Posts in category: Uncategorized

Bisleri success story –

Who is the owner of bisleri water ?

Why is bisleri famous ?

What is the strategy of bisleri ?

How did bislery become successful ?

Who brought bisleri brand in India ?

Is bisleri Indian company ?

Which company owns bisleri ?

Where was bislery founded ?

बिसलरी सक्सेस स्टोरी –

     आपल्या पूर्वजांच्या काळामध्ये पाणी विहिरीमधून किंवा नदीवरून आणले जायचे, त्यानंतर बोअर तसेच हापसा यांसारख्या काही सुविधा निघत केल्या. परंतु त्यावेळी कोणी हा विचार देखील केला नसेल की पाणी सुद्धा विकत घ्यावे लागेल. आजच्या युगामध्ये तर पाणी बॉटल्स किंवा पाण्याचे जार पाण्याची गरज भागवण्यासाठी विकत मिळतात. मार्केटमध्ये विविध प्रकारच्या ब्रँडच्या पाणी बॉटल उपलब्ध आहेत ; परंतु बिसलरी हा ब्रँड एवढा प्रसिद्ध झालेला आहे की , अगदी कोणीही पाणी बॉटल विकत घेताना ” बिसलरी द्या ” असे शब्द उच्चारण करतात ,जणू काही पाणी बॉटल ला समानार्थी शब्द बिसलरी आहे. तर आज आपण बघणार आहोत ” बिसलरी ” या ब्रँड बद्दलची माहिती …..

         बिसलेरी ही कंपनी इटालियन कंपनी होती जी फेलिस बिसलरी यांनी स्थापन केली होती. याच कंपनीने बॉटलमध्ये पाणी पॅक करून विकण्याची कल्पना भारतामध्ये सर्वप्रथम आणली. फेलिस बिसलरी यांनी सुरुवातीला सिन्कोना, औषधी वनस्पती आणि लोह क्षारांनी युक्त अशी बिसलरी विकसित केली. फेलिस बिसलरी यांचे निधन 17 सप्टेंबर 1921 रोजी झाले. त्यांच्या निधनानंतर डॉक्टर रॉसी हे बिसलरी या कंपनीचे मालक बनले.डॉक्टर रॉसी हे फेलिस बिसलरी यांचे फॅमिली डॉक्टर होते तसेच सुरुवातीपासूनच बिसलरी या ब्रँडचे अविभाज्य असे भाग होते.

बिसलरी हा ब्रँड भारतामध्ये कसा आला ?

        खुशरू सुनटूक यांनी भारतामध्ये बिसलरी स्थापन करण्यामध्ये महत्त्वाची अशी भूमिका बजावली.खुशरू सुनटूक हे एक वकील असून कंपनीच्या कायदेशीर सल्लागाराचा मुलगा होते. त्या काळामध्ये भारतामध्ये पाण्याची उपलब्धता मुबलक प्रमाणात असली तरी देखील शुद्ध पिण्याच्या पाण्याची मागणी लक्षात घेता सनटूक यांनी भारतीय बाजारपेठेकडे वळण्याचे निश्चित केले. आणि अशा रीतीने बिसलरी हा ब्रँड भारतामध्ये आला.खुशरू सुनटूक यांनी ठाणे, मुंबई येथे पहिला ‘बिसलेरी वॉटर प्लांट’ 1965 मध्ये स्थापन केला.

             सुरुवातीच्या काळामध्ये बिसलरी बॉटल्स फाईव्ह स्टार हॉटेल्स मध्ये तसेच इतर हाय एंड रेस्टॉरंट मध्ये उपलब्ध होत्या. सुरुवातीला बाहेरून येणारे तसेच परदेशी लोक ज्यांना इतर ठिकाणचे पाणी सहन होत नसत असे लोक बिसलरी चा वापर करत असत. नंतर खुशरू सुनटूक आणि डॉक्टर रॉसी यांनी त्यांच्या उत्पादनाची ओळख सामान्य लोकांना देखील करून देण्याचा निर्णय घेतला आणि अशा रीतीने त्यांच्या बाजारपेठेचा देखील विस्तार करण्यात आला.

            काही कालावधीनंतर रमेश चौहान यांनी 1969 मध्ये बिसलरी चार लाख रुपयांना विकत घेतली. रमेश चौहान यांच्या मार्गदर्शनाखाली ब्रँडचा मोठ्या प्रमाणावर विस्तार झाला. रमेश यांनी फक्त पॅकेज केलेले पाणीच नाही तर त्याचबरोबर इतर शीतपेये आणि सोडा देखील बाजारपेठेमध्ये आणला. आणि अशा रीतीने बिसलरी हा देशातील सर्वात लोकप्रिय असा ब्रँड बनला.

      बिसलरी या ब्रांडने वेगवेगळ्या मार्केटिंग पद्धती अवलंबून भारतीय बाजारपेठेमध्ये आपले एक वेगळे असे स्थान निर्माण केले आहे. बिसलरी नेहमीच आकर्षक जाहिराती तयार करत असते, तसेच वेगवेगळ्या मार्केटिंग योजना देखील आखत असते आणि त्यामुळेच आज हा ब्रँड यशाच्या शिखरावर पोहोचला आहे. बिसलरी लोकेशन बेस्ड प्रायसिंग स्ट्रॅटेजीचा वापर करते म्हणजेच रेस्टॉरंट तसेच थिएटर यामध्ये विकली जाणारी बिसलरीची उत्पादने रिटेल दुकानांमध्ये विकल्या जाणाऱ्या बिसलरीच्या उत्पादनांच्या तुलनेमध्ये थोड्या प्रमाणात महाग विकली जातात.

        बिसलरी या कंपनीचे मुख्यालय मुंबई येथे स्थित आहे. तसेच बिसलरीचे देशभरामध्ये 15 पेक्षाही जास्त उत्पादन युनिट्स आहेत आणि त्यामुळेच बिसलरी चे उत्पादन मोठ्या प्रमाणावर होत असते. बिसलरीकडे स्वतःचे वितरण नेटवर्क आहे . बिसलरी कडे मोठ्या प्रमाणामध्ये ट्रक आहेत ज्यामुळे सहज आणि जलद अशी वाहतूक शक्य होते.

मोती साबण सक्सेस स्टोरी :

Who is the owner of moti soap ?

Is Moti soap Tata product ?

When was Moti soap invented ?

Is Moti soap Indian product ?

Moti soap success story –

          ” उठा उठा दिवाळी आली,

                 मोती स्नानाची वेळ झाली … “

     या लाईन्स आपण लहानपणापासून मोती साबणाच्या जाहिरातीमध्ये ऐकत आलेलो आहोत. दिवाळी जवळ आली की दिवाळीच्या खरेदीच्या यादीमध्ये मोती साबणाचा उल्लेख नक्कीच असतो, जणू काही मोती साबणाशिवाय दिवाळी अधुरीच वाटते…

    मोती साबण आणि दिवाळीचं एक वेगळंच असं समीकरण आहे. आज आपण मोती साबणाचा इतिहास जाणून घेणार आहोत.

     मोती साबणाची निर्मिती 1970 मध्ये टाटा ऑइल मिल्स कंपनीने ( TOMCO) केली. जेव्हा मार्केटमध्ये आयताकृती आकाराचे साबण असायचे तेव्हा ऑइल मिल्स कंपनीने गोलाकार आकाराचा मोती साबण मार्केटमध्ये आणला आणि हा साबण सर्वांचेच आकर्षण बनला. चंदन आणि गुलाबाच्या गुणधर्मांनी युक्त असा हा साबण या दोन प्रकारांमध्ये उपलब्ध आहे. त्यावेळी मोती साबणाची किंमत 25 रुपये होती परंतु ती किंमत देखील त्या काळामध्ये खूप जास्त होती. मोती साबण एक लक्झरी साबण म्हणून प्रसिद्ध झाला.

     दिवाळीच्या वेळी अभ्यंग स्नान करताना पारंपारिक असे उटणे वापरले जाते आणि आता उटण्यासोबतच मोती साबणाचा देखील उपयोग केला जातो. 90 च्या दशकामध्ये टेलिव्हिजन वर एक जाहिरात येऊ लागली, ज्यामध्ये एक महिला दिवा लावताना आणि प्रार्थना करताना दिसत आहे. तसेच मोती साबण वापरताना दाखवण्यात आली आणि तेव्हापासून जणूकाही असे समीकरणच बनले की दिवाळी असली की मोती साबण वापरायचा. ही जाहिरात एकूणच उत्सव, पवित्रता आणि परंपरा याविषयी होती. ही जाहिरात आल्यानंतर मोती साबण हा खास प्रसंगासाठी म्हणजेच जसे की दिवाळीसाठी वापरण्यात येणारा साबण बनला.

