Posts in category: Uncategorized

झुरळांपासून सुटका मिळवण्यासाठी काही घरगुती उपाय –

How to get rid of cockroaches ?

Home remedies to get rid of cockroaches – 

   आपल्या घरामध्ये मुख्यतः स्वयंपाक घरामध्ये झुरळे येऊ शकतात किंवा बऱ्याचदा असतात देखील आणि हळूहळू त्यांचे प्रमाण देखील वाढू लागते. मार्केटमध्ये झुरळांना मारण्यासाठी जे स्प्रे भेटतात ते विषारी असतात त्यामुळे ते स्प्रे स्वयंपाक घरामध्ये फवारताने देखील विचार करावा लागतो. म्हणूनच आज आपण काही घरगुती असे उपाय बघणार आहोत, या उपायांनी झुरळे पळून जातील आणि झुरळापासून सुटका मिळेल.

१ . तीन-चार अगरबत्ती घ्या त्या अगरबत्ती पासून काडी वेगळी करा. आणि सहा ते सात कापूर घ्या. अगरबत्ती आणि कापूर खलबत्त्याच्या सहाय्याने किंवा इतर कोणत्याही वस्तूच्या सहाय्याने व्यवस्थित रित्या कुठून बारीक करून घ्या. आणि हे मिश्रण पाण्यामध्ये टाका. यामध्ये तुम्ही लिंबू देखील टाकू शकता. हे तयार झालेले पाणी एका स्प्रे बॉटलमध्ये भरा आणि आपल्या किचनमध्ये किंवा ज्या ज्या ठिकाणी आपल्याला वाटते कॉकरोचेस येत असतात त्या ठिकाणी स्प्रे करा यामुळे कॉकरोचेसची संख्या हळूहळू कमी होईल आणि नंतर कॉकरोचेस येणार नाही.

२ . बोरिक पावडर चार चमचे घेऊन त्यामध्ये एक ते दोन चमचे मैदा टाका आणि पाणी घालून हे मिश्रण व्यवस्थित रित्या मळून घ्या आणि त्याचे छोटे छोटे लाडू किंवा गोळे तयार करा आणि त्याला बाहेरच्या बाजूने साखरेचे थोडेसे दाणे लावा, जेणेकरून साखरेमुळे कॉकरोचेस अट्ट्रॅक्ट होतील आणि हे लाडू खातील. या उपायाने देखील झुरळापासून सुटका मिळेल.

३ . तमालपत्र ( Bay leaves ) –

तमाल पत्राची काही पाणी स्वयंपाक घर स्वच्छ केल्यानंतर ज्या ठिकाणी झुरळे येत असतात अशा ठिकाणी ठेवा. तमालपत्राच्या वासामुळे झुरळे लांब पळून जातील आणि झुरळांपासून सुटका मिळेल.

४ . लसूण पावडर किंवा कांदा पावडर ठिकठिकाणी टाका, यामुळे देखील झुरळे येणार नाही.

५ . लिंबाचा रस एका वाटीमध्ये काढून तो स्प्रे बॉटलमध्ये टाकून ठिकठिकाणी फवारा यामुळे देखील झुरळांपासून सुटका मिळण्यास मदत होईल.

६ . सात ते आठ लसणाच्या पाकळ्या क्रश करून घ्या आणि त्यामध्ये पाणी टाका .हे मिश्रण व्यवस्थित रित्या ढवळून घ्या. त्यानंतर हे मिश्रण गाळणीने गाळून घ्या आणि त्यामध्ये दीड ते दोन मोठे चमचे बेकिंग सोडा टाका आणि एका लिंबाचा रस टाका. यासोबतच थोडीशी टूथपेस्ट देखील टाका. हे सर्व मिश्रण व्यवस्थित रित्या मिक्स करून घ्या. नंतर या मिश्रणामध्ये अजून काही पाणी टाका आणि हे मिश्रण स्प्रे बॉटलमध्ये भरून ज्या ठिकाणी कॉकरोचेस येतात असे वाटते त्या ठिकाणी स्प्रे करा. या उपायाने देखील झुरळांपासून सुटका मिळण्यास मदत होईल.

७ . एक मोठा कांदा घ्या त्याचे छोटे छोटे काप करा .  कांद्याचे काप आणि पाणी मिक्सरच्या भांड्यामध्ये टाकून बारीक करून घ्या. नंतर हे मिश्रण गाळणीने गाळून घ्या. या पाण्यामध्ये बेकिंग सोडा मिक्स करा आणि हे पाणी स्प्रे बॉटलमध्ये भरून ठिकठिकाणी फवारा. असे केल्यामुळे कॉक्रोचेस येणार नाहीत किंवा असतील तर त्यापासून सुटका मिळेल.

८ . पिठीसाखर आणि बेकिंग सोडा मिक्स करून ही पावडर ठिकठिकाणी पसरवा यामुळे देखील झुरळांची संख्या कमी होईल.

