Posts in category: Uncategorized

PART 1: Vijay Shekhar Sharma success story/ Paytm Success Story :

भाग १ : विजय शेखर शर्मा सक्सेस स्टोरी/Paytm सक्सेस स्टोरी : –

     पेटीएम हे एक असे भारतीय ॲप्लिकेशन आहे ज्याच्या मदतीने युजर्सना ऑनलाइन पेमेंट करता येते.पेटीएम मध्ये खूप सारे ऑप्शन्स उपलब्ध आहेत जसे की ऑनलाइन पेमेंट करता येते,मोबाईल रिचार्ज करता येतो,डिश टीव्ही रिचार्ज करता येतो, इलेक्ट्रिसिटी बिल भरता येते,ऑनलाइन टिकीट बुकिंग करता येते अशा प्रकारचे विविध ऑप्शन्स उपलब्ध आहेत.” Paytm ” हा ” Pay Thorough Mobile” चा शॉर्ट फॉर्म आहे. पेटीएम ची सुरुवात 2010 मध्ये विजय शेखर शर्मा यांनी केली. विजय शेखर शर्मा यांचा जन्म 8 जुलै 1978 अलीगढ, उत्तर प्रदेश येथे झाला.विजय शेखर शर्मा यांचे वडील एक शिक्षक होते तर आई गृहिणी.विजय शेखर शर्मा यांना तीन भावंड..

         वयाच्या १४ व्या वर्षी विजय शेखर शर्मा यांनी उच्च माध्यमिक शिक्षण पूर्ण केले. विजय शेखर शर्मा यांना अभियंता व्हायचे होते .पण इंग्लिश भाषा त्यांना येत नव्हती ,त्यामुळे त्यांना असे वाटत होते की इंजिनिअरिंगला प्रवेश घेण्याच्या आधी इंग्रजी भाषेचे कोचिंग घ्यावे.पण कोचिंग घेण्यासाठी त्यांच्याकडे ना पैसा होता ना काही रिसोर्सेस.पण विजय शेखर शर्मा यांनी कधीच हार मानली नाही. विजय शेखर यांनी त्याच्या आईला विचारले की, त्यांना इंजिनियर व्हायचे आहे त्यामुळे इंग्रजी भाषेचे कोचिंग घेणे आवश्यक आहे. परंतु विजय शर्मा यांच्या आईला नकार द्यावा लागला आणि त्यांच्या आईने त्यांना सांगितले की त्यांच्याकडे पुरेसे संसाधने नाहीत आणि त्यांच्या बहिणीचे देखील लवकरच लग्न करावे लागेल.

          विजय शेखर शर्मा हे त्यांच्या गावातील दोन लोकांपैकी एक होते ज्यांनी अभियांत्रिकीचे शिक्षण सुरू ठेवले.विजय शेखर शर्मा यांनी दिल्ली इन्स्टिट्यूट ऑफ टेक्नॉलॉजीमधून अभियांत्रिकीची पदवी मिळवली .विजय शेखर शर्मा यांच्या मते, तेव्हा ज्यांचे शिक्षण हिंदी माध्यमातून होत असत त्यांना काही अडचणींना सामोरे जावे लागत असे.त्यावेळी हिंदी माध्यमातून शिकणाऱ्या मुलांसाठी पुस्तके आणि कोचिंग क्वचितच उपलब्ध असे. 

       पूर्वी दिल्ली कॉलेज ऑफ इंजिनिअरिंग म्हणून ओळखले जाणारे,आणि आत्ताचे डीटीयू (दिल्ली टेक्नॉलॉजिकल युनिव्हर्सिटी) मध्ये असताना त्यांना त्यांचे जीवन लोकप्रिय बॉलिवूड चित्रपट ” तारे जमीन पर ” या चित्रपटामधील मुलासारखे वाटे.म्हणजे त्यांना त्यांच्या शिक्षकांचे ओठ हलताने तर दिसत असत पण ते काय शिकवत आहेत हे विजय यांना समजत नसे कारण ते सर्व इंग्लिश भाषेमधून असे. परीक्षेची तयारी करत असताना देखील विजय आणि त्यांचे मित्र उत्तरे वाचत असत परंतु प्रश्न इंग्रजी भाषेतून असल्यामुळे त्यांना प्रश्न समजत नसत. या अशा अडचणी आल्यामुळे विजय शेखर शर्मा यांनी इंग्रजी वाचायला, लिहायला आणि बोलायला शिकले.

      विजय शेखर शर्मा हे एकदा बाजारात गेले असताना त्यांनी  फोर्ब्स मॅगझिन घेतले. त्यामध्ये त्यांनी ॲपल, इंटेल आणि एचपी यांसारख्या मोठ्या ब्रँडच्या यशोगाथा वाचल्या. त्यामधून त्यांना असे समजले की हे ब्रँड इकोसिस्टीम मधील सर्वात मोठे नाव कसे बनले आहे. त्याचबरोबर विजय यांना या मोठ्या ब्रँडच्या यशोगाथेमधून एक गोष्ट सामाईक वाटली आणि ती म्हणजे या सर्व कंपन्यांची सुरुवात बेसमेंट गॅरेजमधून झाली होती.

