Posts in category: Uncategorized

डोळ्याखाली येणारे डार्क सर्कल्स दूर करण्यासाठी घरगुती उपाय –

Home remedies to remove dark circles under eyes 

बऱ्याचशा कारणांमुळे डोळ्याखाली डार्क सर्कल्स येतात , त्यापैकीच काही कारणे म्हणजे पुरेशी झोप न घेणे , मोबाईल लॅपटॉप यांचा अतिरिक्त वापर करणे , व्यवस्थित आहार न घेणे. तर आज आपण डोळ्याखाली येणारे डार्क सर्कल्स कसे दूर करायचे यासाठीचे काही घरगुती उपाय बघणार आहोत.

१ . रात्री झोपण्यापूर्वी डोळ्याखाली बदामाचे शुद्ध तेल लावावे यामुळे डार्क सर्कल नष्ट होण्यामध्ये मदत होईल.

२ . ज्यांची स्किन ऑईली आहे , त्यांनी बदाम तेलाचा वापर न करता जायफळ आणि चंदन उगाळून त्याचा लेप डार्क सर्कलवर लावावा ,यामुळे डार्क सर्कल नष्ट होण्यामध्ये मदत होईल. जायफळ आणि चंदन समप्रमाणात घेऊ शकता. ही पेस्ट लावल्यावर रात्रभर तशीच ठेवायची आहे आणि सकाळी पाण्याने स्वच्छ धुऊन काढा.

३ . तीन ते चार चमचे मसूर डाळ गुलाब पाण्यामध्ये रात्रभर भिजत ठेवा. त्यानंतर सकाळी मसूर डाळी मधील अतिरिक्त गुलाब पाणी बाजूला काढून घ्या आणि नंतर मसूर डाळ हाताने किंवा चमच्याच्या साह्याने व्यवस्थित येत्या कुस्करून घ्या. नंतर ही डाळ डार्क सर्कल वर किंवा पूर्ण चेहऱ्यावर लावली तरी देखील चालेल. नंतर एक लिंबू घेऊन त्याचा रस काढून घ्या आणि लिंबाची साल डार्क सर्कल वर जी मसूर डाळ लावली आहे , त्यावर ठेवून व्यवस्थित रित्या मसाज करा यामुळे डार्क सर्कल कमी होण्यामध्ये नक्कीच मदत होईल.

४ . खोबरेल तेल आणि बदाम तेल समप्रमाणात घेऊन व्यवस्थित रित्या मिक्स करून घ्या आणि नंतर तयार झालेले तेल डार्क सर्कल वर लावा आणि एक तास तसंच राहू द्या आणि नंतर चेहरा कोमट पाण्याने स्वच्छ धुऊन काढा.

५ . एक चमचा बेसन पीठ घ्या त्यामध्ये चिमूटभर हळद घाला आणि गुलाब पाणी टाकून व्यवस्थित रित्या पेस्ट बनवून घ्या. ही पेस्ट डार्क सर्कल वर अप्लाय करायची आहे आणि ही पेस्ट सुकल्यानंतर काही वेळाने चेहरा कोमट पाण्याने धुऊन काढा.

६ . एक चमचा मध घ्या त्यामध्ये चिमूटभर हळद घाला आणि एक चमचा गुलाब पाणी टाकून हे मिश्रण व्यवस्थित रित्या मिक्स करून घ्या नंतर हे मिश्रण डार्क सर्कलवर लावा अर्धा तास तसेच राहू द्या आणि नंतर स्वच्छ धुऊन काढा.

७ . एलोवेरा जेल किंवा कोरफडीचा गर डोळ्याखाली आलेल्या डार्क सर्कल वर दिवसातून दोन वेळा दहा मिनिटांसाठी लावा आणि नंतर कोमट पाण्याने स्वच्छ धुऊन काढा, यामुळे देखील डार्क सर्कल दूर होण्यासाठी मदत होईल.

८ . दुधामध्ये लिंबाचा रस घालून घ्या त्यामध्ये कापूस बुडवून हा कापूस डार्क सर्कल वर थोडा वेळ ठेवायचा आहे आणि नंतर चेहरा पाण्याने धुऊन काढायचा आहे.

९ . लिंबाचा रस डार्क सर्कल वर लावल्यामुळे डार्क सर्कल कमी होण्यास मदत होते कारण लिंबाच्या रसामध्ये विटामिन सी आढळते. परंतु ज्यांची त्वचा जास्त सेन्सिटिव्ह आहे त्यांनी हा उपाय करणे टाळावे.

१० . एक बटाटा घ्यायचा आहे .बटाट्याची साल काढून टाकायची आहे, त्यानंतर बटाट्याच्या बारीक बारीक फोडी करायचे आहे. या बटाट्याच्या फोडी खलबत्त्यामध्ये कुटुन घ्यायचे आहे आणि त्याची पेस्ट बनवून घ्यायची आहे. ही तयार झालेली पेस्ट एक चमचा घ्या , त्यामध्ये एक चमचा एलोवेरा जेल टाका, व्यवस्थित रित्या मिक्स करून घ्या आणि नंतर हे मिश्रण डार्क सर्कल वर लावा. वीस मिनिटांनी चेहरा स्वच्छ धुऊन काढा.

११ . तीन चमचे एलोवेरा जेल घ्या त्यामध्ये एक विटामिन ई ची कॅप्सूल घाला. व्यवस्थित रित्या मिक्स केल्यानंतर हे मिश्रण रात्री झोपण्यापूर्वी डार्क सर्कल वर लावा. सकाळी चेहरा कोमट पाण्याने स्वच्छ धुऊन घ्या.

१२ . एक चमचा एलोवेरा जेल घ्या . त्यामध्ये थोडीशी हळद आणि कच्चे दूध घाला. हे मिश्रण व्यवस्थित मिक्स करून झाल्यानंतर डार्क सर्कल वर लावा आणि दहा ते पंधरा मिनिटांनंतर चेहरा पाण्याने स्वच्छ धुऊन काढा.

Author – Poonam Ghorpade Gore

वजन कमी करण्यासाठी घरगुती उपाय –

Home remedies for weight loss –

    वजन वाढल्यामुळे बऱ्याचशा व्यक्तींना वेगवेगळ्या समस्यांचा सामना करावा लागतो. आज आपण वजन कमी करण्यासाठी काही घरगुती असे उपाय बघणार आहोत.