९ . पिठीसाखर, पीठ आणि बोरिक ऍसिड हे तीनही इन्ग्रेडियंट्स समप्रमाणात घेऊन पाणी टाकून व्यवस्थित रित्या पीठ मळताना जसा आपण उंडा तयार करतो तसा तयार करून घ्या. त्यानंतर यापासून छोट्या छोट्या गोळ्या तयार करा आणि त्या ज्या ठिकाणी झुरळे जास्त प्रमाणात येतात जसे की सिंक जवळ, गॅस जवळ, मिक्सर जवळ फ्रीजच्या मागे अशा ठिकाणी ठेवून द्या. या उपायामुळे झुरळांची संख्या हळूहळू कमी होईल आणि नंतर तर झुरळे घरामध्ये येणार देखील नाहीत.

Author – Poonam Ghorpade Gore

त्वचा भाजण्यावर घरगुती उपाय –

Home remedies to cure skin burns –

    बऱ्याच वेळा काम करताना नकळत आपला हात किंवा इतर त्वचा भाजली जाते आणि त्याचा खूप त्रास होतो. गरम पाणी किंवा गरम दूध त्वचेवर पडल्यामुळे त्वचा भाजली जाते. तसेच बऱ्याचदा स्वयंपाक घरामध्ये काम करत असताना चटका बसतो, त्यामुळे देखील त्वचा भाजली जाते आणि त्वचेला फोड येतात. त्वचा भाजल्यामुळे कधी कधी गंभीर जखम देखील होऊ शकते. तर त्वचा भाजण्यावर घरगुती उपाय पुढील प्रमाणे आहेत –

 १ . त्वचा ज्या ठिकाणी भाजली आहे, तिथे फ्रीजमध्ये ठेवलेली टी बॅग ठेवा.असे केल्यामुळे भाजल्यामुळे जी काही आग होत असेल त्याचे प्रमाण कमी होईल.

२ . भाजलेल्या त्वचेवर हळद किंवा हळदीचा लेप लावल्यामुळे देखील भाजलेल्या त्वचेला आराम मिळतो.

३ . भाजलेल्या त्वचेवर कोरफडीचा गर लावल्यामुळे भाजलेल्या त्वचेची जी आग होत असते ती कमी होईल आणि त्वचेला आराम मिळेल.

४ . भाजलेल्या त्वचेवर बटाट्याची काप किंवा बटाट्याची साल लावल्यामुळे देखील त्वचा भाजल्यामुळे जी आग होत असते ती कमी होईल.

५ . भाजलेल्या त्वचेवर केळीची साल लावल्यामुळे त्वचेला आराम मिळतो.

६ . भाजलेल्या त्वचेवर तुळशीच्या पानांचा रस लावल्यामुळे त्वचा थंड पडते आणि जखम बरी होण्यामध्ये मदत होते तसेच भाजल्याचे डाग तयार होत नाहीत किंवा कमी प्रमाणात होण्याची शक्यता असते.

७ . भाजलेल्या त्वचेवर मध लावल्यामुळे त्वचेची आग होत असते ती कमी होत जाते आणि थोड्या मिनिटांमध्येच ती आग पूर्णपणे थांबते. नैसर्गिक रित्या मिळालेला मध जर तुमच्याकडे असेल तर अधिकच उत्तम आणि जर नसेल तर कोणत्याही कंपनीचा मध तुम्ही वापरू शकता.

८ . कधी कधी जखम एवढी जास्त असते की ती चिघळते किंवा त्यातून पाणी येऊ लागते आणि अशा जखमेच्या वेदना देखील असह्य होऊ लागतात. यासाठी एक उपाय म्हणजे एकदम जुने असे जे चिंचेचे झाड असेल त्या चिंचेच्या झाडाची साल घ्या आणि ही साल लालसर होईपर्यंत गरम करा त्यानंतर गरम असतानाच ती बारीक वाटून घ्या आणि नंतर चाळणीच्या किंवा वस्त्राच्या सहाय्याने गाळून घ्या. जी काही पावडर तयार होईल त्या पावडर मध्ये खोबरेल तेल टाकून एका छोट्याशा डबी मध्ये हे भरून ठेवा आणि दिवसातून दोन वेळा ही तयार झालेली क्रीम जखमेवरती लावा.

९ . हिरड्याचे चूर्ण खोबरेल तेलामध्ये मिक्स करून भाजल्यामुळे झालेल्या जखमेवरती लावा , त्यामुळे जखम बरी होण्यामध्ये मदत होईल.

१० . डाळिंब आणि चिंच या दोन्हीचा लेप बनवून जखमेवर लावल्यामुळे फोड येत नाहीत.

११ . डाळिंबाच्या पानांचा लेप भाजलेल्या त्वचेवर लावा.

१२ . बाभळीचा जो डिंक असतो तो पाण्यामध्ये मिक्स करून हे पाणी भाजलेल्या त्वचेवर लावल्याने भाजल्यामुळे येणारे फोड त्वचेवर येत नाहीत.

१३ . पिकलेली केळी कुस्करून भाजलेल्या त्वचेवर लावल्याने त्वचेला आराम मिळतो आणि फोड देखील येत नाही.

१४ . भाजलेल्या त्वचेवर मुलतानी मातीचा लेप लावल्यामुळे भाजलेल्या त्वचेला आराम मिळतो.