        TOMCO चे HUL मध्ये 1993 मध्ये विलीनीकरण झाल्यानंतर मोती साबण एच यु एल ची मालमत्ता बनली. मोती साबण हा हंगामी साबण बनला होता. काही कालांतराने मोती साबणाच्या विक्रीचा ग्राफ स्थिरावला. त्यावेळी गरज होती ती उत्कृष्ट मार्केटिंग स्ट्रॅटेजीची आणि मोती साबणाचे गुणधर्म पुन्हा एकदा लोकांना पटवून देण्याची …..

      2013 मध्ये एक मराठी जाहिरात त्यांनी प्रसिद्ध केली. या जाहिरातीमध्ये असे दाखवण्यात आले की,  एका छोट्या मुलाचे वडील त्याला सांगत आहे की त्यांच्या वेळी एक काका होते त्यांना ते ” अलार्म काका ” असे म्हणत कारण ते दिवाळी आली की दार ठोठावत आणि लवकर उठण्यासाठी लोकांना जागे करत. असे त्या छोट्या मुलानी आपल्या वडिलांकडून ऐकल्यानंतर तो मुलगा देखील दिवाळीच्या पहाटे मोती साबण हातामध्ये घेऊन त्यांच्या आसपासच्या घरांचे दार ठोठावत आणि असे म्हणताना दाखवले आहे की ” उठा उठा दिवाळी आली, मोती स्नानाची वेळ झाली ….” म्हणजेच या जाहिराती मधून असे दाखविण्यात आले की, मोती साबण ही जणू काही एक परंपराच आहे किंवा एक पारंपारिक साबण आहे जो की दिवाळीच्या वेळी अभ्यंग स्नानासाठी वापरला जातो. आणि तेव्हापासून मोती साबण पुन्हा एकदा प्रसिद्धीस आली आणि मोती साबणाचा आलेख उंचावत गेला. तेव्हापासून ते आत्तापर्यंत मोती साबण सर्वांच्याच पसंतीस उतरला आहे.

       मोती साबण हा अगदी रिटेल स्टोअर पासून ते मोठमोठ्या मॉलमध्ये सुद्धा उपलब्ध आहे तसेच हा साबण आपण ऑनलाइन देखील खरेदी करू शकतो. एकूणच या साबणाचा प्रवास बघता एवढ्या वर्षापर्यंत टिकून राहणे हे देखील महत्त्वाचे असून या साबणाचा प्रवास यशस्वी ठरला असे म्हणता येईल. जवळपास दिवाळीच्या वेळी प्रत्येक कुटुंबात मोती साबण असतो म्हणजे असतोच.

    मनोज पाहवा, जगदीप पाहवा, हेमंत पाहवा आणि हरीश पाहवा हे सध्याचे board members आणि संचालक आहेत. तसेच ही कंपनी दिल्ली रजिस्ट्रार ऑफिसमध्ये नोंदणीकृत आहे. 

Vicco success story:

Which country made Vicco ?

What is the tagline of Vicco ?

Who is the owner of Vicco ?

Is Vicco turmeric cream chemical free ?

विको सक्सेस स्टोरी : –

           ”  विको टर्मरिक , नही कॉस्मेटिक ,

             विको टर्मरिक आयुर्वेदिक क्रीम, 

             किल मुहासो को जड से मिटाये, 

             हलदी चंदन के गुण इसमे समाया, 

             त्वचा की रक्षा करे आयुर्वेदिक क्रीम,

             विको टर्मरिक आयुर्वेदिक क्रीम….. “

ही जिंगल जवळपास प्रत्येकाची तोंडपाठ आहे. तर आज आपण बघणार आहोत. विको या ब्रँड बद्दलची माहीती…

     1952 मध्ये केशव पेंढारकर यांनी विकोची स्थापना केली. केशव पेंढारकर हे नागपूर येथे स्थानिक रेशन दुकान चालवत होते. केशव हे पहिल्यापासूनच खूप प्रयत्नशील आणि महत्वकांक्षी होते. केशव पेंढारकर यांचे काही ध्येय देखील होते आणि ते ध्येय गाठण्यासाठीच ते त्यांच्या कुटुंबासह मुंबईला गेले. मुंबई येथे आल्यानंतर केशव हे त्यांच्या ध्येयापर्यंत पोहोचण्यासाठी काम करू लागले. केशव पेंडारकर यांना काहीतरी व्यवसाय सुरू करायचा होता. त्यांनी एका गोदामामध्ये आपला व्यवसाय सुरू केला आणि रसायनमुक्त दात स्वच्छ करणारी पावडर त्यांनी तयार केली. ही रसायन मुक्त पावडर सर्व वयोगटातील लोकांसाठी वापरण्यास योग्य ठरणार होती आणि हे उत्पादन लोकांच्या रोजच्या जीवनामध्ये वापरले जाणारे असल्यामुळे ते प्रसिद्धीस येण्याची दाट शक्यता होती आणि तसे झाले देखील.

       केशव यांनी 18 औषधी वनस्पतींपासून केमिकल फ्री दात स्वच्छ करण्याची पावडर तयार केली. केशव यांनी हे उत्पादन तयार केले पण त्याची मार्केटिंग कशी करायची हा प्रश्न केशव आणि कुटुंबीयांपुढे उभा राहिला. त्यानंतर केशव आणि त्यांच्या मुलांनी घरोघरी त्यांनी बनवलेल्या विको टुथ क्लिनिंग पावडरची जाहिरात करून विक्री केली. असे करण्याखेरीस त्यांना दुसरा मार्ग नव्हता. कालांतराने त्यांच्या या उत्पादनाला प्रसिद्धी मिळाली आणि पेंढारकर कुटुंबीयांनी हा व्यवसाय पुढे चालूच ठेवण्याचा निर्णय घेतला.

        लोक दात स्वच्छ करण्यासाठी टूथपेस्ट चा उपयोग करत आहेत असे केशव यांच्या लक्षात आले आणि त्यांनी त्यांचा मुलगा गजानन पेंढारकर यांना औषधी वनस्पतींपासून टूथपेस्ट तयार करण्यास सुचविले. गजानन पेंढारकर हे फार्मासिस्ट आहे. इतर काही प्रकारच्या टूथपेस्टमध्ये फ्लोराईड वापरले जाते परंतु जर पेस्ट चुकून गिळली गेल्यास फ्लोराईडमुळे आरोग्यासाठी काही समस्या उद्भवू शकतात. विकोने जी टूथपेस्ट तयार केली ती फक्त औषधी वनस्पती पासून तयार केली गेलेली आहे आणि त्यामध्ये कुठल्याही प्रकारचे रसायन किंवा फ्लोराईड वापरले गेले नाही. त्यांनी बनवलेली टूथपेस्ट वापरून कोणी कधीही आजारी पडू नये असे त्यांना वाटत होते. त्यांनी बनवलेल्या विको टूथपेस्टला भरभरून प्रतिसाद मिळत गेला.

     केशव पेंढारकर यांचे निधन 1971 मध्ये झाले, त्यानंतर केशव यांचा मुलगा गजानन पेंढारकर यांनी त्यांच्या वडिलांचा व्यवसाय पुढे सुरूच ठेवला. पहिले कंपनीची उलाढाल थोडीशी कमी होती परंतु केशव यांच्या मुलाने म्हणजेच गजानन पेंढारकर यांनी विकोला एका सक्सेसफुल आणि प्रसिद्ध ब्रँड मध्ये रूपांतरित केले.

      विको या ब्रँड ने त्वचेशी संबंधित जे काही उत्पादने बनवली, ती उत्पादने नेहमीच पिवळ्या रंगाची राहिली आहेत. पिवळा रंग हळदीशी संबंधित असल्याने या रंगाचा वापर केला केला आहे. विको या ब्रँडने ” विको टर्मरिक क्रीम ” या नावाचे उत्पादन देखील लॉन्च केलेले आहे. ज्यांच्या त्वचेवर काळे डाग, मुरूम यांसारख्या समस्या असतात त्या दूर करण्याचे काम ही क्रीम करते , तसेच हानिकारक अल्ट्रा व्हायोलेट रे पासून देखील संरक्षण करते असा दावा ही क्रीम करते.