१ . त्रिफळा चूर्ण आणि मध कोमट पाण्यामध्ये टाकून व्यवस्थित रित्या मिक्स करून घ्या आणि हे पाणी दोन मिलच्या मध्ये पोट रिकामे असताना घ्या.

२ . दोन ते चार चमचे ब्राह्मी चूर्ण, जेवढे ब्राह्मी चूर्ण घेतले आहे तेवढेच पाणी घेऊन हे पाणी जेवणापूर्वी घ्यायचे आहे. हे पाणी रोज एक वेळा घेता येऊ शकते. तसेच अर्धा चमचा ब्राह्मी चूर्ण आणि अर्धा चमचा मध हे मिश्रण दिवसातून दोनदा आपण घेऊ शकतो.

३ . दालचिनी, अद्रक आणि मिरे यांचा समावेश आपल्या आहारामध्ये करावा.

४ . आपल्या आहारामध्ये पन्नास टक्के फळे आणि पालेभाज्यांचा समावेश असावा आणि 50% प्रोटीन्स , कॉर्बज आणि गुड फॅट्स यांचा समावेश असावा.

५ . मैद्याचा समावेश आहारामध्ये टाळावा तसेच पोलिशड तांदळाचा भात खाणे टाळावे. बटर आणि चीज यांचा देखील आहारामध्ये समावेश करू नये.

६ . ज्यावेळी भूक लागेल तेव्हाच अन्न खावे. आपल्या शरीराने जेवण करत असताना आपल्याला असा संकेत दिला की आपले पोट भरले आहे त्याच वेळी अतिरिक्त खाणे टाळावे. जेवण करत असताना घास व्यवस्थित रित्या चावून खावा त्यामुळे शरीरामध्ये जास्तीचे फॅट्स तयार होत नाहीत आणि अन्नदेखील व्यवस्थित रित्या पचते. मार्केटमध्ये जे विविध प्रकारचे अनहेल्दी स्नॅक्स मिळतात ते खाणे टाळले पाहिजे.

७ . दररोज तीस ते चाळीस मिनिट चालले पाहिजे तसेच योगा किंवा व्यायाम केला पाहिजे.

८ . पुरेशी झोप घेणे देखील आवश्यक आहे. रात्री योग्य त्यावेळी झोपले पाहिजे आणि सकाळी देखील लवकर उठले गेले पाहिजे. सकाळचा नाष्टा नक्कीच केला पाहिजे. रात्रीचे जेवण देखील सात किंवा साडेसात पर्यंत घेतले पाहिजे. असे रुटीन फक्त काही महिनेच न ठेवता आयुष्यभर जर फॉलो केले तर वेट मेंटेन राहण्यामध्ये नक्कीच या गोष्टींचा महत्त्वाचा असा वाटा असतो.

९ . दररोज सकाळी आठ ते दहा कढीपत्त्याची पाने तीन ते चार महिन्यासाठी खायची आहेत. यामुळे वजन कमी होण्यासाठी मदत होते.

१० . सकाळी उठल्यानंतर काहीही न खाता कोमट पाण्यामध्ये एक चमचा मध आणि तीन चमचे लिंबाचा रस टाकून हे पाणी प्यायचे आहे. यामुळे देखील वजन कमी होण्यामध्ये मदत होते.

११ . पाण्यामध्ये दोन चमचे ॲपल साइडर विनेगर आणि दोन चमचे लिंबाचा रस टाकून हे पाणी रोज जेवणापूर्वी घेऊ शकतो. यामुळे देखील वजन कमी होण्यामध्ये मदत होते.

१२ . दररोज दुधाच्या चहा ऐवजी ग्रीन टी चे सेवन तुम्ही करू शकता. ग्रीन टी मध्ये अँटिऑक्सिडन्स आणि न्यूट्रियंट्स असतात. ग्रीन टी फॅट बर्निंग मध्ये मदत करते. तसेच एनर्जी लेव्हल देखील वाढवते. ग्रीन टी ब्लड शुगर लेव्हल आणि कोलेस्टेरॉल कमी करते. ग्रीन टी वजन कमी करण्यासाठी देखील अतिशय उपयुक्त आहे.

१३ . एका पातेल्यामध्ये पाणी उकळण्यास ठेवा, त्यामध्ये दालचिनी टाका. त्याचबरोबर आलं आणि थोडीशी मिडपूड टाका. हे मिश्रण व्यवस्थित रित्या उकळवून घ्या आणि नंतर गॅस बंद करा. त्यानंतर यामध्ये पाव चमचा हळद टाका. नंतर हे मिश्रण तीन ते चार मिनिट तसेच राहू द्या. त्यानंतर यामध्ये थोडासा ग्रीन टी टाका, अगदी एक मिनिटभर राहू द्या आणि नंतर गाळणीने गाळून घ्या. हा हळदीचा चहा नाष्ट्यानंतर तसेच दुपारच्या जेवणानंतर अर्ध्या तासाने आपण घेऊ शकतो परंतु ग्रीन टी किंवा हा चहा काहीही न खाता उपाशीपोटी कधीही घेऊ नये,आणि जर काहीही न खाता सकाळी ग्रीन टी घेतला तर अपचनाचा त्रास होऊ शकतो. त्यामुळेच असे करणे टाळावे.

Author – Poonam Ghorpade Gore

घसा खवखवणे किंवा घसा दुखणे यावर घरगुती उपाय –

Home remedies for Throat infection –

     बऱ्याचदा हवामानांमधील बदलामुळे किंवा खाण्यामध्ये तेलकट किंवा मसालेदार अन्न गेल्यामुळे देखील घसा खवखवण्याचा त्रास होऊ शकतो. घसा दुखत असल्यास बोलणे ,पाणी पिणे, जेवण करणे इत्यादी सर्वच कठीण होऊन बसते आणि कामांमध्ये देखील लक्ष लागत नाही. तर आज आपण घसा दुखीवर घरगुती असे काही उपाय बघणार आहोत.

१ . घसा दुखीवर अत्यंत प्रभावी असा उपाय म्हणजे तुळस. तुळशीचा अर्क म्हणजेच एक्सट्रॅक्ट पाण्यामधून तीन ते चार थेंब दिवसातून तीन ते चार वेळा तुम्ही घेऊ शकता किंवा तुळशीची काही पाने चावून खाऊ शकता. या उपायामुळे घसा दुखणे थांबेल.

