांचा व्यवसाय यशस्वी करण्यासाठी पूर्णतः प्रयत्न केले .त्याचबरोबर कुठलाही व्यवसाय सुरू करण्यासाठी विशिष्ट वयाची आवश्यकता नसते तर आपण कोणत्याही वयामध्ये व्यवसाय सुरू करू शकतो हे सिद्ध केले आणि त्यांचा व्यवसाय यशस्वी करून दाखवला. फाल्गुनी नायर आशिया सोसायटीच्या संस्थापक सदस्य म्हणून देखील प्रसिद्ध आहेत तसेच अविवा इन्शुरन्स बोर्ड,डाबर इंडिया आणि टाटा मोटर्स बोर्ड यांसारख्या विविध मंडळाच्या सदस्य आहेत. फाल्गुनी नायर यांना विविध पुरस्काराने सन्मानित करण्यात आलेले आहे. फाल्गुनी नायर यांना FICCI लेडीज ऑर्गनायझेशन ( FLO ) बॅंकिंगमधील सर्वोत्कृष्ट महिला पुरस्कार तसेच बिझनेस टुडे अवॉर्ड मिळालेला आहे, ज्यामुळे फाल्गुनी नायर यांना टॉप 25 महिलांपैकी एक नाव दिले.तसेच फाल्गुनी नायर ह्या जगातील सर्वात श्रीमंत सेल्फ मेड महिलांच्या यादीत 10 व्या स्थानावर आहे.Nykaa ने सौंदर्य प्रसाधनांच्या इंडस्ट्री मध्ये एक वेगळे असे नाव निर्माण केले आहे.

    Nykaa ला दर महिन्याला जवळपास 1.5 दशलक्ष ऑर्डर्स मिळतात.तसेच Nykaa चे मंथली 17 दशलक्ष ॲक्टिव युजर्स आहेत .Nykaa चे पूर्ण भारत भर 70 पेक्षा जास्त ठिकाणे आहेत तसेच कंपनी तर्फे 4000 हून अधिक ब्रँड्स उपलब्ध आहेत.Nykaa कडे त्यांच्या वेबसाइटवर, ॲप मध्ये आणि त्यांच्या स्टोअरमध्ये अंदाजे 3.1 दशलक्ष SKUs उपलब्ध आहेत.

       Nykaa कॉस्मेटिक क्षेत्रातील प्रमुख खेळाडूंपैकी एक आहे.Nykaa कडे सौंदर्य, फॅशन आणि वेलनेस उत्पादनांच्या विस्तृत श्रेणी उपलब्ध आहेत.Nykaa विविध प्रकारचे कंटेंट देखील उपलब्ध करून देते जसे की, प्रॉडक्ट रीव्ह्यूज,एक्स्पर्ट रिटन आर्टिकल्स आणि ई – ब्युटी मॅगझिन.तसेच Nykaa हेल्पलाईन ग्राहकांना त्यांच्या गरजा ओळखून प्रॉडक्ट्स निवडण्यामध्ये मदत करते .