      विको या कंपनीला १९८० मध्ये ” आंतरराष्ट्रीय व्यापार ट्रॉफी पुरस्कार ” मिळाला आहे. तसेच ब्रँड ट्रस्ट अहवाल 2012 नुसार , भारतातील सर्वात विश्वासार्ह ब्रँडमध्ये ” Vicco ” हा ब्रँड 28 व्या क्रमांकावर आहे.

Pitambari success story : 

पितांबरी  सक्सेस स्टोरी : –

     पूर्वी पितळाच्या भांड्यांचे प्रमाण जास्त होतं. स्वयंपाक घरामध्ये बहुतेक वस्तू पितळाच्याच असायच्या जसे की टीप पातेले , कढया, तांबे जवळपास सर्वच वस्तू पितळाच्या असायच्या. त्याचबरोबर पाणी तापवण्यासाठीचा बंब, दिवे, समई, ताम्हण यांसारख्या वस्तू देखील घरामध्ये असतात. या धातूच्या वस्तू साफ करायच्या म्हटल्यास कुठल्यातरी घरगुती पद्धतीने साफ केल्या जायच्या. वस्तू साफ तर व्हायच्या पण वस्तू स्वच्छ करण्यासाठी खूप वेळ द्यावा लागत असे. कालांतराने या वस्तू स्वच्छ करण्यासाठी एक पर्याय उपलब्ध झाला आणि तो म्हणजे ” पितांबरी “…

        जेव्हापासून पितांबरी पावडरची निर्मिती झाली तेव्हापासून तांब्या पितळाची भांडी स्वच्छ करणे सोपे जाऊ लागले , तसेच बराचसा वेळ देखील वाचू लागला. रवींद्र प्रभू देसाई आणि त्यांचे वडील वामनराव प्रभुदेसाई यांनी पितांबरीचा शोध लावला. पितांबरीचा विस्तार फक्त भारत देशातच नव्हे तर इतर 17 देशांमध्ये झालेला आहे.

      रवींद्र प्रभुदेसाई यांना लहानपणापासूनच नोकरी ऐवजी व्यवसाय करावा असे वाटत असे. रवींद्र प्रभुदेसाई यांचे वडील वामनराव प्रभुदेसाई यांचा वाहतुकीचा व्यवसाय होता. वडिलांचा वाहतुकीचा व्यवसाय असल्यामुळे रविंद्र प्रभुदेसाई हे सुद्धा त्यांच्यासोबत विविध यंत्र उत्पादन कारखान्यांमध्ये जात असत.

     रवींद्र प्रभुदेसाई यांनी रसायनशास्त्रामध्ये पदवी घेतलेली आहे. रवींद्र यांनी वेगवेगळी उत्पादन प्रणाली अभ्यासण्यास सुरुवात केली. तसेच घरून संशोधन करून काही उत्पादने देखील निर्माण केली. रवींद्र प्रभू देसाई हे जेव्हा 25 वर्षाचे होते तेव्हा त्यांनी लिक्विड सोप बनवले होते आणि त्यांच्या या उत्पादनाला हॉटेल बिजनेस कडून भरभरून प्रतिसाद मिळत होता. त्यांनी ताज या हॉटेलसाठी भांडी स्वच्छ करण्यासाठी वेगवेगळे गुणधर्म असलेली एक पावडर तयार केली, ही पावडर म्हणजेच आत्ताची पितांबरी…

    नंतर रवींद्र प्रभूदेसाई यांनी व्यवसाय व्यवस्थापनेचे देखील शिक्षण घेतलं. या शिक्षणाचा उपयोग त्यांना त्यांचा व्यवसाय वाढवण्यासाठी तसेच व्यवसायाचे व्यवस्थापन व्यवस्थित रित्या करण्यासाठी नक्कीच झाला. रवींद्र प्रभुदेसाई यांच्या मते , आपण जे काही उत्पादन बनवू हे जगावेगळे नक्कीच असावं परंतु त्याची नेमकी गुणवत्ता आपल्याला माहिती पाहिजे. कमी गुणवत्तेला भाव कधीच मिळणार नाही. रवींद्र प्रभुदेसाई यांनी गुणवत्तापूर्ण उत्पादने तयार केली.

       दक्षिण भारतामध्ये पितळाची भांडी जास्त प्रमाणात वापरली जात असल्याने त्या ठिकाणाहून पितांबरीला अधिकाधिक मागणी येऊ लागली. रवींद्र प्रभुदेसाई यांनी पितांबर या नावाने विविध प्रकारचे उत्पादने बाजारपेठेमध्ये आणली जसे की होम केअर, हेल्थकेअर , एग्रीकेअर आणि फूड केअर. या श्रेणीमध्ये पन्नासहून अधिक उत्पादने रवींद्र प्रभुदेसाई यांनी तयार केली आहेत. यापैकी बऱ्याचशा उत्पादनांचे पेटंट देखील पितांबरी उद्योग समूहाच्या नावावर आहे.

     पितांबरीचे कारखाने ठिकठिकाणी आहेत जसे की सुपे, गणपती पाडा, वडोदरा , हिमाचल प्रदेश , तळवडे या ठिकाणी आहेत. पितांबरी उत्पादनावर आयुर्वेदाचा देखील मोठा प्रभाव आहे. त्यांनी बरीचशी उत्पादने आयुर्वेदाच्या मदतीने बनवलेली आहेत. सांधेदुखीसाठीची उत्पादने तसेच लहान मुलांचा इलाज करण्यासाठीच्या गोळ्या त्याचबरोबर रसायन विरहित गुळ ही काही पितांबरीच्या उत्पादनांची उदाहरणे. पितांबरी भारतातील बऱ्याचशा घरांमध्ये पोहोचलेले आहे.

     रवींद्र प्रभुदेसाई यांनी लघु व्यवसायापासून जरी सुरुवात केलेली असली तरी देखील त्यांच्या या लघु व्यवसायाचे रूपांतर मोठ्या व्यवसायामध्ये झालेले असून , सध्या त्यांच्या व्यवसायाची उलाढाल 200 कोटी ते 500 कोटी पर्यंत होत आहे. आणि त्यांचा हा व्यवसाय 1000 कोटी पर्यंत न्यायचे स्वप्न रवींद्र प्रभुदेसाई यांचे आहे.

    रवींद्र प्रभू देसाई यांनी बऱ्याचशा संस्था दत्तक घेतलेल्या आहेत. रवींद्र प्रभुदेसाई हे जर एखाद्या व्यवसायाला किंवा संस्थेला मदत करू शकत असतील तर ते तसे पत्र पाठवतात आणि मदत करू शकत नसले तरी देखील माफी पत्र पाठवतात. रवींद्र यांच्या मते उद्योजकांनी लघु व्यवसायामध्ये न अडकता मोठ्या व्यवसायाची स्वप्ने नक्कीच पाहिले पाहिजे. त्याचबरोबर मदतीसाठी फक्त सरकारवर अवलंबून न राहता उद्योजकांनीच मागणी आणि पुरवठा तत्त्वावर एकमेकांना मदत केली पाहिजे.

Amul success story –

What is the story behind Amul brand ?

Who was behind the success of Amul brand ?

Why is Amul brand so famous ?

How Amul brand become the taste of India?

What is the meaning of Amul logo ?

How many products Amul have ?

अमूल सक्सेस स्टोरी –

         ” अमूल्य ” या शब्दापासून ” अमूल ” हा शब्द तयार झाला आहे .” अमूल्य ” या शब्दाचा अर्थ ” मौल्यवान ” असा होतो. तसेच आनंद मिल्क युनियन लि. ( AMUL ) असा देखील अर्थ आहे.1946 मध्ये अमूल ब्रँड स्थापन झाल्यापासून जसजसा वेळ जात आहे तसतसा अजूनच पुढे जात आहे .अमुल हा ब्रँड शेतकर्‍यांवर  लक्ष केंद्रित करून ग्रामीण भागातील लोकसंख्येची सामाजिक तसेच आर्थिक परिस्थिती सुधारण्याचा प्रयत्न करत आहे.