२ . घसा दुखीवर अजून एक उपाय म्हणजे लवंग. लवंग तोंडामध्ये पकडून ती चघळत राहिल्यास घसा मोकळा होतो आणि घसा दुखण्यापासून आराम मिळेल.

३ . घसा दुखत असल्यास पाणी कोमट करून त्यामध्ये अर्धा चमचा मीठ आणि पाव चमचा हळद घालून ह्या पाण्याने गुळण्या करा यामुळे देखील असा मोकळा होण्यास मदत होईल आणि घसा दुखी देखील थांबेल.

४ . कोमट पाण्यामध्ये मध घालून या पाण्याने गुळण्या केल्यास देखील घशाला आराम मिळेल.

५ . लसुन चघळत राहिल्यास घसा दुखण्यापासून आराम मिळेल.

६ . घसा दुखीवर पुढचा प्रभावी असा उपाय म्हणजे अद्रक. आलं ठेचून किंवा किसून घेऊन पाण्यामध्ये चांगल्या प्रकारे उकळवून घ्या आणि थोडेसे कोमट झाल्यानंतर त्यामध्ये मध आणि लिंबाचा रस घाला. हा काढा घेतल्याने  घसा खवखवण्यापासून आराम मिळेल आणि घसा पूर्ववत होईल.हा उपाय तुम्ही दिवसातून तीन ते चार वेळा करू शकता.

७ . अडुळसा देखील घसा दुखीवर अत्यंत प्रभावी असा उपाय आहे. अडुळशाचा रस तयार करून त्यामध्ये मध घालून एकत्रितपणे घ्या. या उपायामुळे देखील घसा दुखणे थांबेल.

८ . घसा दुखत असल्यास कोमट पाणी पिले पाहिजे.

९ . निलगिरीच्या तेलाचे तीन ते चार थेंब रुमालावर टाकून या रुमालाचा सतत वास घेत राहिला पाहिजे. त्याचबरोबर निलगिरीचे तेल उकळत्या पाण्यामध्ये तीन ते चार थेंब टाकून या पाण्याची वाफ घेतल्यामुळे देखील घसा दुखी बरी होण्यामध्ये मदत होते.

१० . एका पातेल्यामध्ये दोन ग्लास पाणी घेऊन त्यामध्ये एक चमचा त्रिफळा चूर्ण , एक चमचा हळद आणि पाव चमचा मीठ टाका. या कोमट पाण्याने दिवसातून कमीत कमी तीन वेळा दहा ते पंधरा मिनिट भर गुळण्या करा. या उपायाने घशाला आलेली सूज कमी होते आणि घसा मोकळा होण्यामध्ये मदत होईल आणि घसा दुखीचा त्रास देखील थांबेल.

११ . पाव चमचा सुंठ पावडर , अर्धा चमचा हळद आणि पाव चमचा पेक्षाही कमी दालचिनी पावडर आणि मध एका वाटीमध्ये घेऊन याची पेस्ट बनवा. ही पेस्ट थोडी थोडी करून खाऊन घ्यायची आहे. हे मिश्रण दिवसातून तीन ते चार वेळा तुम्ही घेऊ शकता आणि हा उपाय तीन ते चार दिवस केल्यानंतर घसा दुखी थांबेल.

१२ . अर्धा चमचा आल्याचा रस घेऊन त्यामध्ये अर्धा चमचा मध घालायचा आहे आणि हे मिश्रण व्यवस्थित रित्या एकजीव करून घसा दुखत असताना रोज संध्याकाळी अर्धा चमचा घ्यायचे आहे. यामुळे घसा दुखी थांबण्यासाठी मदत होईल.

१३ . पुदिना ही वनस्पती देखील अतिशय औषधी आहे. पुदिन्याचा समावेश रोजच्या आहारामध्ये आपण करू शकतो जसे की पुदिन्याची चटणी आपण आपल्या आहारात घेऊ शकतो. हळदीचे दूध बनवत असताना त्यामध्ये पुदिन्याची काही पाने टाकू शकतो त्याचबरोबर चहा मध्ये देखील पुदिन्याच्या पानांचा उपयोग आपण करू शकतो. तीन ते चार पुदिन्याची पाने घेऊन त्यामध्ये चिमूटभर ओवा आणि चिमूटभर हळद घेऊन हे सर्व खाऊन घ्यायचे आहे यामुळे घसा दुखी थांबण्यास मदत होईल.

तोंड येणे यावर घरगुती उपाय –

Home remedies to cure mouth ulcer –

    तोंड येण्याचे काही कारणे म्हणजे अपचन, शरीरामध्ये जास्त प्रमाणात उष्णता असणे किंवा तोंडाची व्यवस्थितरित्या काळजी न घेणे इत्यादी असू शकतात. तोंड येण्याची काही लक्षणे म्हणजे ओठांच्या आतल्या बाजूने, गालाच्या आतल्या बाजूने जीभेच्या कडेला फोड येणे तसेच लालसरपणा जाणवणे, घशाला लालसर चट्टे येणे इत्यादी आहेत. तोंड आल्यामुळे जेवताना किंवा बोलताने खूप त्रास होतो. तोंड येणे यावर काही घरगुती उपाय आज आपण बघणार आहोत.

१ . तोंड आलेले असल्यास रात्री झोपण्यापूर्वी कोमट पाण्यामध्ये त्रिफळा चूर्ण घालून हे पाणी प्यावे यामुळे तोंडाला आलेली सूज कमी होण्यामध्ये मदत होते. तसेच तोंड बरे होण्यामध्ये देखील त्रिफळा चूर्णची मदत होते.

२ . कोरफडीचा रस दिवसातून दोन वेळा घेतल्याने आलेले तोंड बरे होण्यास मदत होते.

३ . तसेच कोरफडीचे गर किंवा जेल ज्या ठिकाणी तोंडामध्ये फोड आलेले आहे त्या ठिकाणी लावावे .यामुळे देखील तोंड येणे या समस्येपासून सुटका मिळण्यास मदत होते.

४ . त्याचबरोबर कोरफडीच्या रसाचे काही थेंब पाण्यामध्ये टाकून या पाण्याच्या सहाय्याने गुळण्या केल्यामुळे देखील तोंड येणे या समस्यापासून सुटका मिळण्यामध्ये मदत होते.