१५ . भाजलेल्या त्वचेवर मेहंदीच्या पानांचा लेप लावू शकता त्यामुळे भाजल्यानंतर त्वचेची आग होते ती होणार नाही आणि त्वचा थंड पडेल.

१६ . बोराच्या झाडाची कोवळी पाने घेऊन या पानांचा लेप भाजलेल्या त्वचेवर लावू शकता.

१७ . कडुलिंबाचे तेल भाजलेल्या त्वचेवर लावल्यामुळे त्वचेला थंडावा मिळतो.

१८ . तिळाची पेस्ट बनवून ती भाजलेल्या त्वचेवर लावा.

१९ . मध आणि कोरफडीचा गर यांचे मिश्रण तयार करून भाजलेल्या त्वचेवर लावल्यामुळे त्वचेची आग होत नाही, त्वचेला थंडावा मिळतो आणि पुढे येत नाहीत.

२० . त्वचा भाजल्यानंतर लगेच त्या ठिकाणी पाण्याची धार सोडा त्यामुळे त्वचा भाजल्यानंतर जे फोड येतात ते येणार नाहीत. तसेच त्वचा भाजल्यानंतर त्या ठिकाणी थंडगार दूध देखील तुम्ही लावू शकता.

टाच दुखीवर घरगुती उपाय : –

Home remedies for heel pain –

      बऱ्याच जणांना टाच दुखीची समस्या असते. टाच दुखीची वेगवेगळी कारणे असू शकतात जसे की ज्यांना वात आहे , त्यांना देखील टाच दुखी होऊ शकते, शरीरामध्ये यूरिक ॲसिडचे प्रमाण वाढल्यामुळे देखील टाच दुखी होऊ शकते .तसेच बऱ्याचश्या महिला आज-काल हिल्स वापरत आहेत त्यामुळे देखील टाच दुखीची समस्या येऊ शकते. काही जणांना तर जेवण झाल्यानंतर उठायला लागल्यावर देखील टाच दुखते तर ऑफिसमध्ये जास्त वेळ एकाच ठिकाणी बसून काम केल्यामुळे नंतर चालायला लागल्यास देखील टाच दुखते. टाच दुखीचा काही लोकांना भयंकर असा त्रास होत असतो आणि त्यांना चालायला देखील प्रॉब्लेम येऊ लागतो. तर यावर कोणकोणते घरगुती उपाय करता येतील हे आपण बघणार आहोत.

१ . बऱ्याच लोकांना सकाळी उठल्या उठल्या टाच दुखीचा जास्त त्रास होतो आणि चालायला देखील तकलीफ होते. अशावेळी विटेचा शेक टाचेला दिल्यामुळे टाच दुखीची समस्या दूर होऊ शकते. एक वीट घेऊन त्या विटेचे छोटे छोटे तुकडे करा आणि हे तुकडे एका मोठ्या रुमालामध्ये बांधून त्याची पोटली बनवा. आणि ही पोटली तव्यावर गरम करा आणि गरम पोटलीचा शेक टाचेला द्या. विटेचा शेक तुम्ही सकाळी आणि संध्याकाळी असे दहा ते पंधरा दिवस देऊ शकता यामुळे टाच दुखीला नक्कीच फरक पडेल.

२ . काही लोकांना टाच दुखीचा त्रास हिवाळ्यामध्ये जास्त प्रमाणात जाणवतो.आपल्या शरीराचे पूर्णतः वजन आपल्या तळव्यावर येत असल्यामुळे चालताना टाच दुखीचा त्रास अधिक जाणवतो. अशावेळी टाच दुखीवर एक खूप जुना आणि गुणकारी असा उपाय आपण बघणार आहोत. कौलाचा किंवा खापराचा तुकडा घ्यायचा आहे आणि त्याला सांडशीमध्ये पकडून गॅस वरती गरम करून घ्यायचे आहे. नंतर या तुकड्याने टाचेला शेक द्यायचा आहे. असे केल्याने टाच दुखीला नक्कीच फरक पडेल.

३ . एका बॉटलमध्ये पाणी भरून ती बॉटल फ्रिझर मध्ये ठेवा, जेणेकरून त्या बॉटलमध्ये बर्फ तयार होईल. ही बॉटल पायाखाली धरून पाय त्या बॉटल वर रोलिंग करा. असे केल्याने टाच दुखीच्या वेदना बऱ्यापैकी कमी होतील.

४ . गरम पाण्यामध्ये थोडेसे मीठ टाकून त्यामध्ये टाचा बुडवून ठेवल्यामुळे टाच दुखीच्या वेदना कमी होण्यामध्ये मदत होते.

५ . मेथीचे दाणे आणि हळद समप्रमाणात घेऊन त्याचे चूर्ण बनवायचे आहे आणि हे चूर्ण सकाळी आणि संध्याकाळी असे दोन वेळा कोमट पाण्यामधून घ्यायचे आहे.

६ . खोबऱ्याच्या तेलाने टाचेची मालिश करून नंतर टाचेला शेक देऊ शकता, त्यामुळे देखील टाच दुखीच्या वेदना कमी होण्यास नक्की मदत होईल.