     अमूल हा ब्रँड दूध आणि दुग्धजन्य पदार्थांचा सर्वात मोठा उत्पादक आहे.तसेच 2021 नुसार अमूल ही जगामध्ये 9 व्या क्रमांकावरची सर्वात मोठी डेअरी कंपनी आहे .अमूल हा ब्रँड गुजरात कोऑपरेटिव्ह मिल्क मार्केटिंग फेडरेशन (GCMMF) म्हणून देखील ओळखला जातो.काही मध्यस्थांकडून शेतकऱ्यांचे जे शोषण होत होते, ते रोखण्यासाठी अमूलची स्थापना गुजरातमधील आनंद येथे 1946 मध्ये करण्यात आली.

     डॉ. व्हर्जेस कुरियन यांनी अमूल कॉर्पोरेशनची स्थापना केली होती.डॉ. व्हर्जेस कुरियन यांना भारतातील ” श्वेत क्रांतीचे जनक ” म्हणून ओळखले जाते.अमुल सतत काहीतरी नवीन करत असते जसे की, क्रिएटिव्ह मार्केटिंग असो किंवा नवनवीन उत्पादने लॉन्च करणे असो. अमुलने 1960 च्या दशकामध्ये स्किम्ड मिल्क पावडर तयार करण्यासाठी म्हशीच्या दुधाचा वापर केला,असे करणारा अमुल हा जगातील पहिलाच ब्रँड होता. अमूल या ब्रँडने पारंपारिक कामकाजापासून अधिक फायदेशीर आणि कार्यक्षम स्ट्रक्चर मध्ये रूपांतर केले आहे. 2014 साली अमूल ब्रँडला  ” CNN-IBN इनोव्हेशन अवॉर्ड फॉर अ बेटर फ्युचर ” आणि ” वर्ल्ड डेअरी इनोव्हेशन अवॉर्ड ” हे अवॉर्ड्स मिळाले आहेत .

         त्यावेळी काही व्यापारी लोकांकडून आणि एजंट लोकांकडून अल्प दूध उत्पादकांचे शोषण होत होते. काही  शेतकरी , शेतकऱ्यांचे स्थानिक नेते त्रिभुवनदास के. पटेल यांच्या नेतृत्वाखाली सरदार वल्लभभाई पटेल यांच्याकडे गेले होते. त्यावेळी असा सल्ला शेतकऱ्यांना देण्यात आला की, शेतकऱ्यांनी सहकारी संस्था स्थापन करून पोल्सनऐवजी थेट बॉम्बे मिल्क स्कीमला दूध पुरवठा करावा.अमूल  19 डिसेंबर 1946 रोजी नोंदणीकृत केले गेले. प्रत्येक गावांसाठी सहकारी संस्था तयार केल्या गेल्या. या सहकारी संस्थेचे नेतृत्व एचएम दलाया यांच्यासह डॉ वर्गीस कुरियन यांनी केले. आनंद येथे सहकारी संस्थेची पहिली आधुनिक डेअरी सुरू झाली. अगदी कमी कालावधीमध्येच त्यांना गुजरातच्या जवळील शहरांमधून मोठे यश मिळाले.

        अमूल हा ब्रँड 50 पेक्षा अधिक देशांमध्ये पसरला आहे तर अमुल ह्या ब्रँडचे भारतामध्ये 7,200 हून अधिक सलून आहेत.अमूल ह्या ब्रँडला गुणवत्तेची उच्च पातळी राखल्याबद्दल 1999 मध्ये सर्वोत्कृष्ट ” राजीव गांधी राष्ट्रीय गुणवत्ता पुरस्कार ” प्रदान करण्यात आला.अमूल ह्या ब्रँडला ” गिनीज वर्ल्ड रेकॉर्ड “द्वारे सर्वात लांब जाहिरात मोहीम म्हणून देखील प्रमाणित करण्यात आले आहे.

     अमूल हा ब्रँड अतिशय उत्कृष्ट अशी जाहिरात पद्धती वापरत असते. अमूल हा ब्रँड नवनवीन मार्केटिंग स्ट्रॅटेजीजचा वापर करत असते. अमूल या ब्रँडची जाहिरात आकर्षक असल्याने ग्राहक देखील या ब्रँडकडे आकर्षित होतात. तसेच अमूल या ब्रँड ने उत्पादनाची गुणवत्ता नेहमीच राखली आहे. उच्च दर्जाची उत्पादने AMUL ब्रँड योग्य त्या किमतीमध्ये ग्राहकांना विकत आहे. लाखो लोक अमूलची उत्पादने जसे की दूध,दूध पावडर,चीज, चॉकलेट्स, आईस्क्रीम,लोणी यांसारखी विविध उत्पादने वापरत आहेत. गुणवत्तेच्या बाबतीमध्ये अमूलने ग्राहकांना कधीही निराश केलेले नाही कारण अमूलने उच्च गुणवत्ता नेहमीच राखली आहे.

Madhura Bachal success story :

मधुरा बाचल सक्सेस स्टोरी :-

      आपल्या सर्वांनाच वेगवेगळे पदार्थ खाण्याची आवड नक्कीच असते परंतु प्रत्येक वेळी आपल्याला जो पदार्थ खाऊशी वाटला तो पदार्थ आपल्याला बनवता येतच असेल असे नाही. अशावेळी आपण युट्युबची मदत नक्कीच घेतो. परंतु अशी एक व्यक्ती आहे की ज्यांनी एकेकाळी त्यांना महाराष्ट्रीयन पदार्थ बनवूशी वाटला आणि त्यांनी युट्युब वर सर्च केले परंतु त्यांना त्या पदार्थाची रेसिपी मिळाली नाही. त्यांनी नंतर वेगवेगळे महाराष्ट्रीयन पदार्थ युट्युब ला सर्च करून बघितले पण त्यांना तिथे महाराष्ट्रीयन पदार्थ आढळले नाही आणि त्यानंतर त्यांनी स्वतः युट्युबर बनण्याचा निर्णय घेतला. आणि त्या व्यक्ती म्हणजेच मधुरा बाचल….

     जवळपास सर्वांनीच ” मधुराज रेसिपी ” हे यूट्यूब चैनल बघितले असेल किंबहुना कायमच बघत असतील. तर आज आपण जाणून घेणार आहोत मधुरा यांच्या यशस्वी अशा प्रवासाबद्दलची माहिती. मधुरा यांचं लग्न झालं आणि त्या त्यांच्या पतीसोबत अमेरिकामध्ये स्थलांतरित झाल्या. त्यांचे पती हे सॉफ्टवेअर इंजिनियर आहेत तर त्या बँकेमध्ये नोकरी करत होत्या. दोघांना देखील चांगल्या पगाराची नोकरी होती. 2008 मध्ये ही दोघे आई-वडील बनले आणि त्यांना कन्यारत्न प्राप्त झाले जिचे नाव मनस्वी. मधुरा यांनी आई झाल्यानंतर नोकरी मधून ब्रेक घेण्याचे ठरवले आणि त्या त्यांच्या मुलीचा सांभाळ व्यवस्थित रित्या करू लागल्या. त्यावेळी युट्युब नवीनच होते. त्यांनी युट्युब वर महाराष्ट्रीयन रेसिपी सर्च करण्यास सुरुवात केले जसे की मिरचीचा ठेचा, पुरणपोळी यांसारख्या रेसिपीज परंतु त्यांना युट्युब वर महाराष्ट्रीयन रेसिपीज सापडल्या नाहीत. ढोकळा, इडली यांसारख्या रेसिपी युट्युबवर उपलब्ध होत्या, परंतु महाराष्ट्रीयन रेसिपीज युट्युब या प्लॅटफॉर्मवर उपलब्ध नव्हत्या. त्यावेळी त्यांनी ठरवले की आपणच आता युट्युब वर महाराष्ट्रीयन रेसिपी अपलोड करू जेणेकरून लोकांपर्यंत महाराष्ट्रीयन रेसिपी बद्दल जागरूकता येईल आणि आवड निर्माण होईल तसेच महाराष्ट्रीयन रेसिपीचा प्रसार देखील होईल. त्यांनी नोकरीचा राजीनामा दिला आणि अशा रीतीने 2009 पासून त्यांचा प्रवास सुरू झाला.