५ . माऊथ अल्सरसाठी मध देखील उपयुक्त आहे. कोमट पाण्यामध्ये मध घालून या पाण्याने गुळण्या केल्याने अल्सर बऱ्यापैकी कमी होतात. गुळण्या करत असताना मधाचे पाणी थोडा वेळ तोंडामध्ये तसेच धरून ठेवायचे आहे आणि त्यानंतर या पाण्याने गुळण्या करायच्या आहेत.

६ . तोंड आल्यावर ज्या ठिकाणी फोड आलेले आहेत किंवा चट्टे उठलेले आहेत त्यावर मध आणि हळद एकत्र करून लावल्याने देखील आराम मिळतो.

७ . पेरूची पाने चावून खायची आहे आणि त्याचा जो रस आहे तो पोटामध्ये घ्यायचा आहे यामुळे देखील तोंड येणे ही समस्या घालवण्यासाठी तुम्हाला मदत होईल आणि जर पेरूची पाने खायची नसतील तर पेरूची पाने उकळत्या पाण्यामध्ये उकळवून म्हणजेच पेरूच्या पानांचा काढा तयार करून त्याच्या गुळण्या करायच्या आहेत यामुळे देखील बराचसा फायदा होईल. पेरूच्या पानांमध्ये अँटी बॅक्टेरियल गुणधर्म आहेत तसेच बरेचसे विटामिन्स देखील उपलब्ध आहेत.

८ . हळद पाण्यामध्ये टाकून या पाण्याने गुळण्या केल्यामुळे देखील तोंड येणे या समस्येपासून सुटका मिळण्यामध्ये मदत होते कारण हळदीमध्ये देखील बरेचसे अँटीबॅक्टरियल गुणधर्म असतात.

९ . तुळशीची पाने चावून खाल्ल्यामुळे देखील तोंड येणे या समस्येपासून सुटका मिळते.

१० . कोमट पाण्यामध्ये मीठ टाकून या पाण्याने गुळण्या केल्यामुळे देखील तोंड येणे या समस्येपासून सुटका मिळण्यामध्ये मदत होते.

११ . सुक्या खोबऱ्यामध्ये बरेचसे विटामिन्स तसेच आयर्न उपलब्ध असते त्यामुळे सुके खोबरे चावून खाल्ल्यामुळे देखील तोंड येणे ही समस्या नष्ट होण्यामध्ये मदत होते.

१२ . विड्याची पाने वाटून घेऊन त्यामध्ये मध मिक्स करायचा आहे आणि हे मिश्रण खायचे आहे , यामुळे देखील तोंड येणे थांबते.

१३ . कोमट पाण्यामध्ये लिंबाचा रस आणि मध टाकून या पाण्याने गुळण्या केल्यामुळे देखील तोंड येणे थांबते.

१४ . सकाळी आणि संध्याकाळी एक एक चमचा गुलकंद खाल्ल्यामुळे देखील या समस्येपासून सुटका मिळण्यामध्ये मदत होते.

१५ . दहा ते बारा मनुके रात्री भिजत ठेवा आणि सकाळी उठल्यावर हे मनुके खाऊन घ्या यामुळे देखील हा त्रास कमी होण्यामध्ये मदत होते.

१६ . बदाम उगाळून ते ज्या ठिकाणी फोड आलेले असतील किंवा चट्टे उठलेले असतील त्या ठिकाणी लावावे यामुळे होणारी आग कमी होईल आणि तोंड येणे कमी होण्यामध्ये देखील मदत होईल.

१७ . आपण योग्य तो आहार घेणे देखील गरजेचे आहे. नारळ पाणी पिणे आवश्यक आहे तसेच फळे आणि पालेभाज्या यांचा समावेश आहारामध्ये करणे हे देखील गरजेचे आहे.

Author – Poonam Ghorpade Gore

डोळे येणे यावर काही घरगुती उपाय  –

   बऱ्याचदा असे होते की घरामध्ये एका व्यक्तीचे डोळे आले की त्याची लागण घरामधील दुसऱ्या व्यक्तीला देखील होते , याचे कारण म्हणजे डोळे येणे हा संसर्गजन्य आजार आहे. डोळ्यामध्ये काही इन्फेक्शन झाल्यामुळे डोळे येऊ शकतात. डोळे येण्याची लक्षणे म्हणजे डोळा गुलाबी किंवा लालसर होणे, डोळ्याला पाणी येणे ,डोळ्यांमध्ये चिकट पदार्थ निर्माण होऊन डोळ्यांच्या पापण्या चिकटने तसेच डोळ्यांना जास्त प्रकाश सहन न होणे ही आहेत.यावर काही घरगुती उपाय आपण आज बघणार आहोत.

१ . डोळे आलेले असल्यास डोळे स्वच्छ पाण्याने धुवावे.

२ . डोळे आलेले असल्यास डोळ्यांना पाणी येते तर तेव्हा डायरेक्ट हाताने डोळ्यातील पाणी न पुसता स्वच्छ हातरुमालाने डोळ्यांना येणारे पाणी पुसावे.

३ . तसेच डोळे आलेले असल्यास चष्म्याचा उपयोग करावा, ज्यामुळे डोळ्यांमध्ये धुळे जाणार नाही तसेच प्रकाशाचा देखील जास्त त्रास डोळ्यांना होणार नाही.

४ . डोळे येणे यावर उपाय म्हणून एरंडेल तेल काजळासारखे डोळ्यांना लावावे यामुळे डोळ्यांना आराम मिळतो.

५ . चांदीचे स्वच्छ दागिने पाण्यात ठेवून त्या पाण्यातील एक थेंब डोळ्यांमध्ये टाकल्यास देखील डोळ्याला आराम मिळतो.

६ . ग्रीन टीच्या वापरलेल्या बॅग्स काही वेळ फ्रीजमध्ये ठेवून नंतर या बॅग्स डोळ्यांवर ठेवायचे आहेत यामुळे डोळ्यांना थंडावा मिळेल आणि आराम वाटेल.

७ . कापडाची पट्टी थंड पाण्यामध्ये बुडवून पिळून घेऊन ती पट्टी डोळ्यावर ठेवल्यामुळे डोळ्यांना आराम मिळेल.