७ . जी टाच दुखत असेल त्या टाचेवर रात्री झोपण्यापूर्वी कोरफडीचे पान / कोरफड लावून ते बांधून घ्या यामुळे देखील टाच दुखीच्या समस्या पासून आराम मिळू शकतो.

८ . थोडीशी वाळू तव्यावर किंवा कढईमध्ये गरम करून ती वाळू एका कापडामध्ये बांधून त्याची पोटली बनवा आणि त्या पोटलीने जी टाच दुखत आहे, त्या टाचेला व्यवस्थित रित्या शेकून घ्या. असे केल्याने टाच दुखी बऱ्यापैकी कमी होईल.

९ .  पाय बुडतील एवढे पाणी गरम करून त्यामध्ये लिंबाचा रस टाका आणि चार ते पाच कापुरांची पावडर करून ती टाका. आणि हे मिश्रण व्यवस्थित रित्या ढवळून घ्या आणि या गरम पाण्यामध्ये दहा ते पंधरा मिनिटांसाठी पाय बुडवून ठेवा , असे केल्याने सर्व नसा मोकळ्या होतील आणि टाच दुखीची समस्या बरी होण्यामध्ये नक्कीच मदत होईल.

१० . रुईची फुले आणि काही पाने गॅस वरती पाणी गरम करून त्यामध्ये टाका. रुईची फुले आणि पाने थोडीशी मऊ पडल्यानंतर ती एका लांब अशा कॉटनच्या कापडावर ठेवून त्यावर टाचेचा जो भाग दुखत आहे तो भाग ठेवा आणि व्यवस्थित रित्या ही पट्टी पायाला बांधून घ्या. हे पायाला तीन ते चार तास बांधून ठेवायचे आहे. हा उपाय करताने एक काळजी घ्यायची आहे की , रुईची फुले आणि पाने लहान मुलांपासून दूर ठेवायचे आहेत .कारण ती विषारी असतात आणि जे काही भांडे आपण या उपायासाठी वापरणार आहोत ते व्यवस्थित धुऊन घ्यायचे आहेत आणि आपले हात देखील नंतर व्यवस्थित रित्या धुऊन घ्यायचे आहेत.

Author – Poonam Ghorpade Gore

पोट दुखीवर घरगुती उपाय : –

Home remedies for stomach ache in Marathi

       खाण्यामध्ये काही कमी जास्त झाले किंवा इतर काही कारणामुळे देखील पोट दुखीची समस्या येऊ शकते. कधी कधी जेवण झाल्यानंतर देखील पोट दुखू लागते. कधी कधी पोटामध्ये चमक देखील निघते. पोट दुखी वरील घरगुती उपाय आपण बघणार आहोत.

१ . पोट दुखी साठी लेमन टी हा एक उत्तम उपाय आहे तर तो कसा बनवायचा हे बघुयात.

एका पातेल्यामध्ये साधारणतः एक कपभर पाणी उकळण्यासाठी ठेवा. त्यामध्ये गरजेनुसार चहा पावडर आणि साखर किंवा गूळ टाका. रसायन विरहित गुळ वापरल्यास अधिकच उत्तम राहील. हे सर्व मिश्रण उकळवून घ्या नंतर जो कोरा चहा तयार होईल तो गाळून घेऊन त्यामध्ये लिंबाचा रस टाका आणि चमच्याने व्यवस्थित रित्या मिश्रण हलवून घ्या.

२ . पोट दुखीवर अजून एक उत्तम असा उपाय म्हणजे नागवल्लीचे पान. हे पान बारीक चिरून थोडेसे पाणी घालून व्यवस्थित रित्या कुटुन घ्या आणि त्याचा जो रस निघेल तो रस बडीसोपच्या पाण्यामध्ये टाका. बडीशेपचे पाणी बनवण्यासाठी अर्धा ग्लास पाणी घ्या, त्यामध्ये एक चमचा बडीसोप टाका आणि थोडासा गूळ टाका हे सर्व मिश्रण व्यवस्थित रित्या उकळवून घ्या. आणि या बडीसोपच्या पाण्यामध्ये पानांचा जो रस निघेल तो टाका आणि जेवणाचा एक घास झाल्यानंतर हे पाणी पिऊन घ्या. यामुळे पोट दुखीची किंवा पोटफुगीची समस्या येणार नाही किंवा पोट दुखत असेल तर ते बरे होईल.

३ . चार चमचे आवळ्याच्या रसामध्ये , चिमूटभर सुंठ पावडर आणि चिमूटभर सैंधव नमक टाका आणि हे पेय सकाळी उठल्यानंतर उपाशीपोटी पिऊन घ्या. यामुळे पचनशक्ती सुधारते आणि पोट दुखी देखील बरी होईल. ज्यांना उष्णतेचा जास्त त्रास असेल त्यांनी सुंठ पावडर यामध्ये टाकने टाळावे.