       मधुरा यांचा रेसिपी अपलोड करण्याचा निर्णय तर ठाम होता पण त्यांचे बॅकग्राऊंड कॉमर्स असल्यामुळे या फिल्डचा त्यांना काहीही अनुभव नव्हता. त्यामुळे त्यांची सुरुवात अगदी शून्यातून होत होती. त्यांनी रेसिपी शूट करण्यासाठी जे जे साहित्य लागते त्या साहित्याची जुळवाजुळव केली. त्यांच्याकडे एक कॅमेरा होता आणि त्यांनी टेबल लॅम्पचा देखील उपयोग केला. रेसिपीची तयारी झाली , परंतु कॅमेरा कसा लावायचा हा त्यांच्यापुढे प्रश्न होता. त्यानंतर त्यांनी त्यांच्या एका मैत्रिणीकडून ट्रायपॉड बॉरो केला आणि रेसिपी शूट केली. जेव्हा त्यांनी त्यांची पहिली रेसिपी ” मधुराज रेसिपी ” या यूट्यूब चैनल वर अपलोड केली तेव्हा त्यांना लोकांकडून उत्कृष्ट असा प्रतिसाद मिळाला. फक्त भारतीयांकडूनच नव्हे तर भारताबाहेरील लोकांकडून देखील त्यांना छान प्रतिसाद मिळाला.

       युट्युब वर रेसिपी अपलोड करण्याचे काम त्या त्यांच्या छोट्याशा मुलीला सांभाळून करत असे. त्यांची मुलगी लहान असताना अनोळखी व्यक्तीला बघितल्यावर रडत असे .तिचा तो फोबिया दूर करण्यासाठी त्या तिला अमेरिकेमध्ये छोट्या मुलांसाठी जे सेंटर असतात तेथे घेऊन जात असत , जेणेकरून तिला माणसांमध्ये मिसळायची सवय लागेल. म्हणजे त्यांचे असं काही रुटीन असायचे की, सकाळी पाच वाजता उठून त्यांच्या पतीचा डबा करून द्यायच्या, त्यानंतर बाळाचे सर्व आवरून बाळाला बाहेर घेऊन जायच्या, तेथून आल्यानंतर बाळाला झोपी लावले की त्या रेसिपी शूट करायच्या. बाळ उठेपर्यंत रेसिपी शूट झालेली असायची, त्यानंतर बाळ उठले की पुन्हा संध्याकाळपर्यंत बाळाला सांभाळत आणि त्यानंतर रात्री बाळ झोपले की एडिटिंगचे काम त्या करत असत. अशा रीतीने त्यांचे दोन वर्ष युट्युब वर रेसिपी अपलोड करण्याचे काम सातत्याने सुरू होते. परंतु youtube कडून अर्निंगच्या दृष्टीने त्यांना रिस्पॉन्स दोन वर्षापर्यंत आलेला नव्हता आणि अचानक त्यांना शंभर डॉलर्सचा पे चेक मिळाला आणि त्या पहिल्यापेक्षा अधिक जोमाने कामाला लागल्या आणि त्यांचा प्रवास आज पर्यंत देखील सुरूच आहेत.

        2016 मध्ये त्या भारतामध्ये परतल्या. त्यांनी ” मधुराज रेसिपी हिंदी ” आणि ” मधुराज रेसिपी मराठी ” हे युट्युब चॅनेल देखील सुरू केले आणि त्यांना उत्तम प्रतिसाद मिळत गेला. फक्त दीड वर्षांमध्ये त्यांनी एक मिलियनचा टप्पा पार केला होता. त्यांना अजून काहीतरी करायचे होते की ज्याची नाळ महाराष्ट्राच्या मातीशी जोडलेली असेल परंतु नेमके काय यासाठी त्यांना दिशा मिळत नव्हती. एकदा त्या आणि त्यांचे बिझनेस पार्टनर एका कॉन्फरन्ससाठी एका ठिकाणी गेले असताना प्रत्येक व्यक्ती त्यांची लाईफ स्टोरी किंवा स्ट्रगल स्टोरी शेअर करत होते. तेव्हा त्यांना एक कल्पना सुचली ती म्हणजे महाराष्ट्रीयन मसाले लॉन्च करायचे. ही कल्पना सुचण्यामागे अजून देखील कारण होतं ते म्हणजे त्यांना काही अशा कमेंट्स यायच्या की ” ताई आम्ही सगळं तुमच्या रेसिपी प्रमाणेच करतो तरी देखील रेसिपीला कलर वगैरे तुमच्या रेसिपी सारखा येत नाही “. तर तेव्हा त्यांनी विचार केला की जे काही पारंपारिक मसाले असतील ते बनवायचे जसे की गोडा मसाला किंवा काळा मसाला ,बेडगी मिरची मसाला यांसारखे मसाले त्यांनी लॉन्च केले आणि त्या एक ” बिजनेसवुमन ” देखील बनल्या. मसाले बनवण्याची प्रोसिजर जेव्हा होत होती तेव्हा त्यांची जी टीम होती त्यांनी एनालिसिस केल्याप्रमाणे दीड हजार मसाले विकण्यासाठी जवळपास सहा महिने कालावधी लागणार होता परंतु त्यांनी दोन महिन्याचा कालावधी धरून पकडला होता. परंतु झाले असे की त्यांनी जेव्हा त्यांच्या व्हिडिओमध्ये मसाल्यांबद्दल सांगितले आणि मसाले लॉन्च केले त्याच दिवशी फक्त पाच ते सहा तासातच मसाल्यांचे दीड हजार पॅकेट विकले गेले आणि त्यांचा आत्मविश्वास द्विगुणित झाला.

      अशा रीतीने मधुरा यांनी जे ठरवलं ते करून दाखवलं. मधुरा यांच्या यशोगाथा मधून शिकण्यासारखे बरेच काही आहे.

The great magician :Suhani Shah success story :

सुहानी शाह सक्सेस स्टोरी : –

       सुहानी शाह यांचा जन्म 29 जानेवारी 1990 रोजी उदयपूर ,राजस्थान येथे झाला. सुहानी शाह यांचा जन्म एका मध्यमवर्गीय कुटुंबामध्ये झाला. सुहानी यांचे वडिल व्यवसाय करत तर सुहानी यांची आई गृहिणी. सुहानी यांना एक मोठा भाऊ देखील आहे.सुहानी शाह यांचा जन्म जरी उदयपूर राजस्थान येथील असला तरी त्या आणि त्यांचा संपूर्ण परिवार अहमदाबाद येथे स्थलांतरित झाला.अहमदाबाद येथे असतानाच त्या जादू कडे आकर्षित झाल्या आणि सुहानी ह्या सात वर्षांच्या असल्यापासून जादू दाखवत आहेत. वयाच्या नवव्या वर्षी सुहानी शाह यांना ” जादू परी ” हा किताब मिळाला. सुहानी यांनी पहिली पर्यंतच शिक्षण घेतले. नंतर त्या स्वतःच लिहायला आणि वाचायला शिकल्या. आणि आता तर त्यांनी स्वतः पाच पुस्तके लिहिली आहेत. ” गिनीज बुक ऑफ वर्ल्ड रेकॉर्ड ” यामध्ये देखील सुहानी शाह यांचे नाव आहे. अठरा वर्षांमध्येच सुहानी शाह यांनी जवळपास 5000 मॅजिक शोज केले आहेत ,आता तर ही संख्या अजूनच वाढली असेल. तसेच मोठमोठ्या कंपन्या देखील सुहानी यांना लेक्चर किंवा मोटिवेशनल स्पीचेस देण्यासाठी बोलावतात. सुहानी शाह यांनी अठरा वर्षांच्या असतानाच गोव्यामध्ये लोकांचा इलाज करण्यासाठी सेंटर देखील उघडले आहे. सुहानी शाह या त्यांच्या ज्ञानाचा उपयोग करून लोकांना जो मानसिक ताणतणाव असतो तो दूर करण्याचा प्रयत्न करतात आणि बऱ्याचदा त्यामध्ये यशस्वी देखील होतात.