८ . कोमट पाणी करून त्यामध्ये स्वच्छ कपडा बुडवून त्यामधील अतिरिक्त पाणी काढून घ्या आणि ही कापडाची पट्टी डोळ्यांवर ठेवा. कोमट पाण्यामुळे डोळ्यांवरची सूज आलेली असते ती कमी होण्यास मदत होते त्याचबरोबर डोळ्यांना लागलेला ठणक देखील कमी होण्यास मदत होते.

९ . थंड दुधामध्ये कापूस बुडवून अतिरिक्त दूध त्या कापसामधून काढून घ्या आणि नंतर कापूस डोळ्यांवर ठेवा. थंड दुधामुळे डोळे आल्यावर येणारी खाज आणि जळजळ कमी होण्यामध्ये मदत होते आणि डोळ्यांना आराम मिळतो.

१० . एका पातेल्यामध्ये पाणी गरम करून त्यामध्ये थोडीशी हळद टाका आणि या पाण्यामध्ये कापूस बडवून कापसाने डोळे पुसून घ्या यामुळे डोळ्यांना झालेले इन्फेक्शन चे प्रमाण कमी होण्यास मदत होते. हळदीमध्ये अँटिऑक्सिडंट आणि एंटीबॅक्टरियल गुणधर्म असल्यामुळे हळद इन्फेक्शन दूर करण्यामध्ये मदत करते .

११ . गुलाब पाण्यामध्ये अँटिबॅक्टेरियल गुणधर्म असल्यामुळे गुलाब पाणी डोळ्यांमध्ये टाका त्यामुळे देखील डोळ्यांना होणारी जळजळ नष्ट होऊन डोळ्यांना झालेले इन्फेक्शन कमी होईल. गुलाब पाण्यामध्ये कापूस बुडवून हा कापूस डोळ्यांवर देखील ठेवू शकता यामुळे डोळ्यांना थंडावा मिळेल आणि इन्फेक्शन दूर होण्यामध्ये मदत होईल.

१२ . काही तुळशीची पाने घ्या. ही पाने उकळत्या पाण्यामध्ये उकळवून घ्या. पाणी व्यवस्थित रित्या उकळल्यानंतर हे पाणी थंड होऊ द्या आणि नंतर या पाण्याने डोळे स्वच्छ धुऊन काढा यामुळे देखील डोळ्यांना आराम मिळेल.

१३ . उकळत्या पाण्यामध्ये थोडेसे मीठ टाकून हे पाणी थंड झाल्यानंतर त्यामध्ये कापूस बुडवून कापूस डोळ्यावर ठेवा यामुळे देखील डोळ्यांना आराम मिळेल.

१४ . कोथिंबीर पाण्यामध्ये उकळवून घ्या. नंतर हे पाणी थंड होऊ द्या. या पाण्याने डोळे स्वच्छ धुऊन काढा यामुळे डोळ्यांना आलेला लालसरपणा तसेच डोळ्यांना जो ठणक लागलेला असेल तो कमी होण्यामध्ये मदत होईल.

१५ . तुळशीची पाने बारीक कुटून घ्या, नंतर ही पाने एका स्वच्छ सुती कपड्यांमध्ये टाकून त्या पानांचा रस काढून घ्या आणि ह्या रसाचे दोन ते तीन थेंब डोळ्यांमध्ये टाका. पाच ते दहा मिनिट डोळे तसेच राहू द्या आणि नंतर पाण्याने डोळे स्वच्छ धुऊन काढा. तुळशी ही अतिशय औषधी वनस्पती असल्याने या उपायामुळे डोळ्यांना होणाऱ्या त्रासापासून सुटका होईल.

 टाचेच्या भेगांपासून सुटका मिळवण्यासाठी घरगुती उपाय –

Home remedies to heal cracked heels –

  पायांना भेगा पडणे हे बऱ्याचशा कारणांमुळे होऊ शकते, परंतु शरीरामध्ये पाण्याची कमतरता म्हणजेच डीहायड्रेशन यामुळे देखील टाचेला भेगा पडू शकतात. तसेच आपण आपल्या पायांची व्यवस्थितरित्या काळजी घेतली नाही तरी देखील टाचेला भेगा पडू शकतात.

       काही घरगुती उपाय करून आपण टाचांना पडलेल्या भेगा दूर करून पाय पुन्हा पहिल्यासारखे करू शकतो.

१ . दोन चमचे एलोवेरा जेल घेऊन त्यामध्ये एक चमचा व्हॅसलीन टाका. हे दोन्ही मिश्रण व्यवस्थित रित्या मिक्स करून घ्या आणि हे मिश्रण ज्या ठिकाणी पायाला भेगा पडल्या आहे त्या ठिकाणी लावा. आणि त्यावरून सॉक्स घाला. जमल्यास हा उपाय रात्री झोपण्यापूर्वी करा. आणि सकाळी उठल्यानंतर पाय स्वच्छ धुऊन काढा.

२ . बटाटा किसून त्याचा रस काढून घ्या आणि त्यामध्ये काही लिंबाचा रस मिक्स करून घ्या. आणि हे मिश्रण पायाला लावा. या उपायाने देखील भेगा कमी होण्यास मदत होईल.

३ . दोन चमचे खोबरेल तेल घ्या .त्यामध्ये एक चमचा व्हॅसलीन टाका आणि दोन विटामिन ई च्या कॅप्सूल टाका. सर्वसामग्री व्यवस्थित रित्या मिक्स करून घ्या आणि त्यानंतर पायांना लावा आणि चांगल्या रिझल्ट साठी तुम्ही सॉक्स घाला. हा उपाय पंधरा दिवस केल्याने पाय अतिशय मऊ बनतील.

४ . एका बादलीमध्ये कोमट पाणी घ्या त्यामध्ये दोन चमचे मीठ ,दोन चमचे सोडा, एका लिंबाचा रस आणि एक चमचा बेबी ऑइल टाका. ही सर्व सामग्री व्यवस्थित रित्या मिक्स करून घ्या. या पाण्यामध्ये वीस मिनिटे पाय बुडवून ठेवा नंतर पाय साबणाने स्वच्छ धुऊन कोरडे करून घ्या आणि त्यावरून व्हॅसलीन लावा. चांगल्या परिणामांसाठी वरून सॉक्स घाला.