      1997 मध्ये विजय शेखर शर्मा यांनी त्यांचा मित्र हरी यासोबत कॉलेजमध्ये असताना इंटरनेट कंपनी सुरू केली. या दोघांना सर्च इंजिन विकसित करायचे होते. त्या दोघांच्या देखील पालकांनी त्यांना नोकरी करण्यास प्रवृत्त केले परंतु त्यांचा त्यांची कंपनी विकसित करण्याचा दृढ निश्चय असल्यामुळे त्यांनी जास्त काळ नोकरी करणे कधीही पसंत केले नाही. विजय यांनी त्यांच्या स्वप्नाचा पाठपुरावा करण्यासाठी 2001 मध्ये नोकरी सोडली.आणि एक कंपनी सुरू केली जी Yahoo च्या तत्त्वज्ञानाच्या विचारसरणीवर आधारित होती. 

    सुरुवातीला विजय शेखर शर्मा यांचे ग्राहक त्यांना वेळेवर पैसे देत नसत. पुढे जाऊन त्यांच्या बहिणीचे लग्न जवळ येत असल्यामुळे त्यांना त्यांच्या कंपनीचा 40% हिस्सा एका गुंतवणूकदाराला फक्त आठ लाख रुपयांना विकावा लागला. त्यांच्या वडिलांचे दोन लाख रुपयांचे कर्ज मंजूर झाले नाही त्यावेळी कुटुंबापुढे मोठी अडचण होती. 

          विजय शेखर शर्मा यांना कन्झ्युमर ब्रँड तयार करण्याची इच्छा होती. संचालक मंडळांनी सुचवले की One97 कम्युनिकेशन्सचा नफा योग्य अशा ठिकाणी गुंतवणूक करणे आवश्यक आहे. विजय शेखर शर्मा हे बीजिंग येथे गेले असताना त्यांना तेथील तंत्रज्ञान अधिक पटीने विकसित होत असल्याचे समोर आले. त्यावेळी त्यांना एक पेमेंट प्लॅटफॉर्म तयार करावा अशी कल्पना सुचली. तसा प्रस्ताव त्यांनी संचालक मंडळापुढे मांडला परंतु संचालक मंडळाने त्यांचा प्रस्ताव फेटाळून लावला. कारण त्यांचा असा विश्वास होता की भारतामध्ये रोख रक्कम वापरली जाते त्यामुळे लोक डिजिटल व्यवहाराला मान्यता देतील की नाही. परंतु नंतर विजय यांना पाच कोटी रुपये देण्यात आले आणि नंतर त्यांनी पेटीएमची कल्पना यशस्वीरित्या अमलात आणली.पुढे जाऊन विजय यांनी पेटीएम विकसित केले. 

( पे टी एम ची उर्वरित यशोगाथा बघणार आहोत पुढील भागामध्ये…. )

Boat success story :

बोट सक्सेस स्टोरी :

    बोट ही भारतीय कंपनी 2016 मध्ये स्थापन झाली असून समीर मेहता आणि अमन गुप्ता हे या कंपनीचे संस्थापक आहेत. बोट या कंपनीचे हेडक्वार्टर न्यू दिल्ली येथे आहे.boAt ही कंपनी वायरलेस स्पीकर, इअरबड्स (एअरडोप्स), वायर्ड आणि वायरलेस हेडफोन्स आणि इयरफोन्स, होम ऑडिओ इक्विपमेंट्स, प्रीमियम रग्ड केबल्स आणि इतर टेक्नॉलॉजिकल ॲक्सेसरीजची निवड यासारख्या ऑडिओ-फोकसड इलेक्ट्रॉनिक गॅझेट्सचे मार्केटिंग करते. Boat या कंपनीची सुरुवात संस्थापकांकडून तीस लाख रुपयांच्या गुंतवणुकीसह बूटस्ट्रॅप्ड स्टार्टअप  म्हणून झाली.Boat या कंपनीने आपला प्रवास केबल निर्माता आणि विक्रेता म्हणून सुरू केला आणि 2020 मध्ये आठ लाखांपेक्षा जास्त ग्राहकांपर्यंत पोहोचण्यासाठी आपल्या कॅटेगरीमध्ये वाढ केली. संस्थापकांना असा ब्रँड बनवायचा होता की जो बऱ्याच वर्षांपर्यंत फॅशनेबल ऑडिओ प्रॉडक्ट्स आणि ॲक्सेसरीज आणत राहील. चला तर बघुयात बोट या कंपनीच्या संस्थापकांबद्दल थोडीशी माहिती…..

    समीर मेहता हे बोट या कंपनीचे सह-संस्थापक असून सीपीओ आहेत. समीर मेहता यांनी त्यांचे शालेय शिक्षण सेंट झेवियर स्कूल, मुंबई येथे पूर्ण केले आणि नरसी मोंजी कॉलेज ऑफ कॉमर्स अँड इकॉनॉमिक्समधून वाणिज्य शाखेत पदवी घेतली.समीर मेहता सध्या कोरेसचे कार्यकारी संचालक आहेत. समीर मेहता यांनी आपल्या करिअरची सुरुवात रेडवुड इंटरएक्टिव्हमधून केली. समीर मेहता यांनी इमॅजिन मार्केटिंग प्रा. लि. ची देखील स्थापना केलेली आहे.