४ . पचनासाठी किंवा आपल्या शरीरासाठी उत्तम असे पेय म्हणजे ताक. ताकामध्ये थोडेसे त्रिफळा आणि जिरे पावडर टाकून व्यवस्थित रित्या मिक्स करून घ्या आणि हे बनवलेले ताक जेवणाच्या मध्ये थोडे थोडे करून पिऊन घ्या. परंतु हे ताक रूम टेंपरेचर वरचेच असावे. बऱ्याच जणांना थंड ताक पिण्याची सवय असते परंतु तसे करू नये.

५ . तिळाच्या तेलामध्ये थोडेसे सेंधव नमक घालून हे तेल पोटाला लावावे आणि नंतर पोटाला थोडासा शेक द्यावा. या उपायाने देखील पोटदुखीला तात्पुरत्या स्वरूपात आराम मिळू शकतो.

६ . एक ग्लास भर पाणी घ्या, त्यामध्ये एक चमचा साखर ,थोडेसे मीठ आणि खाण्याचा सोडा टाका. हे सर्व मिश्रण व्यवस्थित रित्या मिक्स करून पिऊन घ्या. त्यामुळे पोटदुखी कमी होण्यास मदत होईल.

७ .  लिंबू अर्धे कट करून घ्या. या अर्ध्या लिंबावर निम्म्या भागावर थोडेसे हिंग आणि निम्म्या भागावर थोडे काळे मीठ टाका. एक मिनिट हे लिंबू असेच राहू द्या आणि नंतर हे लिंबू चोखून खाऊन घ्या. जर अशा रीतीने खाणे शक्य नसेल तर या लिंबाचा रस एका वाटीमध्ये काढून घ्या आणि तो रस पिऊन घ्या. हा रस पिल्यामुळे थोड्याच वेळामध्ये ढेकर येऊ लागतील आणि पोट दुखी बरी होईल.

८ . पोट दुखत असेल तर बडीसोप खा. बडीसोप खाल्ल्यामुळे पचन व्यवस्थित रित्या होते आणि पोटदुखी कमी होईल.

९ . लिंबू सरबत बनवून त्यामध्ये थोडासा खाण्याचा सोडा घाला. अशा प्रकारच्या लिंबू सरबतामुळे देखील पोटदुखी कमी होण्यास मदत होईल.

१० . जिरे पाण्यामध्ये उकळवून हे पाणी जर पिले तर यामुळे देखील पोट दुखी पासून आराम मिळतो.

११ . मुळा हा पोट दुखीवर उत्तम उपाय आहे. जेवणासोबत मुळा खा किंवा मुळ्याच्या रसामध्ये थोडीशी मिरी पावडर आणि थोडेसेच मीठ घालून हा रस पिऊन घ्या यामुळे देखील पोट दुखी पासून सुटका होईल.

Author – Poonam Ghorpade Gore

डोकेदुखी वर घरगुती उपाय –

Home remedies to cure headache –

  बऱ्याचशा लोकांना डोकेदुखीचा त्रास कायमच होत असतो. काही लोकांना तर जास्तीचा प्रवास झाला किंवा दगदग झाली तरी देखील डोकेदुखी सुरू होते. काही लोकांना ध्वनी प्रदूषणामुळे देखील डोकेदुखी होते. शरीरामधील पाणी कमी झाल्यामुळे म्हणजेच डीहायड्रेशन झाल्यामुळे देखील काही लोकांना डोकेदुखीचा त्रास होतो.प्रत्येकामध्ये डोकेदुखी अशा वेगवेगळ्या कारणांमुळे होते. डोकेदुखी घरगुती उपायांनी देखील बरी करता येऊ शकते. डोकेदुखीवर आपण घरगुती उपाय बघणार आहोत, चला तर मग सुरुवात करूयात….

१ . अद्रक युक्त चहा ज्या व्यक्तीचे डोके दुखत आहे त्या व्यक्तीने जर घेतला तर डोकेदुखी कमी होण्यास किंवा नष्ट होण्यास नक्कीच याची मदत होते कारण अद्रकामुळे शरीरामधील रक्तवाहिन्यांमधील सूज कमी होते आणि डोकेदुखीच्या वेदना देखील कमी होतात.

२ . डीहायड्रेशन झाल्यामुळे देखील काही लोकांना डोकेदुखी होऊ शकते म्हणून डोके दुखत असल्यास जास्तीत जास्त पाणी प्यावे.

३ . दालचिनी पावडर आणि पाणी यांची पेस्ट बनवून कपाळावर लावा, असे केल्याने देखील डोकेदुखी कमी होण्यास मदत होते.

४ . काही लवंगा तव्यावरती भाजून घेऊन त्या एका रुमालामध्ये बांधून घ्या आणि या लवंगांचा वास घेतल्यामुळे डोकेदुखी कमी होते.

५ . शरीरामध्ये ॲसिडचे प्रमाण कमी झाल्यामुळे देखील डोकेदुखीची समस्या उद्भवू शकते. डोके दुखत असल्यास लिंबू पाण्यामध्ये थोडेसे मीठ किंवा खाण्याचा सोडा घालून ते पिऊन घ्यावे. असे केल्याने डोकेदुखी कमी होते.

६ . डोके दुखत असल्यास कपाळावर किंवा कानाजवळच्या भागावर बर्फाचा शेक दिल्यास डोकेदुखी कमी होण्यास मदत होते.