५ . दोन चमचे मोहरीचे तेल घ्या. त्यामध्ये एक चमचा व्हॅसलीन, एक चमचा खोबरेल तेल आणि चिमूटभर कापुराची पावडर टाका हे सर्व मिश्रण व्यवस्थित रित्या मिक्स करून घ्या आणि अर्धा तासासाठी तसेच राहू द्या किंवा फ्रीजमध्ये ठेवा त्यानंतर या मिश्रणाला क्रीम सारखे टेक्स्चर येईल. ही तयार झालेली क्रीम भेगांवर लावा. आणि नंतर सॉक्स घाला.या उपायाने पायांना पडलेल्या भेगा भरून निघतील.

६ . दोन चमचे तांदळाचे पीठ घ्या त्यामध्ये एक चमचा मध घाला आणि थोडेसे ॲपल साइडर विनेगर देखील टाका. हे सर्व मिश्रण व्यवस्थित रित्या मिक्स करून पायांना लावा. हा उपाय झोपण्यापूर्वी करा पाय व्यवस्थित रित्या कव्हर करून घ्या आणि सकाळी उठल्यानंतर पाय पाण्याने स्वच्छ धुऊन काढा.

७ . दोन पिकलेली केळी घ्या त्या केळ्यांची पेस्ट बनवा आणि ही पेस्ट पायांना लावा. वीस मिनिटानंतर पाय पाण्याने स्वच्छ धुऊन काढा. हा उपाय आठवड्यातून दोन वेळा तुम्ही करू शकता.

८ . पाणी गरम करून ते बादलीमध्ये काढून घ्या. त्यामध्ये आवश्यकतेनुसार मध घाला आणि त्यामध्ये काही वेळ पाय बुडवून ठेवा आणि नंतर पाय स्वच्छ धुऊन कोरडे करा.

९ . थोडीशी कोलगेट पेस्ट घ्या. त्यामध्ये लिंबाचा रस आणि ग्लिसरीन टाकून हे मिश्रण व्यवस्थित रित्या मिक्स करून घ्या आणि पायांना लावून अर्धा तासभर तसेच राहू द्या आणि नंतर पाय पाण्याने स्वच्छ धुऊन काढा.

१० . गाजर किसून घ्या ,त्यानंतर त्यापासून रस काढून घ्या आणि हा रस पायांना ज्या ठिकाणी भेगा पडलेल्या आहे त्या ठिकाणी लावा. या उपायाने देखील पायांना पडलेल्या भेगा कमी होत जातील.

११ . कडुनिंबाच्या पानांचा रस काढून घेऊन तो रस पायाला लावा. या उपायाने देखील पायाला पडलेल्या भेगा नष्ट होण्यामध्ये मदत होते.

१२ . आंबे हळद, लोणी आणि मीठ हे तीनही एकत्र करून याचा लेप तळपायांना लावा.या उपायाने देखील पायांना पडलेल्या भेगा नष्ट होण्यामध्ये मदत होते आणि पाय मऊसर बनतात.

Author – Poonam Ghorpade Gore

दात दुखी पासून सुटका मिळवण्यासाठी काही घरगुती उपाय –

Home remedies to cure teeth pain /

Teeth pain home treatment 

बऱ्याच लोकांना दात दुखणे किंवा दात ठणकणे तसेच दातांना कीड लागणे असे दुखणे असते आणि यामुळे लोकांना जेवताना, पाणी पिताना किंवा अगदी दातांची काही क्रिया चालू नसेल तरी देखील दात ठणकतात. आणि जर दाताला किंवा दाढीला जर कीड लागलेली असेल तर ठणक जास्त प्रमाणात लागतो. तर आज आपण दातासाठी काही घरगुती असे उपाय बघणार आहोत.

१ . दात दुखीवर अत्यंत प्रभावी असा उपाय म्हणजे लवंग. एकतर ज्या ठिकाणी दाढ किंवा दात दुखत आहे त्या ठिकाणी तुम्ही लवंग ठेऊ शकता किंवा लवंगेच्या तेलाचा उपयोग देखील तुम्ही करू शकता. लवंगेच्या तेलामध्ये कापूस बुडवून नंतर कापूस जी दाढ दुखत आहे तिथे ठेवा. या उपायाने दात दुखी किंवा दाढ दुखी कमी होण्यास किंवा पूर्णतः नष्ट होण्यामध्ये मदत होईल.

२ . रोज सकाळी जर आलं चघळून खाल्ले तर दात दुखीची समस्या येत नाही आणि दात मजबूत बनतात. आणि जर दात दुखत असेल तर थोडसं आलं घेऊन ते ठेचून त्यामध्ये सेंधव मीठ टाकून त्याची गोळी बनवून घ्या आणि ही गोळी  जो दात दुखत असेल, त्या दाताच्या तिथे ठेवा यामुळे दात दुखी कमी होण्यास मदत होईल.

३ . दात दुखी साठी लिंबू हे देखील फायदेशीर आहे. लिंबाचा रस जर दाताला लागला तर दात दुखी कमी होण्यास मदत होते.

४ . कांदा देखील दात दुखी पासून सुटका मिळवण्यासाठी उपयुक्त आहे. जो दात दुखत असेल त्या ठिकाणी कांद्याचा तुकडा ठेवा किंवा कांदा चघळून खाऊन घ्या यामुळे देखील दातदुखी कमी होण्यास मदत होईल.

५ . जर दातामधून किंवा हिरड्यांमधून जर रक्त येत असेल तर हळद आणि मिठाच्या पाण्याच्या गुळण्या केल्यामुळे या त्रासापासून सुटका होईल.

६ . दातदुखीसाठी अजून एक उपाय म्हणजे पेरूची पाने. पेरूची पाने चघळल्याने दात दुखी कमी होण्यामध्ये नक्कीच मदत मिळेल. तसेच पेरूची पाने पाण्यामध्ये उकळवून या पाण्याने गुळण्या केल्यामुळे देखील दात दुखी कमी होण्यास मदत होते. तसेच हिरड्यांचे रक्त येत असेल किंवा सूज आली असेल तर ते देखील कमी होते किंवा पूर्णतः नष्ट होते.

७ . मिरपूड आणि मीठ हे दोन्ही एकत्र करून ह्या मिश्रणाने दात घासल्याने देखील दात दुखीची समस्या येत नाही. तसेच तोंडातून येणारा दुर्गंध देखील येत नाही तसेच दाताच्या इतर समस्या म्हणजेच दातातून रक्त येणे, हिरड्यांना सूज येणे या देखील होत नाहीत.