        अमन गुप्ता हे बोट या कंपनीचे सह-संस्थापक असून सीएमओ देखील आहेत. अमन गुप्ता यांचा जन्म 1982 मध्ये झाला आहे. अमन गुप्ता यांनी दिल्ली विद्यापीठातून वाणिज्य शाखेतील पदवीचे शिक्षण घेतले, त्यानंतर ते भारतीय चार्टर्ड अकाउंटंट्सच्या संस्थेमध्ये दाखल झाले. गुप्ता यांनी नॉर्थवेस्टर्न युनिव्हर्सिटीच्या केलॉग स्कूल ऑफ मॅनेजमेंटमध्ये एक्सचेंज विद्यार्थी म्हणून जनरल मॅनेजमेंट आणि मार्केटिंगमध्ये एमबीए केले आणि नंतर इंडियन स्कूल ऑफ बिझनेसमध्ये फायनान्स अँड स्ट्रॅटेजीमध्ये एमबीए केले. Citi सह सहाय्यक व्यवस्थापक म्हणून सुरुवात करून, अमन गुप्ता हे Advanced Telemedia Pvt Ltd चे CEO आणि सह-संस्थापक बनले. त्यानंतर ते KPMG येथे वरिष्ठ व्यवस्थापन सल्लागार म्हणून रुजू झाले.अमन गुप्ता नंतर हरमन इंटरनॅशनलमध्ये विक्री संचालक म्हणून देखील रुजू झाले. अमन गुप्ता यांनी नंतर समीर मेहता यांच्यासोबत 2016 मध्ये boAt ची सह-स्थापना केली. त्यांनी इमॅजिन मार्केटिंग इंडियाची सह-स्थापना देखील केली, जी 2014 मध्ये बोटची पेरेंट कंपनी बनली.

         समीर मेहता आणि अमन गुप्ता या बोटच्या संस्थापकांनी उत्पादनावर संशोधन केले आणि उत्पादने टिकाऊ पण फॅशनेबल आणि परवडणारी अशी बनवली. Boat ही कंपनी ग्राहकांशी व्यवस्थित रित्या रिलेशन निर्माण करण्यावर लक्ष केंद्रित करते आणि ग्राहकांना बोट आपल्या कुटुंबाचाच सदस्य मानते. संस्थापकांनी त्यांच्या Boat या कंपनीवर व्यवस्थित रित्या लक्ष केंद्रित करून भारतातील एक यशस्वी असा ब्रँड बनवले. भारतातील लोकांना क्रिकेट आणि चित्रपटांची खूप आवड आहे त्यामुळेच बोट या कंपनीने कंपनीचे ब्रँड ॲम्बेसिडर म्हणून क्रिकेटर्स आणि काही सेलिब्रिटींना नियुक्त करण्याचा निर्णय घेतला. कंपनीचा विस्तार हळूहळू वाढू लागला आणि कंपनीशी बरेचसे ग्राहक जोडले जाऊ लागले. आणि बघता बघता बोट ही कंपनी भारतामधील एक अब्ज डॉलरची कंपनी बनली. बोट दर मिनिटाला चार प्रोडक्ट विकत असल्याचा दावा करते.

        बोट या कंपनीने त्यांच्या युजर्सना बोट हेड असे संबोधण्याचा निर्णय घेतला तसेच ही कंपनी ग्राहकांना त्यांच्यातीलच एक भाग मानते. या सर्व गोष्टींची मदत बोट या कंपनीला भारतीय बाजारपेठेमध्ये ऑडिओ विभागात यशाची शिडी चढण्यामध्ये झाली.

        बोट ही कंपनी तिच्या नवनवीन कल्पनांसाठी आणि सुधारणांसाठी ओळखली जाते. जेव्हा ॲपल चार्जिंग केबल बद्दल तक्रारी निर्माण झाल्या त्यानंतर कंपनीने एप्पल मोबाइल युजर्ससाठी एक विशिष्ट अशी केबल तयार केली.

बोट या कंपनीने आपल्या चार वर्षाच्या अल्पकालावधीमध्ये आठ लाखांपेक्षा जास्त ग्राहक जोडले आहेत. कंपनी दर तीन मिनिटांमध्ये त्यांच्या कुटुंबामध्ये एक बोट हेड जोडते असा दावा करते. Boat ही कंपनी दर मिनिटाला चार युनिट्स आणि दररोज सहा हजार युनिटची विक्री करते. बोट ऑडिओला इयर वेअर कॅटेगिरी मधील अग्रगण्य असा ब्रँड म्हणून घोषित करण्यात आले.

Asian paints success story :

Who is owner of Asian paints ?

When was Asian paints founded ?

Who are the founders of Asian paints ?