     सुहानी शाह यांचे वडील एका मुलाखतीत म्हंटले आहे की, सुहानी ह्या जेव्हा लहान होत्या तेव्हा त्या त्यांच्या मित्र-मैत्रिणींबरोबर खेळण्यांमध्ये कम्फर्टेबल राहत नसत त्याऐवजी त्यांना एखाद्या मॅच्युअर व्यक्तीला जसे प्रश्न पडतात तसे प्रश्न लहान वयातच पडत असत आणि त्या त्यांच्या वडिलांना विचारत. त्यांचे वडील चंद्रकांत हे त्यांना त्यांनी विचारलेल्या प्रश्नांचे योग्य ते उत्तर देत असत. सुहानी ह्या एका मुलाखतीमध्ये म्हणतात की, जेव्हा इतर मुलं-मुली लहान असताना म्हणतात की त्यांना डान्सर, सिंगर, डॉक्टर इंजिनिअर असे काहीतरी व्हायचे आहे तेव्हा सुहानी यांना काहीतरी वेगळे करायचे होते आणि त्या पाच वर्षाच्या असतानाच त्यांनी ठरवले होते की त्यांना जादूगर व्हायचे आहे. तसे त्यांनी त्यांच्या आई वडिलांना देखील सांगितले परंतु सुरुवातीला त्यांच्या आई-वडिलांना ते खरे वाटले नाही किंवा त्यांनी सिरीयसली घेतले नाही. कारण त्यांना वाटले की सुहानी या छोट्या आहेत म्हणून तसं म्हणत असतील परंतु सुहानी यांनी पुन्हा त्यांना सांगितले की मला जादूगरच व्हायचे आहे. सुहानी ह्या त्यांच्या मतावर अगदी ठाम होत्या. नंतर सुहानी यांच्या आई स्नेहलता आणि वडिल चंद्रकांत यांनी त्यांच्या लाडक्या मुलीचे मत गांभीर्याने घेतले आणि आई-वडिलांच्या देखरेखी खाली सुहानी यांनी जादू शिकण्यास सुरुवात केली.

      सुहानी शाह यांनी त्यांचा पहिला स्टेज शो 22 ऑक्टोबर 1997 रोजी अहमदाबाद गुजरात येथे केला. आणि त्यांचा पहिलाच शो सुपरहिट झाला. त्या वेळचे गुजरातचे मुख्यमंत्री शंकर सिंग वाघेला यांनी सुहानी शाह यांची खूप स्तुती केली. नंतर दोन वर्षांमध्येच म्हणजेच 1999 ला सुहानी शाह यांना बेस्ट मॅजिशियन हा पुरस्कार मिळाला. तेव्हाचे उपराष्ट्रपती धारासिंग शेखावत यांनी देखील सुहानी यांची खूप स्तुती केली. नऊ वर्षाच्या असतानाच सुहानी शाह यांना अमेरिकेमध्ये शो करण्याची संधी मिळाली आणि तेथून परतल्यानंतर तर सुहानी यांचा प्रवास अधिकच यशस्वीरित्या सुरू झाला. नंतर सुहानी यांच्या वडिलांनी त्यांचा व्यवसाय सोडून त्यांच्या लाडक्या मुलीच्या शोचे मॅनेजमेंट ते बघू लागले तसेच आई स्नेहलता या बॅकस्टेज तयारी बघू लागल्या. सुहानी शाह या तेरा वर्षाच्या असतानाच कोरियाने त्यांच्यावर डॉक्युमेंटरी बनवली. सुहानी यांचे शिक्षण पहिलीपर्यंत झालेले आहे तरी देखील त्यांच्या मते ज्यांना ज्ञान मिळवायचे असते ते शाळेत न जाता सुद्धा मिळवतात परंतु काहींना कितीही मोठ्या आणि चांगल्या शाळेमध्ये घातले तरी देखील ते व्यवस्थित रित्या ज्ञान मिळवू शकत नाही. सुहानी यांनी वयाच्या पंधराव्या वर्षी त्यांचे पहिले पुस्तक लिहिले.

      सुहानी यांनी अगदी कमी वयामध्येच सात वर्षांच्या असतानाच कंप्यूटर डिप्लोमा ही पदवी मिळवली आणि एक रेकॉर्ड बनवले तसेच नऊ वर्षांच्या असताना सुहानी यांनी वेब डिझाईनिंग देखील शिकले. सुहानी या डोळ्यावर पट्टी बांधून हाय स्पीड गाडी चालू शकतात तसेच त्यांना स्विमिंग आणि टेनिस खेळणे देखील पसंत आहे.

      असं नाही की सुहानी यांना त्यांच्या आयुष्यामध्ये काही अडचणी नाही आल्या परंतु वाईट गोष्टींना किंवा निगेटिव्ह गोष्टींना सुहानी शाह त्यांच्या आयुष्यामध्ये जागा देत नाहीत. सुहानी शाह यांच्या मते निगेटिव्ह गोष्टींचा विचार न करता नेहमी पॉझिटिव्ह गोष्टींचा विचार केला पाहिजे आणि हे प्रत्येक व्यक्ती स्वतःच करू शकते. सुहानी यांच्या आयुष्यासाठी थ्री इडियट्स पिक्चर मधील एक डायलॉग योग्य ठरेल असे वाटते तो म्हणजे ” काबील बनो काबिल, कामयाबी झक मार के पीछे आयेगी “.

   सुहानी यांनी मेहनत करणे कधीही सोडले नाही आणि त्यांना त्याचे फळ वेळोवेळी मिळत गेले. सुहानी शाह यांच्याकडून आपल्याला बऱ्याचशा गोष्टी शिकण्यासारखे आहेत जसे की , नेहमी नकारात्मक विचार न करता सकारात्मकच विचार केला पाहिजे आणि आपण आपली मेहनत कितीही अडथळे आले तरी करत राहिली पाहिजे योग्य वेळी त्या मेहनतीचे फळ नक्कीच मिळते आणि आपण आपल्या ध्येयापर्यंत पोहोचतो.

Book My Show success story : –

बुक माय शो सक्सेस स्टोरी : –

     पूर्वी आणि आता देखील काही लोक एखादा चित्रपट बघायचा म्हटलं की थिएटरमध्ये जाऊन तिकिटांसाठी लाईन मध्ये उभे राहायचे किंवा आत्ता देखील राहतात. आपल्या आवडीचा चित्रपट असला की आपण आवर्जून तिकिटांसाठी कितीही मोठी लाईन असली तरीदेखील त्या लाईन मध्ये उभे राहतो. परंतु कधी कधी असे होते आपला नंबर जवळ येत असतानाच हाउसफुलचा बोर्ड दिसतो , आपल्याला चित्रपटाची तिकीट मिळत नाही आणि आपली निराशा होते. परंतु थेट चित्रपट बघायला जाण्याच्या वेळी तिकीट घेण्याऐवजी जर आपण घरी बसल्या आपल्याला जो चित्रपट बघायचा आहे त्या चित्रपटाचे तिकीट जर बुक केले तर आपली तिकीट घेण्याच्या लाईन मध्ये उभी राहण्याची मेहनत देखील वाचेल आणि ही देखील खात्री राहील की आपल्याला तिकीट मिळालेले आहे आणि आपण चित्रपट बघू शकतो. आणि हीच कल्पना सुचली ती ” बुक माय शो ” चे संस्थापक आशिष हेमराजानी यांना.

        आशिष हेमराजानी यांनी मास्टर्स इन बिझनेस ऍडमिनिस्ट्रेशन हे शिक्षण घेतलेले आहे. आशिष हे 1999 मध्ये एकदा दक्षिण आफ्रिकेला सहलीसाठी गेले होते. ते जे. वॉल्टर थॉम्पसन या जाहिरात फर्मसाठी काम करत होते. एकदा आशिष हेमराजानी हे एका झाडाखाली बसले असताना रेडिओवर रग्बी तिकिटांची जाहिरात ते ऐकत होते तेव्हा त्यांना एक कल्पना सुचली. आशिष यांनी त्यावर रिसर्च केले त्यानंतर मार्केट समजून घेतले आणि एक धोरण विचारात घेऊन ते भारतामध्ये परतले. ते नोकरी करत होते परंतु त्यांनी नोकरी सोडली आणि स्वतःचीच कंपनी सुरू करावी असा निर्णय घेतला. आशिष हेमराजानी यांनी वयाच्या 24 व्या वर्षी त्यांचा पहिला इंटरनेट प्रोजेक्ट ” Bigtree Entertainment Pvt. Limited ” सुरू केला. त्यांनी त्यांच्या घरातूनच हेड ऑफिस सुरू केले. काही कालावधीनंतर आशिष यांनी त्यांचे मित्र राजेश बालपांडे आणि परीक्षित दार यांना त्यांच्या कंपनीमध्ये सामील होण्यासाठी विचारणा केली आणि ते तयार देखील झाले. नंतर परीक्षित दार यांनी तंत्रज्ञान हाती घेतले तर राजेश बालपांडे यांनी फायनान्स हाताळले. आणि अशा रीतीने या तीन मित्रांचा ” Bigtree Entertainment Pvt. Limited ” साठी उद्योजक म्हणून एकत्रित रित्या प्रवास सुरू झाला. या तीन मित्रांना व्यवसाय सुरू केल्यानंतर काही अडचणींचा सामना करावा लागला जसं की त्यांच्याकडे भांडवलाची कमी होती त्यामुळे ते गुंतवणूकदार शोधत होते. आणि त्यांची कामाच्या  प्रति निष्ठा बघून त्यांना त्यांचा पहिला गुंतवणूकदार मिळाला आणि ते म्हणजे जेपी मॉर्गन चेस. या तिघांनी त्यांचा प्रस्ताव जे पी मॉर्गन चेस यांना एक पानाचा फॅक्स केला होता ज्यामध्ये त्यांनी त्यांचे बिजनेस मॉडेल सांगितले होते. जेपी मॉर्गन चेस यांनी त्या तिघांचा प्रस्ताव मंजूर केला आणि त्यांना अडीच कोटी रुपये निधी देण्याचे मान्य केले. नंतर त्यांनी  “Go For Ticketing” या ब्रँड नावाखाली त्यांचा प्रोजेक्ट सुरू केला नंतर त्याला ” इंडिया तिकीट ” हे ब्रँड नेम दिले गेले आणि 2002 मध्ये “ BookMyShow ” म्हणून ओळखले जाऊ लागले.