७ . लवंग आणि सुंठ उगाळून त्याचा लेप कपाळावर लावल्याने देखील डोकेदुखी कमी होण्यास मदत होते.

८ . डोके दुखत असल्यास चिमूटभर मीठ घेऊन अर्धा मिनिटभर ते जिभेवर ठेवा त्यानंतर एक ग्लास पाणी पिऊन घ्या असे केल्याने डोकेदुखी कमी होण्यास मदत होते.

९ . थोडेसे मीठ आणि पाणी यांची पेस्ट बनवून ती पेस्ट कपाळावर लावा परंतु कपाळावर लावताना ही काळजी घ्या की ही पेस्ट केसांना लागू नये. पेस्ट लावून झाल्यानंतर दहा मिनिटांनी कपाळ पाण्याने धुऊन काढा. या उपायाने देखील डोकेदुखी कमी होण्यास मदत होईल.

१० . डोके दुखत असल्यास कोरा चहा बनवून त्यामध्ये लिंबू पिळून जर पिले तर या प्रकारच्या कोऱ्या चहाने देखील डोकेदुखी कमी होण्यामध्ये मदत होते.

११ . साधारणतः एक कपभर दूध घेऊन ते उकळवून घ्या आणि त्यामध्ये चार ते पाच बदाम देखील उकळवून घ्या. हे असे बदामयुक्त दूध पिल्यामुळे देखील डोकेदुखी पासून आराम मिळतो.

१२ . तसेच जेव्हा डोकेदुखी सुरू होते तेव्हा डोकेदुखी सुरू झाल्या झाल्या जर थोडेसे बदाम खाल्ले तर देखील डोकेदुखी बरी होऊ शकते.

१३ . बदाम तेलामध्ये थोडेसे कापूर घालून या तेलाने कपाळावर मसाज केल्यामुळे देखील डोकेदुखी कमी होते.

१४ . टरबुजाचे ज्यूस पिल्यामुळे देखील डोकेदुखी कमी होण्यास मदत होते.

१५ . जायफळ उगाळून त्यामध्ये थोडीशी वेलदोडा पूड टाकून त्याची पेस्ट बनवून घ्या आणि ही पेस्ट कपाळावर लावा. असे केल्यामुळे जर थकव्यामुळे डोकेदुखी होत असेल तर डोकेदुखी थांबण्यास नक्कीच मदत होते.

१६ . जर समजा तुम्हाला सर्दी झाल्यामुळे तुमचे डोके दुखत असेल तर तव्यावर थोडासा ओवा भाजून घ्या आणि त्याची वाफ घ्या असे केल्याने डोकेदुखी थांबण्यास मदत होईल.

१७ . तसेच तव्यावर ओवा गरम करून घ्या आणि हा ओवा रुमाला मध्ये बांधून कपाळावर त्याचा शेक द्या. या उपायाने देखील डोकेदुखी बंद होण्यास मदत होते.

१८ . आपण व्यवस्थित रित्या आणि वेळेवर आहार घेणे देखील गरजेचे आहे. जास्त काळ उपाशी राहिल्यामुळे देखील डोकेदुखीचा त्रास होऊ शकतो. आपल्या आहारामध्ये नेहमीच हळद ,लसूण आणि आलं या गोष्टींचा समावेश असावा.

Author – Poonam Ghorpade Gore

ऍसिडिटी वर घरगुती उपाय :

Acidity home remedies in Marathi

   सर्वप्रथम बघुयात ऍसिडिटी कोणकोणत्या कारणांमुळे होते. जर आपण खाल्लेले अन्न व्यवस्थित रित्या पचले नाही तर ऍसिडिटी होऊ शकते. आणि अपचन झाल्यामुळे पोटामध्ये गॅस तसेच इन्फेक्शन होण्याची शक्यता देखील असते. त्याचबरोबर गरजेपेक्षा जास्त खाल्ले गेले तरी देखील ऍसिडिटी होण्याची संभावना असते. तसेच जास्त मसालेदार खाल्ल्याने देखील ऍसिडिटी होते. त्याचबरोबर कोल्ड्रिंक किंवा अल्कोहोल घेतल्यामुळे देखील ऍसिडिटी होते.

   आता आपण बघणार आहोत ऍसिडिटी झाल्यावर आपण कोणकोणते घरगुती उपाय करू शकतो.

१ . जर समजा आपल्याला ऍसिडिटी झाली तर लिंबू सरबत घ्यावे. लिंबू सरबत मध्ये काळे मीठ जर टाकले तर ते अजून चांगले असते. लिंबू सरबत पिल्यामुळे ऍसिडिटी कमी होण्यास नक्कीच मदत होते.

२ . जर ऍसिडिटी झाल्यामुळे जास्त प्रमाणामध्ये ढेकर येत असतील तर दुपारच्या वेळी दही खावे. दही खाल्ल्यामुळे पोटाला थंडावा मिळेल आणि ऍसिडिटी कमी होण्यास मदत होईल.