एशियन पैन्ट्स सक्सेस स्टोरी :

       1942 मध्ये, एशियन पेंट्सचा प्रवास चार मित्रांपासून सुरू झाला. हे चार मित्र म्हणजेच चंपकलाल चोकसी, सूर्यकांत दाणी, चिमणलाल चोक्सी आणि अरविंद वकील.या चार मित्रांनी मिळून व्यवसाय सुरू करण्याचे ठरवले आणि एका मित्राच्या गॅरेजमध्येच छोटीशी कंपनी काढण्याचे ठरवले. पण दुर्दैव असे की या चार मित्रांना भरारी घेण्याआधीच दुसऱ्या महायुद्धासारखे संकट येऊन ठेपले आणि या संकटामुळे पेंट कंपन्यांवर तात्पुरती बंदी घालण्यात आली. अशी काही संकटे असताना देखील या चार मित्रांच्या कंपनीने तेव्हाच्या काळात 23 कोटींचा वार्षिक नफा कमवला. आणि अशाप्रकारे ती कंपनी भारतातील एक अग्रगण्य अशी पेंट्स उत्पादन कंपनी बनली.

         एशियन पेंट्सचा तेव्हापासून सुरू झालेला प्रवास आत्तापर्यंत यशस्वीरित्या सुरूच आहे. कंपनी आज जवळपास 22 वेगवेगळ्या देशांमध्ये कार्यरत आहे.आशिया, मध्य पूर्व, दक्षिण पॅसिफिक आणि आफ्रिका या क्षेत्रांमध्ये कार्यरत आहे. एशियन पेंट्सचे आठ कॉर्पोरेट ब्रँड वेगवेगळ्या प्रदेशात कार्यरत आहेत. एशियन पेंट्सना विविध समस्यांचा सामना करावा लागला परंतु त्यांनी समस्यांचा सामना करून यशस्वी झाले.एशियन पेंट्सने परदेशी बाजारपेठ आणि मार्केटिंग स्ट्रॅटेजीज व्यवस्थित रित्या समजून घेऊन काम करत राहिले.

         एका छोट्या गॅरेज पासून स्वतःची पेंट कंपनी सुरू करण्याचा हा प्रवास सोपा नव्हता, त्यांना खूप संघर्ष करावा लागला. परंतु त्या संघर्षावर त्यांनी विजय मिळवला. त्याकाळी एशियन पेंट्स नवीन असल्याने मुंबईमधील मोठमोठ्या वितरकांना पेंट बद्दल पटवून देऊ शकले नाही; म्हणून एशियन पेंट्सने मोठमोठ्या शहरांवर लक्ष केंद्रित करण्याऐवजी भारतामधील ग्रामीण भागातील बाजारपेठेवर लक्ष केंद्रित करून तिथे सेवा देण्याचे निवडले. त्यांनी महाराष्ट्र मधील सांगली, सातारा येथे त्यांचा डायरेक्ट डीलर तयार केला. हळूहळू एशियन पेंट्सने ग्रामीण बाजारपेठ जिंकली त्यानंतर मुंबईमधील मोठ्या वितरकांनी देखील एशियन पेंट्सशी संपर्क साधून एशियन पेंट्स चा साठा करण्यास सुरुवात केली.

      एशियन पेंट्सने त्यावेळी त्यांचे सर्वात यशस्वी असे उत्पादन लॉन्च केले होते ते म्हणजे ” वॉशेबल डिस्टेंपर “. एशियन पेंट्सने स्वस्त ड्राय डिस्टेंपर आणि महागडे प्लास्टिक डिस्टेंपर यांचा समतोल साधून हे उत्पादन लॉन्च केले. तसेच यशस्वीरित्या विक्री करण्यासाठी आकर्षक अशा टॅगलाईन्स वापरल्या त्या म्हणजे ” डोन्ट लूज टेम्पर, युज ट्रॅक्टर डिस्टेंपर ” आणि “ हर घर कुछ कहता है “. एशियन पेंट्स नेहमीच प्रत्येक टप्प्यावर स्वतःला अपग्रेड करत असते , मग ते तंत्रज्ञानाच्या बाबतीत असो किंवा मार्केटिंग स्ट्रॅटेजीज बद्दल. प्रत्येक आव्हानांसाठी एशियन पेंट्स नेहमीच सुसज्ज असते. एशियन पेंट्सने दरवर्षी आपले उत्पन्न दुप्पट केले आहे.

     एशियन पेंट्स ग्राहकांच्या अपेक्षा पूर्ण करण्यासाठी नेहमीच संशोधनांद्वारे नवनवीन उत्पादनांचे लॉन्चिंग करत असते. आणि एशियन पेंट्सची उत्पादने ग्राहकांच्या पसंतीस देखील उतरतात.2000 पर्यंत, एशियन पेंट्सने त्यांचा स्वतःचा लोगो, ‘AP’ देखील लाँच केला.