      फंडिंगचा प्रश्न सुटल्यानंतर या तिघांपुढे प्रश्न होता तो म्हणजे ऑनलाईन रीतीने तिकीट विकणे सोपे नव्हते कारण बऱ्याचशा लोकांकडे क्रेडिट कार्ड, डेबिट कार्ड किंवा नेट बँकिंग यांसारखे ऑप्शन्स उपलब्ध नसत. त्याचबरोबर ब्रॉडबँड कनेक्टिव्हिटी मधील प्रॉब्लेम्स तसेच थिएटरमध्ये  सॉफ्टवेअर उपलब्ध नसत. या अशा  अडचणी त्यांना येत होत्या.त्यावेळी त्यांच्याकडे दीडशे कर्मचारी होते.

      त्यावेळी त्यांच्याकडे थोडकेच पर्याय उरले होते एक तर हा व्यवसाय बंद करायचा आणि एखाद्या ठिकाणी नोकरी करायची. परंतु त्यांनी आत्मविश्वास गमावला नाही. त्यांनी व्यवसायात पुढे चालू ठेवण्याचा निर्णय घेतला फक्त काही गोष्टी थोड्या वेगळ्या पद्धतीने करून बघाव्या असा विचार केला. नंतर काही दिवसांनी भारतातील बाजारपेठ पूर्णपणे बदलली आणि उत्तम इंटरनेट सुविधा तसेच क्रेडिट कार्ड आणि डेबिट कार्ड सुविधा यांसारख्या सुविधा लोकांना मिळायला लागल्या. तसेच भारतामध्ये 2002 ते 2004 दरम्यान मल्टिप्लेक्सची संख्या देखील मोठ्या प्रमाणामध्ये वाढली. आणि त्यांनी या मल्टिप्लेक्सना ऑटोमॅटिक तिकीट सॉफ्टवेअर विकले.

       त्यांना आलेल्या अडचणींमुळे ते एक महत्त्वाचा धडा शिकले की फुकट दिलेल्या कोणत्याही गोष्टीला किंमत नसते आणि म्हणूनच पूर्वी ते जे सॉफ्टवेअर मोफत देत होते, त्या सॉफ्टवेअर साठी त्यांनी शुल्क आकारण्यास सुरुवात केली.    

      त्यांना 2007 मध्ये नेटवर्क 18 ने गुंतवणूकदार म्हणून साथ दिली आणि नेटवर्क 18 ने 14.5 कोटी रुपयांची गुंतवणूक केली आणि त्यांना त्यांच्या व्यवसायामध्ये 60 टक्के इतका हिस्सा दिला. आणि आता पुन्हा एकदा तिकीट व्यवसाय सुरू करण्याची योग्य वेळ आली होती ” BookMyShow.com ” व्यवस्थित रित्या सुरू झाले.BookMyShow ला ‘द हॉटेस्ट कंपनी ऑफ द इयर-2011-12’ हा पुरस्कार देखील मिळाला आहे. 

1 mg success story :

Why is 1mg successful?

Is 1 mg a trusted site?

Who is the owner of 1mg?

1 mg  सक्सेस स्टोरी :

     1 mg ही एक ऑनलाईन फार्मसी कंपनी असून प्रशांत टंडन, गौरव अग्रवाल आणि विकास चौहान यांनी 2013 मध्ये स्थापन केली होती.1 mg ही फार्मसी कंपनी भारतीयांसाठी विश्वसनीय अशी ऑनलाईन फार्मसी कंपनी आहे. 1 mg या कंपनीचा उद्देश लोकांना त्यांचे प्रेस्क्रीप्शन ऑनलाईन भरणे सोपे व्हावे हा आहे. भारतामध्ये कमी फार्मसी कंपन्या आहेत की ज्या विश्वासार्ह आहेत त्यापैकीच एक म्हणजे 1 mg .1 mg या कंपनीने लोकप्रियता मिळवली आहे आणि या कंपनीचा विस्तार वेगाने होत आहे.

       1 Mg चे संस्थापक प्रशांत टंडन यांनी आयआयटी दिल्ली येथून पदवी मिळवली आहे . त्यानंतर प्रशांत यांनी AIIMS (ऑल इंडिया इन्स्टिट्यूट ऑफ मेडिकल सायन्सेस) येथे वैद्यकशास्त्राचा अभ्यास केला. नंतर त्यांनी दोन वर्ष डॉक्टर म्हणून काम केले आणि त्यानंतर हार्वर्ड बिझनेस स्कूलमध्ये एमबीएचे शिक्षण पूर्ण केले.आणि त्यांनी 2001 पासून हेल्थकेअर स्टार्टअप्समध्ये मध्ये काम देखील केले आहे. आणि अनुभवाचा फायदा नक्कीच होतो. त्यावेळी भारतामध्ये खूपच कमी विश्वासार्ह अशा ऑनलाइन फार्मसी कंपन्या होत्या. तेव्हा त्यांना एक अशी ऑनलाइन फार्मसी कंपनी सुरू करायची होती की जी विश्वसनीय देखील असेल आणि योग्य किमतीमध्ये दर्जेदार उत्पादने मिळवून देईल.  त्यावेळी त्यांनी फक्त तिघांनी मिळून सुरुवात केली ते म्हणजे सीईओ प्रशांत टंडन, सी ओ ओ गौरव अग्रवाल आणि विकास चौहान. 

       गौरव अग्रवाल हे 1 Mg चे सह-संस्थापक असून  COO आहेत. या प्रोजेक्ट पूर्वी दोघांनी हेल्थकार्टप्लस – या एका हेल्थकेअर स्टार्टअप येथे एकत्र काम केले होते. गौरव अग्रवाल हे कंपनीच्या उत्पादन आणि तंत्रज्ञान कार्यांसाठी जबाबदार आहे.

    विकास चौहान हे 1 Mg चे सह-संस्थापक आहेत आणि कंपनीचे विपणन/marketing प्रमुख देखील आहेत. विकास चौहान यांनी आयआयएम अहमदाबाद येथे  पदवीपर्यंतचे शिक्षण पूर्ण केले आहे. विकास चव्हाण यांना भारतात आणि परदेशात मार्केटिंगचा 14 वर्षांपेक्षा जास्त अनुभव आहे.

       त्यांनी तेव्हा जरी तिघांपासून सुरुवात केली असली तरी आज त्यांची टीम संपूर्ण भारतभर वेगवेगळ्या ठिकाणी असून 200 हून अधिक सदस्य झाली आहेत. त्यानंतर 2013 मध्ये 1 Mg कंपनीने मोबाईल ॲप / आपली पहिली वेबसाईट सुरू केली.

      1 Mg ने ॲप आणि वेबसाईट लॉन्च केल्यानंतर त्यांना प्रतिसाद भेटण्यास सुरुवात झाली आणि पुरेशी ट्राफिक त्यांच्या वेबसाईटवर येऊ लागली.

      1 Mg ही ऑनलाईन फार्मसी कंपनी विश्वसनीय बनण्यामागे काही घटकांचा समावेश आहे जसे की 1 Mg ने ग्राहकांच्या समाधानावर नेहमीच लक्ष केंद्रित केले, योग्य त्या ब्रँडची आणि उत्पादनांची विस्तृत अशी निवड केली, जलद आणि विश्वसनीय डिलिव्हरी सर्विस उपलब्ध करून दिली तसेच ग्राहकांना परवडतील अशा किमती ठेवल्या. या घटकांचा कंपनीच्या यशामागे मोलाचा वाटा आहे.