३ . ऍसिडिटी कमी करण्यासाठी बडीसोप आणि खडीसाखर हे दोन्ही एकत्र खावे. बडीशेप खाल्ल्यामुळे आपली पचनशक्ती सुधारते तसेच बडीसोप पोटामध्ये गॅस देखील बनून देत नाही. तर खडीसाखर खाल्ल्यामुळे पोटाला थंडावा मिळतो आणि यामुळे ऍसिडिटी कमी होण्यास मदत होते.

४ . 100 ग्रॅम जिरे व्यवस्थित रित्या भाजून घेऊन त्याची पावडर बनवा. जेवण झाल्यानंतर पाण्यामध्ये एक चमचा जिरे पावडर आणि काळे मीठ टाकून हे पाणी पिऊन घ्या.

५ . पाण्यामध्ये जर थोडेसे हिंग टाकून पिले तरी यामुळे पोटामधील जडपणा कमी होतो तसेच जेवण झाल्यानंतर जे आंबट ढेकर येतात ते देखील कमी होतात.

६ . मेथीच्या दाण्यांना रात्री पाण्यामध्ये भिजवून ठेवा. सकाळी रिकाम्या पोटी हे पाणी पिऊन घ्या.

७ . वेलदोडा खाल्ल्यामुळे पोटामध्ये गॅस तयार होत नाही तसेच आंबट ढेकर देखील येत नाही.

८ . जर ऍसिडिटी झाल्यामुळे आंबट ढेकर येत असतील तर लवंगेचे पाणी किंवा लवंग खाल्ली तर त्यामुळे ही समस्या दूर होण्यास मदत होते.

९ . जर समजा तुम्हाला हायपर ऍसिडिटीचा प्रॉब्लेम असेल तर तुम्ही सकाळी रिकाम्या पोटी एलोवेरा ज्यूस पिऊ शकता. यामुळे हायपर ऍसिडिटीची समस्या दूर होण्यामध्ये नक्कीच मदत होते.

१० . जर समजा तुम्हाला ऍसिडिटीचा प्रॉब्लेम असेल तर विटामिन सी असलेला आहार घेणे नक्कीच फायदेशीर असते, त्यामध्ये तुम्ही आवळ्याचा देखील समावेश करू शकता.

११ . नारळ पाणी पिणे देखील शरीरासाठी नक्कीच फायदेशीर आहे. नारळ पाण्यामध्ये जास्त प्रमाणात फायबर्स असल्यामुळे पचन होण्यास मदत होते. आणि ऍसिडिटी सारखे प्रॉब्लेम्स येत नाहीत.

१२ . दररोज जास्तीत जास्त पाणी आपण पिले पाहिजे. पाणी योग्य प्रमाणात पिल्यामुळे पचन व्यवस्थित होते तसेच मेटाबोलिजम देखील व्यवस्थित राहण्यास मदत होते.

१३ . आपल्या आहारामधून जास्त तिखट , मसालेदार किंवा तळलेले पदार्थ कमी करा किंवा बंद करा आणि सलाडचा समावेश आपल्या आहारामध्ये करा.

१४ . थोडासा ओवा हातावर घ्या , त्यामध्ये थोडेसे तूप आणि चिमूटभर काळे मीठ टाका. ही सर्व सामग्री व्यवस्थित रित्या क्रश करून घ्या. त्यानंतर हे मिश्रण चमच्यावर घेऊन पूर्ण मिश्रण खाऊन घ्या आणि त्यानंतर दोन ते तीन घोट पाणी प्या. असे केल्यानंतर दहा ते पंधरा मिनिट वॉक करा. असे केल्याने नक्कीच फरक पडेल.

१५ . तुळशीची तीन-चार पाने खाल्ल्याने देखील ऍसिडिटी कमी होण्यास मदत होते किंवा तुळशीची पाने पाण्यामध्ये उकळून ते पाणी देखील तुम्ही पिऊ शकता.

१६ . गुळ खाल्ल्यामुळे देखील ऍसिडिटी कमी होण्यामध्ये मदत होते. गुळ इंटरेस्टीनल / आतड्यासंबंधीची स्ट्रेंथ वाढवण्यामध्ये मदत करते.

१७ . जास्त हेवी जेवण झाल्यास एक ग्लासभर ताक तुम्ही पिऊ शकता. ताकामध्ये लॅक्टिक ऍसिड असल्यामुळे त्याची मदत ऍसिडिटी कमी होण्यामध्ये होते.

Winter skin care –

हिवाळ्यामध्ये त्वचा कोरडी पडू नये म्हणून कशी काळजी घ्यावी ?

Home remedies for winter skin care –

Winter skin care routine home remedies –

    हिवाळ्यामध्ये वातावरणातील ओलावा / आद्रता कमी झाल्यामुळे आपली त्वचा कोरडी पडत असते. इतर ऋतूंच्या तुलनेमध्ये हिवाळ्यामध्ये त्वचा कोरडी पडते, त्यामुळे त्वचेला क्रॅक्स जातात तसेच रफ पॅचेस तयार होतात. ड्राय त्वचेपासून सुटका मिळवण्यासाठी प्रत्येक जण सहसा बॉडी लोशन्स, मॉइश्चरायझर्स , मॉइश्चरायझिंग क्रीम अशा निरनिराळ्या ऑप्शनसच्या शोधात असतात , परंतु आपल्या घरामध्ये असे बहुतेक ऑप्शन्स उपलब्ध आहेत ज्यांचा उपयोग करून आपण कोरड्या त्वचेच्या प्रॉब्लेम पासून सुटका मिळवू शकतो . चला तर मग बघुयात असे कोण कोणते ऑप्शन्स आहेत ….