         जवळपास 80 वर्षांपेक्षा अधिक काळ एशियन पेंट्स अस्तित्वात येऊन उलटला आहे, तरीदेखील या ब्रांडची लोकप्रियता कमी झालेली नाही. तसेच एशियन पेंट्सने  55 वर्षा हून अधिक वर्ष बाजारपेठेमध्ये नेतृत्व केले आहे. एशियन पेंट्स मल्टिनॅशनल कॉर्पोरेशन आहे ज्याचे जगभरामध्ये 26 मॅन्युफॅक्चरिंग प्लांट्स आहेत. भारतामध्ये दीड लाखांपेक्षा अधिक रिटेल विक्रेते आहेत. एशियन पेंट्स हा आशियामधील तिसरा सर्वात मोठा पेंट ब्रँड आहे, तसेच जगातील नऊवा सर्वात मोठा पेंट ब्रँड आहे.

       जेव्हा चार मित्रांनी मिळून ही कंपनी सुरू केली तेव्हा त्यांना दुसऱ्या महायुद्धामुळे बऱ्याचशा अडचणींचा सामना करावा लागला. त्यावेळी त्यांना अपयश तसेच इतर काही आव्हानांना देखील सामोरे जावे लागले. परंतु त्यांचे टीमवर्क आणि त्यांच्याकडे असलेला प्रचंड आत्मविश्वास यामुळे त्यांनी त्यांचे काम सुरूच ठेवले आणि यश संपादन केले. त्यामुळेच आपण सर्वांनी हे नेहमी लक्षात ठेवले पाहिजे की, “आत्मविश्वास हीच यशाची किल्ली आहे”.

The key of success is confidence…

Balaji wafers success story :

बालाजी वेफर्स सक्सेस स्टोरी :

       बालाजी वेफर्स प्रायव्हेट लिमिटेडचे ​​संस्थापक चंदूभाई विराणी यांचा जन्म 31 जानेवारी 1957 रोजी झाला. चंदूभाई यांचा जन्म गुजरात मधील जामनगर येथे दोन हजार लोकसंख्या असलेल्या धून धोराजी नावाच्या गावामध्ये झाला असून त्यांच्या वडिलांचे नाव पोपटभाई विराणी.पोपटभाई हे शेतकरी होते. चंदूभाई हे त्यांच्या तीन भावांसोबत मोठे झाले. सध्या ते त्यांची पत्नी आणि मुलांसोबत राहतात.

             1982 मध्ये चंदूभाई विराणी यांनी त्यांच्या घरामागे असलेल्या अंगणामध्ये, शेडमध्ये दहा हजार रुपयांच्या थोडक्या गुंतवणुकीत बटाटा वेफर्स तयार करण्यास सुरुवात केली. हळूहळू त्यांचा व्यवसाय वाढत गेला आणि आज ” बालाजी वेफर्स ” हा एक मोठा ब्रँड बनला आहे. 2017 मध्ये 1800 कोटी रुपयांच्या कमाई सह एक फर्म त्यांनी विकसित केली.” बालाजी वेफर्स ” हा भारतातील अग्रगण्य असा स्नॅक्स ब्रँड आहे.

        1972 मध्ये,चंदूभाई यांचे वडील पोपट रामजीभाई विराणी यांनी त्यांच्या तीन मुलांना मेघजीभाई,भिखूभाई आणि चंदूभाई यांना वीस हजार रुपये दिले. चंदूभाई पंधरा वर्षाचे असताना त्यांचे कुटुंब राजकोट पासून अंदाजे 79 किलोमीटर असलेल्या जामनगर भागातील धुंडोराजी येथे गेले . चंदूभाई यांच्या मोठ्या भावांनी शेतीची साधने आणि खतांवर ते पैसे खर्च केले परंतु कमी पाऊस आणि त्यानंतर झालेल्या दुष्काळामुळे तीन भावांना कामाच्या शोधासाठी तेथून निघून जावे लागले. त्यांचा सर्वात धाकटा भाऊ कनुभाई त्यांच्या आई-वडिल आणि दोन बहिणींसह मागे राहिला.

     चंदूभाई यांच्यासाठी कधीही कोणतेही काम छोटे किंवा मोठे नव्हते. त्यांनी मेहनत घेतली, एका वर्षानंतर एका चित्रपटाचा कॅन्टीन मालक इतका प्रभावित झाला की त्यांनी चंदूभाईंना आणि त्यांच्या भावंडांना एक हजार रुपये प्रति महिना करार करण्याची ऑफर दिली.

      काही कालावधीनंतर 1982 पर्यंत संपूर्ण कुटुंब राजकोटला स्थलांतरित झाले तेथे एक मोठे कंपाउंड असलेले घर विकत घेतले. चंदूभाई यांच्या कुटुंबाने कॅफेटेरियासाठी ‘मसाला’ सँडविच बनवले, ते लोकप्रिय देखील होते.परंतु सँडविच नाशवंत होते. चंदूभाई यांचे लक्ष वेफर्स या उत्पादनाकडे लागून होते आणि त्याच घराच्या अंगणामध्ये एका शेडमध्ये दहा हजार रुपयांच्या गुंतवणुकीमध्ये चिप्स तयार करण्यास सुरुवात केली.