८ . पुढील उपायासाठी आपल्याला लागणार आहे लवंग ,कापूर आणि कापूस. लवंगेची पावडर करून घ्यायची आहे, चिमूटभर लवंगेची पावडर घ्या. ती एका कापसावर ठेवा आणि त्यावरच अगदी थोडासा कापूर बारीक करून घ्या आणि त्यावर ठेवा. अशा रीतीने कापसामध्ये हे मिश्रण ठेवून एक गोळी तयार करून घ्या. आणि ही गोळी जो दात किंवा दाढ दुखत असेल त्या ठिकाणी ठेवा. असे केल्यामुळे तोंडामध्ये जी लाळ निर्माण होईल ती गिळून घेऊ नका. या उपायामुळे दात दुखत असेल तर दुखणे कमी होईल किंवा पूर्णतः नष्ट होईल आणि जर दाढीला कीड लागली असेल तर त्यापासून सुटका होण्यास देखील मदत होईल.

९ . थोडेसे पाणी कोमट करून घ्या आणि त्यामध्ये मीठ टाकून या पाण्याने चूळ भरा यामुळे देखील दात दुखी कमी होण्यास मदत होईल.

१० . दात दुखी होऊ नये यासाठी नियमित दोनदा ब्रश केला पाहिजे तसेच काहीही खाल्ले तरी चूळ भरली पाहिजे. चूळ भरल्यामुळे दाताच्या आजूबाजूला कॅविटीज तयार होत नाही आणि त्यामुळे दात किडत देखील नाहीत. दात स्वच्छ राहतात.आणि पारंपारिक असा उपाय म्हणजे कडूलिंबाच्या काडीने आठवड्यातून किमान दोनदा तरी दात घासले पाहिजेत.

केसांतील कोंडा दूर करण्यासाठी काही घरगुती उपाय –

Home remedies for dandruff / home treatment for dandruff – 

    बऱ्याच जणांना केसांमध्ये कोंडा असतो आणि त्याचे प्रमाण हळूहळू वाढत जाते. टीनेजर्स मध्ये तर जर केसांमध्ये कोंडा असेल तर तो चेहऱ्यावर देखील दिसू लागतो. केसांमध्ये कोंडा जास्त करून हिवाळ्यामध्ये अधिक प्रमाणात जाणवतो.आज आपण असे काही घरगुती उपाय बघणार आहोत ज्यांचा उपयोग करून केसांमधील कोंडा दूर केला जाऊ शकेल.

१ . दोन चमचे मस्टर्ड ऑइल घ्या. त्यामध्ये एक चमचा लिंबूचा रस टाका. हे दोन्हीही व्यवस्थित रित्या मिक्स करून घ्या आणि नंतर हे ऑइल केसांना लावा. हे ऑइल केसांना लावल्यानंतर कमीत कमी एक तास केसांवरती तसेच राहू द्या आणि नंतर केस पाण्याने स्वच्छ धुऊन काढा. या ऑईलच्या एका एप्लीकेशन नंतरच केसातील कोंड्याचे प्रमाण कमी झालेले असेल. हा उपाय तुम्ही जोपर्यंत केसातील कोंडा पूर्णतः नष्ट होत नाही तोपर्यंत करू शकता.

२ . कडुलिंबाचे पान हे खूप औषधी असून याचा उपयोग करून तुम्ही कोंडा पूर्णतः नष्ट करू शकता. कडुलिंबाचे पाने पाण्यामध्ये उकळवून, या पाण्याने केस स्वच्छ धुऊन काढा .यामुळे केसातील कोंड्याचे प्रमाण बऱ्यापैकी कमी होईल.

३ . दही आणि कडुलिंबाचे पाने एकत्र करून हे तुम्ही केसांना लावू शकता आणि काही वेळानंतर केस पाण्याने धुऊन काढा, यामुळे देखील केसातील कोंड्याचे प्रमाण कमी होईल.

४ . मेथीचे दाणे रात्री भिजत घाला सकाळी त्याची पेस्ट बनवा आणि ही पेस्ट दह्यामध्ये मिक्स करून घ्या. या मिश्रणामध्ये एक चमचा त्रिफळा चूर्ण देखील टाका. हे सर्व मिश्रण व्यवस्थित रित्या मिक्स करून केसांना लावा आणि एक तासानंतर केस पाण्याने स्वच्छ धुऊन काढा.

५ . दोन चमचे खोबरेल तेल गरम करा.नंतर त्यामध्ये एक चमचा लिंबूचा रस टाका आणि तयार झालेले हे तेल झोपण्यापूर्वी केसांना लावा  रात्रभर केसांना तेल तसेच राहू द्या आणि सकाळी उठल्यानंतर केस धुऊन काढा. हा उपाय तुम्ही केस धुण्यापूर्वी दोन ते तीन तास आधी देखील करू शकता. हा उपाय आठवड्यातून एक किंवा दोन वेळा करत जा, यामुळे केसांमधील कोंडा नष्ट होण्यामध्ये मदत होईल.

६ . केसांना जर कोरफडीचा गर किंवा एलोवेरा जेल लावले तर यामुळे देखील कोंड्यामुळे केसांमध्ये जी खाज येते ती येणार नाही आणि कोंड्याचे प्रमाण देखील कमी होईल. हा उपाय तुम्ही आठवड्यातून एक ते दोन वेळा करू शकता. हा उपाय केस धुण्याच्या आदल्या दिवशी किंवा केस धुण्यापूर्वी दोन ते तीन तास करू शकता.

७ . आवळा पावडर आणि तुळशीचे काही पाने थोडेसे क्रश करून घ्या आणि यामध्ये पाणी टाकून याची एक व्यवस्थित पेस्ट बनवून घ्या. ही पेस्ट केसांना लावा आणि एक ते दोन तासानंतर केस माईल्ड शाम्पूने धुऊन काढा.

८ . केसांसाठी भृंगराज तेल,निम ऑइल आणि मेथीच्या दाण्यांपासून बनवलेले तेल वापरू शकता हे तेल केसांना लावताने कोमट करून घ्या आणि नंतर केसांना लावा.