      ग्राहकांना बऱ्याचदा हव्या त्या ब्रँडची मेडिसिन मिळवण्याकरता विविध वेबसाईट चेक कराव्या लागतात परंतु 1 Mg या कंपनीने त्यांच्या वेबसाईटवर उत्पादनांची आणि ब्रँडची विस्तृत अशी निवड केली आहे. त्याचबरोबर ग्राहकांकडून काही वेबसाईटच्या डिलिव्हरी सर्विसेस बद्दल तक्रारी येत असतात परंतु 1 Mg ही कंपनी अतिशय जलद आणि विश्वसनीय अशी डिलिव्हरी सर्विस उपलब्ध करून देते. आणि हेच ग्राहकांना गरजेचे असते कारण जेव्हा कोणी पेशंट आजारी असतं तेव्हा प्रत्येक सेकंद हा महत्त्वाचा असतो. तसेच अशावेळी वेळ आणि पैसा हे दोन्हीही खूप महत्त्वाचे असते.1 Mg ही कंपनी ग्राहकांना योग्य त्या किमतीमध्ये चांगली उत्पादने मिळवून देते.

      2016 मध्ये द इकॉनॉमिक टाइम्स द्वारे भारतामधील टॉप 50 स्टार्टअप पैकी एक म्हणून ही कंपनी ओळखली जाते तसेच न्यूज कॉर्प VCCircle द्वारे 1mg सर्वात आशाजनक ( promising ) आरोग्य सेवा स्टार्टअप म्हणून ओळखले जाते. 2016 मध्ये Gmasa द्वारे वैद्यकीय श्रेणीतील सर्वोत्कृष्ट ॲप म्हणून मान्यता प्राप्त झाली आहे. तसेच या ऑनलाइन फार्मसी कंपनीने एम-हेल्थसाठी एम-बिलियन्थ पुरस्कार जिंकला आहे.

PART 2 : Paytm Success Story –

भाग २ : पेटीएम सक्सेस स्टोरी

(पेटीएम सक्सेस स्टोरीचा भाग एक वाचला नसेल तर नक्की वाचा त्यामध्ये पेटीएमचे संस्थापक विजय शेखर शर्मा यांची यशोगाथा दिलेली आहे )

       दिवसेंदिवस स्मार्टफोनचा वापर वाढतच चालला आहे. अगदी लहान मुलांना देखील स्मार्टफोन वापरता येऊ लागला आहे. स्मार्टफोनच्या या वाढत्या वापराचे निरीक्षण विजय शेखर शर्मा यांनी केले. विजय यांना असे काहीतरी करायचे होते की स्मार्टफोनचा उपयोग करून लोकांना ऑनलाइन पद्धतीने व्यवहार करता येणे शक्य होईल. आणि विजय यांनी त्यांची ही कल्पना सत्यामध्ये उतरवली आणि 8 जुलै 2010 रोजी Paytm.com या नावाने एक ऑनलाईन वेबसाईट सुरू केली. ही वेबसाईट त्यांच्या पॅरेंट कंपनी One97 कम्युनिकेशन्स अंतर्गत सुरू करण्यात आली.

      सुरुवातीच्या काळामध्ये ते फक्त ऑनलाईन प्रीपेड मोबाईल आणि ऑनलाइन डीटीएच फॅसिलिटी वरून सर्विसेस देत असत . नंतर इलेक्ट्रिसिटी बिल, वॉटर बिल आणि गॅस बिल भरता येऊ लागले आणि काही कालावधीमध्ये ते लोकप्रिय झाले. जवळपास दोन वर्षांमध्ये दोन लाख पन्नास हजार युजर्स तयार झाले.

     झीरो बॅलन्स करंट अकाउंट सुविधा देणारी पेटीएम पेमेंट बँक भारतातील पहिली बँक बनली आहे. उत्तर प्रदेश मधील नोएडा येथे $2 अब्ज इतकी सुरुवातीची गुंतवणूक पेटीएमची होती. पेटीएमने पेटीएम वॉलेट 2014 मध्ये लॉन्च केले आणि सुरुवातीच्या काळामध्ये भारतीय रेल्वे आणि उबरने पेमेंट साठी पेटीएम वॉलेटची ही कल्पना स्वीकारली.

        2017 मध्ये पेटीएम चे 100 दशलक्ष डाउनलोड झाले. पेटीएम साठी आणि भारतीय इतिहासामधील देखील ऐतिहासिक दिवस ठरला तो म्हणजे ,8 नोव्हेंबर 2016.8 नोव्हेंबर 2016 या दिवशी भारत सरकारने नोटाबंदी करण्याचा निर्णय घेतला. पाचशे आणि हजारच्या  नोटा बंद करण्यात आल्या कारण भ्रष्टाचार आणि काळ्या पैशाला आळा घालायचा होता. जेव्हा नोटबंदी झाली तेव्हा कॅशलेस पेमेंट साठी लोकांना प्रोत्साहित केले गेले आणि त्यानंतर पेटीएमचा वापर अधिक पटीने वाढत केला आणि पेटीएमचे उत्पन्न देखील वाढले. नोटाबंदी झाल्याच्या दरम्यान पेटीएमने 600 दिवसांचे काम फक्त साठ दिवसांमध्ये पूर्ण केले. नोव्हेंबर 2017 पर्यंत पेटीएमचे युजर्स 200 दशलक्ष इतके झाले.

    ” पे टी एम करो ” ही टॅग लाईन नंतर प्रसिद्ध झाली. शॉपिंग करण्यासाठी पेटीएम वापरून ऑनलाइन पद्धतीने पेमेंट करता येऊ लागले. तसेच मोबाईल रिचार्ज , डिश रिचार्ज , इलेक्ट्रिसिटी बिल यांसारखे कित्येक उपयोग पेटीएमचे आहेत.फ्लाइट/ट्रेन/बस तिकीट बुक करू शकतात.काही वर्षांमध्ये पे टी एम ने त्यांचा विस्तार अधिक पटीने वाढवला आहे.पे टी एम हे प्लॅटफॉर्म असे पेमेंट साइट्सपैकी एक आहे जी युझर्सना केलेल्या सर्व पेमेंट व्यवहारांमध्ये काही परसेंट कॅशबॅकची सुविधा देखील देते.

       पेटीएम हे ॲप्लिकेशन त्यांच्या युजर्सना इवॉलेटची सुविधा देखील देते. इवॉलेटचा उपयोग करून युजर्सना काही विशिष्ट व्यवहारांसाठी काही प्रमाणात रक्कम संग्रहित करण्यासाठी परवानगी देते. ही एक आभासी / वर्चुअल बँक असून तिला भारतीय रिझर्व बँकेने मान्यता दिलेली आहे.

      Paytm Verisign-certified SSL (Secure Sockets Layer) 128-बिट एन्क्रिप्शन इंजिनिअरिंगचा वापर करते. यामुळे वापरकर्त्याचा इंटरनेट डेटा म्हणजेच पासवर्ड आणि इतर आर्थिक तपशील सुरक्षित आहे.यामुळे युझर्सना अधिक सुरक्षा मिळते. पेटीएम द्वारे ऑनलाईन पद्धतीने व्यवहार करणे सुरक्षित तर आहेच त्याचबरोबर पेटीएम प्रति सेकंद 5000 व्यवहार हाताळू शकते. पेटीएम मुळे अतिशय सुरक्षित रीतीने व्यवहार करणे शक्य झाले आहे. पेटीएममुळे युजर्सना मोबाईल नंबर टाकून किंवा QR  कोड स्कॅन करून पैसे पाठवता येऊ लागले आहेत.

     पेटीएम चा वापर फक्त शहरांमधील युजर्स नाही तर पेटीएम हे गावोगावी देखील वापरले जाते. पेटीएम हे वापरण्यास देखील सोपे आहे. पेटीएम मुळे आपण आपल्या सोबत कॅश कॅरी नाही केली तरी देखील पेमेंट ऑनलाईन पद्धतीने सुरक्षितपणे करू शकतो.पेटीएमने लोकांचे जीवन सोपे केले आहे.” पेटीएम ” हे ई-कॉमर्सच्या जगात एक लोकप्रिय नाव बनले आहे.