       चंदूभाई यांनी तीन कॅन्टीनमध्ये काम केले,दोन astron सिनेमात आणि एक शहरामध्ये असलेल्या कोटेचा गर्ल्स हायस्कूलमध्ये. चंदूभाई हे २५-३० व्यापाऱ्यांना वेफर्सचे वाटप करत होते आणि १९८४ मध्ये ते बनवत असलेल्या वेफर्सला ‘बालाजी’ नाव द्यावे असे त्यांना योग्य वाटले. बालाजी वेफर्सच्या प्रवासामध्ये चंदूभाई यांना काही अडचणींचा देखील सामना करावा लागला. परंतु त्यांनी त्या अडचणींचा सामना करून त्यांचे काम सुरूच ठेवले आणि त्यामध्ये यश मिळवले. चंदूभाई यांनी बालाजी वेफर्स कॉलिटीमध्ये कधी काही कमी येऊ दिली नाही.

           चंदूभाईंनी 1989 मध्ये राजकोट येथील जीआयडीसी भागात व्यवसाय सुरू केला. चंदूभाई यांचा हा व्यवसाय त्यावेळी गुजरात मधील बटाटा वेफर्ससाठी खूपच प्रसिद्ध होता. नंतर 1992 मध्ये बालाजी वेफर्स प्रायव्हेट लिमिटेडची स्थापना भिखुभाई, चंदूभाई आणि कनुभाई या तीन भावांनी केली. बालाजी वेफर्सची दर्जेदार उत्पादने ,किंमत ,वितरण पद्धत आणि सेवा प्रदान करण्याची पद्धत याबाबतीत त्यांनी त्यांच्या प्रतिस्पर्ध्यांशी स्पर्धा करत यश मिळवले.

      बालाजीचे आता भारतामध्ये चार कारखाने असून 6.5 दशलक्ष किलो बटाटे आणि 10 दशलक्ष किलो नमकीन दररोज एकत्रित प्रक्रिया करण्याची क्षमता त्यांच्यामध्ये आहे. बालाजी, बटाट्याच्या वेफर्सच्या व्यतिरिक्त 30 पेक्षा अधिक सॉल्टी स्नॅक्स किंवा इतर काही उत्पादने तयार करते. बालाजीचा तिसरा कारखाना जो 2008 मध्ये वलसाड येथे सुरू झाला, तो ताशी जवळपास नऊ हजार किलो बटाटे हाताळू शकतो. संपूर्ण देशामध्ये विस्तार करण्याच्या दृष्टीने इंदोर मध्ये एक हायटेक फुली ऑटोमॅटिक फॅसिलिटी उघडण्यात आली. बालाजी वेफर्स कडे संपूर्ण भारतभर 550 वितरकांचे व्यवस्थित असे नेटवर्क जोडले गेलेले आहे. बालाजी यांनी त्यांच्या शाखा व्यवस्थित चालवण्यासाठी या व्यवसायाने भारतीयांसाठी रोजगाराच्या संधी निर्माण केल्या आहेत. सध्या बालाजीकडे अडीच लाखापर्यंत कामगार आहेत त्यामध्ये 70 टक्के महिलांचा समावेश आहे.

Ratan Tata success story :

रतन टाटा सक्सेस स्टोरी :

Motivational quote by Ratanji Tata –

” Ups and downs in life are very important to keep us going because a straight line, even in an ECG. means we are not alive “

” आयुष्यातील चढ-उतार आपल्याला पुढे जाण्यासाठी खूप महत्वाचे आहेत कारण अगदी ई सी जी मधील एक सरळ रेषा म्हणजे आपण जिवंत नाही”

      रतन टाटा यांचा जन्म 28 डिसेंबर 1937 मध्ये मुंबई मध्ये भारतामधील सर्वात समृद्ध अश्या उद्योगपती कुटुंबात झाला. रतन टाटा यांचे आजोबा जमसेदजी टाटा हे टाटा समूहाचे संस्थापक होते. रतन टाटा यांनी आठवीपर्यंतचे शिक्षण कॅम्पियन स्कूल मुंबई येथे घेतले आणि नंतर कॅथेड्रल अँड जॉन कॉनन स्कूल,मुंबई येथे शिफ्ट झाले.शिमला येथील बिशप कॉटन स्कूलमधून त्यांनी शालेय शिक्षण पूर्ण केले. रतन टाटा हे अमेरिकेतील कॉर्नेल विद्यापीठात आर्किटेक्चर आणि स्ट्रक्चरल अभियांत्रिकी शिकण्यासाठी गेले आणि नंतर त्यांनी हार्वर्ड विद्यापीठातून मॅनेजमेंट कोर्स केला.रतन टाटा ह्यांचे व्यक्तिमत्व शांत असे व्यक्तिमत्व आहे.

        रतन टाटा हे टाटा समूहाचे भावी अध्यक्ष सहज बनले असते तरीदेखील त्यांनी मूळ स्तरापासून काम करण्यास सुरुवात केली, जसे की रतन टाटा यांनी टाटा स्टील विभागामधील ब्लू कॉलर कर्मचाऱ्यांसोबत काम केले.नॅशनल रेडिओ अँड इलेक्ट्रॉनिक्स कंपनी लिमिटेड (NELCO) चे प्रभारी संचालक म्हणून 1971 मध्ये रतन टाटा यांना नियुक्त करण्यात आले.