१ . दूध #Milk –

दूध हा एक असा पदार्थ आहे की जो प्रत्येकाच्या घरामध्ये उपलब्ध असतो. कोरड्या त्वचेपासून सुटका मिळवण्यासाठी चेहऱ्यावर थोडा वेळ दूध लावून ठेवा. त्यानंतर दहा ते पंधरा मिनिटांनी चेहरा कोमट पाण्याने स्वच्छ धुऊन काढा. असे दररोज केले तर चेहऱ्याची त्वचा अगदी मऊ राहील आणि ड्राय देखील पडणार नाही. आणि कुठल्याही प्रकारच्या मॉइश्चरायझर्सची देखील गरज पडणार नाही. दुधाची साय आपण आपल्या ओठांवर देखील लावू शकतो जेणेकरून ओठ उलत नाहीत. कच्च्या दुधाचा उपयोग आपण टोनर म्हणून देखील करू शकतो. दुधामध्ये लॅक्टिक ऍसिड आणि अँटिऑक्सिडंट असल्यामुळे आपल्या त्वचेवरील काळे डाग काढून टाकण्यात देखील दूध मदत करते त्याचबरोबर त्वचा देखील उजळवते.

२ . खोबरेल तेल #coconut oil –

 खोबरेल तेल जर त्वचेला लावले तर त्वचा कोरडी पडणार नाही. खोबरेल तेल रात्री झोपताना आपण आपल्या चेहऱ्याला तसेच हात आणि पायांना देखील लावू शकतो. रात्रीतून हे तेल त्वचेमध्ये व्यवस्थित रित्या मुरेल आणि त्यामुळे त्वचा कोरडी पडणार नाही.

३ . गावरान तूप #ghee –

गावरान तूप देखील आपण आपल्या त्वचेवर अप्लाय करू शकतो, असे केल्याने त्वचा कोरडी पडणार नाही. थंडीमध्ये आपले ओठ उलतात , आपल्या ओठांवर आपण गावरान तूप लावू शकतो ज्यामुळे ओठ उलणार नाहीत किंवा कोरडे पडणार नाहीत.

४ . बदाम तेल #almond oil –

   बदाम तेल आपल्या त्वचेसाठी अत्यंत फायदेशीर आहे कारण बदाम तेल आपल्या त्वचेला योग्य आद्रता प्रदान करते. त्याचबरोबर बदाम तेलामुळे आपली त्वचा अधिक तेजस्वी आणि चमकदार बनते. यासाठी आपल्या चेहऱ्याला बदामाच्या तेलाने आपण मसाज करू शकतो तसेच चांगल्या परिणामांसाठी बदाम तेल रात्रभर चेहऱ्यावर तसेच राहू देऊ शकतो. बदाम तेल आपल्या त्वचेची नैसर्गिक चमक टिकून राहण्यासाठी किंबहुना वाढवण्यासाठी देखील मदत करते.

५ . मध #honey – 

मध हा एक असा घटक आहे ज्याचा उपयोग पूर्वीपासूनच लोक करत आहेत. मधाचा उपयोग करून आपण कोरड्या त्वचेच्या समस्या पासून सुटका मिळवू शकतो. मधाचा उपयोग आपण थेट आपल्या त्वचेवर करू शकतो किंवा फेसपॅक बनवताना त्यामध्ये मध टाकून त्यानंतर त्याचा उपयोग आपण आपल्या त्वचेवर करू शकतो. मधामुळे आपली त्वचा मऊ राहते तसेच चमकदार देखील बनते. मध त्वचेसाठी लागणारे योग्य ते मॉइश्चर त्वचेला पुरवतो.

६ . कोरफड #aloevera – 

जर आपल्या घरामध्ये कुंडीत कोरफड उपलब्ध असेल तर आपण कोरफडीचा उपयोग डायरेक्ट त्वचेवर करू शकतो किंवा एलोवेरा जेल वापरून देखील आपण आपली त्वचा चांगली ठेवू शकतो . एलोवेरा जेल हे एक उत्तम असे मॉइश्चरायझरच आहे, ज्यामुळे आपली त्वचा कोरडी पडत नाही. कोरफडीचा उपयोग करून आपण आपली त्वचा मुरूम आणि सुरकुत्यांपासून देखील दूर ठेवू शकतो. कोरफडीचा उपयोग करून आपण आपली त्वचा अधिक तेजस्वी आणि डागविरहित बनवू शकतो. एलोवेरा चा उपयोग थेट आपण त्वचेवर करू शकतो किंवा एखाद्या फेस पॅक मध्ये एलोवेरा मिसळवून देखील करू शकतो.

Author – Poonam Ghorpade Gore