९ . दोन चमचे लिंबाचा रस आणि त्यामध्ये दोन चमचे पाणी टाकून घ्या. आणि हे मिश्रण केसांना लावा. हे मिश्रण तुम्ही केस धुण्याच्या आदल्या दिवशी किंवा केस धुण्यापूर्वी दोन तास आधी केसांना लावू शकता. हे मिश्रण तुम्ही कापसाच्या साहाय्याने लावले तर व्यवस्थितरीत्या केसांच्या मुळाशी लागले जाईल आणि त्याचा अधिक फायदा होईल.

१० . मुलतानी माती, पाणी आणि लिंबूचा रस यांचा उपयोग करून एक लेप बनवून घ्या आणि हा लेप केसांमध्ये लावा.

११ . केसांना जी नैसर्गिक मेहंदी असते, ती लावा. मेहंदी लावल्यामुळे देखील केसांमधील कोंड्याचे प्रमाण कमी होईल.

१२ . केस थोडेसे ओले करून त्यावर बेकिंग सोडा लावा आणि एक ते दोन मिनिटांमध्ये केस पाण्याने स्वच्छ धुऊन काढा.

Author – Poonam Ghorpade Gore

मान दुखीवर घरगुती उपाय : –

Home remedies for neck pain –

  मानदुखी ही जवळपास प्रत्येक वयोगटातील लोकांना होऊ शकते. मानदुखीची वेगवेगळी कारणे असू शकतात जसे की , मानेला अचानक झटका बसल्यामुळे देखील मान दुखी होऊ शकते, तासनतास बैठे काम असल्यास किंवा कम्प्युटरवर काम असल्यास देखील मान दुखी होऊ शकते, जास्त वाकून काम केल्यामुळे देखील मान दुखी होऊ शकते तसेच जास्त अवजड वस्तू उचलल्यामुळे देखील मान दुखी होऊ शकते. मान दुखी मुळे मानेची हालचाल करणे कठीण होऊन जाते .तसेच माने जवळील जागा बधीर झाल्यासारखी देखील होऊ शकते. आता आपण मान दुखीवर घरगुती पद्धतीने कसे उपाय करता येतील हे बघणार आहोत.

१ . मानेला थोडासा मसाज करून जर शेक दिला तर यामुळे देखील मान दुखीचा त्रास बऱ्यापैकी कमी होऊ शकतो तसेच पूर्णतः देखील कमी होऊ शकतो.

२ . मान दुखी असल्यास किंवा दररोज देखील झोपताना जास्त जाडीची उशी न घेता कमी जाडीची आणि मऊ उशी डोक्याखाली घ्यावी.

३ . मान दुखी झाल्यास मानेचा बेल्ट देखील लावू शकता याने देखील मानेला आराम मिळेल.

४ . मान दुखी झालेली असल्यास मानेवर आईस बॅग लावल्यामुळे मान दुखीमुळे जर काही सूज वगैरे आली असेल तर ती कमी होते , तसेच मान दुखी मुळे होणाऱ्या वेदना देखील कमी होतात आणि मान दुखी पासून आराम मिळतो. एका पिशवीमध्ये बर्फ टाकून तुम्ही आईस बॅग बनवू शकता आणि हा उपाय करू शकता.

५ . तेलाच्या सहाय्याने मानेचा मसाज करू शकता यामुळे देखील मान दुखीच्या वेदना कमी होऊन मान दुखी बरी होण्यामध्ये मदत होईल.

६ . मान दुखी, कंबर दुखी , पाठ दुखी ,मणक्याचा काही त्रास यासाठी तुम्ही एक उपाय करू शकता तो म्हणजे काळ्या खारीकीची खीर. तर ही खीर कशी बनवायची हे आपण बघणार आहोत. खारीकीची बारीक पावडर करून घ्या. नंतर दूध उकळवायला ठेवून त्यामध्ये ही पावडर टाकून थोडा वेळ शिजवून घ्या. ही खीर तुम्ही नाश्त्याच्या वेळी खायची आहे. ही खीर खाल्ल्यानंतर एक तास दुसरा कोणताही पदार्थ खायचा नाही.

७ . मान दुखी बरी करण्यासाठी मानेची योग्य ते आणि सोपे असे व्यायाम करायचे आहे. यामुळे देखील मान दुखी बरी होण्यास नक्की मदत होईल.

८ . मान दुखी बरी करण्यासाठी गरम पाण्याच्या पिशवीने किंवा गरम पाणी एका काचेच्या बॉटलमध्ये भरून त्या साह्याने तुम्ही मानेला शेक देऊ शकता. मानेला गरम पाण्याच्या पिशवीने शेक दिल्यानंतर थंड हवेमध्ये जाऊ नये किंवा थंड पाणी पिऊ नका. या उपायाने देखील मान दुखी बरी होण्यास मदत होईल.

९ . मान दुखी ,कंबर दुखी किंवा गुडघेदुखी अशा विविध प्रकारच्या आजारांसाठी पुढील उपाय तुम्ही करू शकता. डिंक घेऊन तो ओव्हन मध्ये गरम करून फुलवून घ्या किंवा गावरान तुपामध्ये डिंक तळून घेऊ शकता. त्यानंतर डिंकाची पावडर तयार करा. आता गॅसवर पॅन गरम होण्यासाठी ठेवून त्यामध्ये दोन चमचे तूप टाका . नंतर त्यात एक चमचा खसखस टाका. खसखस व्यवस्थित फुलून आल्यानंतर त्यामध्ये एक कप दूध ओता. हे सर्व मिश्रण व्यवस्थित रित्या उकळल्यानंतर त्यामध्ये डिंक पावडर टाका. ते व्यवस्थित शिजल्यानंतर एका ग्लासमध्ये काढून हे सेवन करा. या उपायामुळे देखील मान दुखी पासून आराम मिळू शकेल.

१० . तुमच्या आहारामध्ये आल्याचा समावेश करा. तसेच ज्या ठिकाणी मान दुखत असेल त्या ठिकाणी देखील तुम्ही अद्रक किंवा सुंठ पावडर लावू शकता यामुळे देखील मान दुखीमुळे ज्या वेदना होतात त्या वेदना कमी होण्यामध्ये नक्कीच मदत होईल.

११ . मान दुखत असल्यास तुम्ही हळदीचे दूध पिऊ शकता तसेच मानेवर हळदीचा लेप देखील लावू शकता.

Author – Poonam Ghorpade Gore