        रतन टाटा यांनी 1990 मध्ये टाटा समूहाचे नेतृत्व स्वीकारले. रतन टाटा यांनी टाटा समूहाचे नेतृत्व स्वीकारल्यानंतर टाटा ग्रुपच्या व्यवसाय पद्धतीमध्ये त्यांना जिथे जिथे वाटले तिथे तिथे आधुनिक सुधारणा केल्या जेणेकरून आधुनिक युगामध्ये यशस्वीपणे त्यांना स्पर्धा करण्यासाठी सोपे होईल. रतन टाटा यांनी तेव्हा सर्व टाटा कंपन्यांना एका छत्राखाली आणले. इंडिका आणि नॅनो यांसारख्या कार मार्केटमध्ये आणल्या. 2008 मध्ये नॅनो ही कॉम्पॅक्ट कार रतन टाटा यांनी दुचाकीवरून प्रवास करणाऱ्या छोट्या कुटुंबांची सुरक्षितता लक्षात घेऊन बनवली. आर्थिक दृष्ट्या देखील बऱ्याच लोकांना नॅनो ही कार परवडण्यासारखी आहे.

       रतन टाटा यांनी ग्राउंड लेव्हलवर काम केलेले असल्यामुळे त्यांना कामगारांना ज्या समस्या येतात त्याची चांगली जाण होती. रतन टाटा यांना असणाऱ्या अनुभवामुळे त्यांना अशा सुधारणा करण्यास शिकवले ज्या त्यांच्यासाठी फायदेशीर ठरू शकतात.रतन टाटा यांनी टाटा टी चे टेटली (इंग्लंड शीतपेय उत्पादक कंपनी), टाटा मोटर्सचे लँड रोव्हर जग्वार (ब्रिटिश ऑटोमोटिव्ह उद्योग) आणि टाटा स्टीलचे कोरस (अँग्लो-डच स्टीलमेकिंग कंपनी) सह यशस्वीपणे विलीनीकरण केले. यामुळे टाटा जागतिक व्यवसाय बनला.रतन टाटा यांनी 9 वर्षांच्या कालावधीत 36 कंपन्यांचे ॲक्क्वीझिशन केले. रतन टाटा यांनी अजून एक महत्त्वपूर्ण असा निर्णय घेतला तो म्हणजे 2004 मध्ये टाटा कन्सल्टन्सी सर्व्हिसेस पब्लिक केली. तसेच न्यूयॉर्क स्टॉक एक्सचेंज मध्ये टाटा मोटर्स देखील समाविष्ट आहेत. या दोन्ही निर्णयामुळे टाटा कंपनीला जागतिक स्तरावर एक वेगळी अशी ओळख निर्माण झाली.

    2021 च्या IIFL वेल्थ हुरुन इंडिया रिच लिस्ट नुसार, रतन टाटा यांची संपत्ती 3,500 कोटी रुपयांसह 433 व्या स्थानावर आहे. 2020 मध्ये ते एकूण 6000 कोटी रुपयांसह 198 व्या क्रमांकावर होते.भारत सरकारने 2000 मध्ये, रतन टाटा यांना त्यांच्या उत्कृष्ट सेवेमुळे ” पद्मभूषण ” देऊन सन्मानित केले. तसेच 2006 मध्ये त्यांना पुन्हा महाराष्ट्राचा सर्वोच्च नागरी सन्मान ” महाराष्ट्र भूषण ” पुरस्कार मिळाला आहे.2008 मध्ये त्यांना ” पद्मविभूषण ” हा दुसरा सर्वोच्च नागरी सन्मान देण्यात आला आहे. शिवाय 2021 मध्ये, रतन टाटा यांना आसामचा सर्वोच्च सन्मान, ” आसाम भैभव ” हा सन्मान राज्यातील कर्करोगाच्या काळजीसाठी त्यांच्या उल्लेखनीय योगदानासाठी मिळाला आहे.  

      2001 पासून रतन टाटा यांना प्रतिष्ठित विद्यापीठाकडून honorary पुरस्कार मिळणे सुरू झाले आणि ते आत्तापर्यंत मिळतच आहेत. रतन टाटा यांना मुंबई स्थित HSNC विद्यापीठाने ” साहित्यिक डॉक्टरेट ” किंवा ” DLitt ” प्रदान केले.जगभरातील विद्यापीठांकडून रतन टाटा यांना व्यवसाय प्रशासन, तंत्रज्ञान आणि विज्ञान या तीन क्षेत्रात honorary डॉक्टरेटही मिळाली. ओहायो स्टेट युनिव्हर्सिटी, एशियन इन्स्टिट्यूट ऑफ टेक्नॉलॉजी, बँकॉक अँड युनिव्हर्सिटी ऑफ वॉर्विक यांचा समावेश असलेल्या विद्यापीठांमध्ये त्यांना पदवी प्रदान करण्यात आली.

Gautam Adani success story :

गौतम अदानी सक्सेस स्टोरी :

        गौतम अदानी यांचा जन्म गुजरात मधील अहमदाबाद येथे 24 जून 1962 रोजी झाला. गौतम अदानी  यांच्या वडिलांचे नाव शांतीलाल आणि आईचे नाव शांता अदानी. गौतम अदानी यांना सात भावंड आहेत. गौतम अदानी यांचे कुटुंब कापड व्यवसायामध्ये होते.

       गौतम अदानी यांना पहिल्यापासूनच व्यवसायामध्ये रस होता. अदानी हे लहानपणापासूनच महत्त्वकांक्षी आणि दृढनिश्चयी होते. गौतम अदानी यांना व्यवसायामध्ये तर रस होता , परंतु त्यांच्या वडिलांच्या टेक्स्टाईल युनिटमध्ये जाण्याचा त्यांचा कुठलाही हेतू नव्हता.

        गौतम अदानी यांच्यामध्ये असलेली उद्योजकतेची भावना यामुळे ते अहमदाबाद मधून मुंबईमध्ये गेले , तेव्हा ते फक्त अठरा वर्षांचे होते. गौतम अदानी यांनी महिंद्रा ब्रदर्स मध्ये डायमंड सॉर्टर म्हणून काम करण्यास सुरुवात केली. आणि त्यानंतर काही वर्षातच त्यांनी स्वतःचा हिरा ब्रोकरेजचा व्यवसाय देखील सुरू केला. आणि गौतम अदानी यांचा हा व्यवसाय व्यवस्थित रित्या चालू लागला. त्यावेळी गौतम अदानी वीस वर्षांचे होते. वीस वर्षाचे असतानाच गौतम अदानी लक्षाधीश झाले होते. त्यावेळी अदानी यांच्या मोठ्या भावाने अहमदाबाद येथे प्लास्टिकचा कारखाना खरेदी केला होता आणि तो कारखाना चालवण्यासाठी गौतम अदानी यांना मदत करण्यास सांगितले. त्यावेळी गौतम अदानी पुन्हा अहमदाबादला गेले. अदानी हे अहमदाबादला गेल्यानंतर त्यांच्या भावासोबत काम करू लागले.PVC – polyvinyl chloride हा प्लॅस्टिक निर्मितीसाठी लागणारा महत्त्वाचा कच्चामाल आहे. अदानी यांनी पीव्हीसी आयात करून कमोडिटी ट्रेडिंग सुरू केली. गौतम अदानी यांनी दक्षिण कोरियाला भेट दिली आणि त्यांनी PVC आयात करण्याचा करार केला.

          अदानी एक्सपोर्ट्स लिमिटेड (सध्याची अदानी एंटरप्राइजेस लिमिटेड ) ची स्थापना 1988 मध्ये केली. सुरुवातीला या कंपनीने अग्रिकल्चरल कमोडिटीज आणि पावर (ऊर्जा) चा व्यवहार केला आणि कालांतराने तिचा विस्तार झाला. 1991 च्या वेळी अदानी यांच्या व्यवसायाला चालना मिळाली आणि अदानी यांच्या कंपनीचा रीव्हेन्यू आणि प्रॉफिट वाढला. अदानी यांच्या कंपनीचा व्यवसाय  झपाट्याने होऊ लागला.

     गुजरात सरकारने मुंद्रा बंदर चालवण्यासाठी 1993 मध्ये खाजगी कंपन्यांना आमंत्रित केले. अदानी यांनी 1995 मध्ये करार जिंकला.सुरुवातीला हे मूंद्रा पोर्ट आणि स्पेशल इकॉनॉमिक झोन लिमिटेड द्वारे चालवले जात होते ते नंतर अदानी पोर्ट्स आणि स्पेशल इकॉनॉमिक झोन लिमिटेड ( APSEZ ) मध्ये विस्तारित केले गेले. हे आज भारतामधील सर्वात मोठे असे खाजगी मल्टीपोर्ट ऑपरेटर आहे.

    1996 मध्ये गौतम अदानी हे अदानी समूहाची उर्जा व्यवसाय उपकंपनी असलेल्या “अदानी पॉवर लिमिटेड ” चे संस्थापक आहेत. अदानी पॉवर लिमिटेड ही कंपनी भारतातील सर्वात मोठी खाजगी वीज उत्पादक  असून  भारतातील सर्वात मोठी अशी सौर ऊर्जा उत्पादक देखील आहे. 

        अदानी ग्रुप हा एक भारतीय मल्टिनॅशनल ग्रुप समूह आहे. त्याचे मुख्यालय अहमदाबाद, गुजरात येथे आहे. गौतम अदानी यांनी 1988 मध्ये अदानी एंटरप्रायझेस लिमिटेड या प्रमुख कंपनीसह कमोडिटी ट्रेडिंग व्यवसाय म्हणून त्याची स्थापना केली होती.

      अदानी ग्रुप बाजार भांडवल ( market capitalisation) $200 अब्ज पार करणारा भारताचा तिसरा ग्रुप बनला आहे. अदानी ग्रुपने रिन्यूएबल एनर्जी, ट्रान्समिशन आणि सिटी गॅस डिस्ट्रीब्यूशन यांसारखे विविध व्यवसाय सुरू केले आहेत. तसेच कंपनीचे सध्याचे लक्ष सौर उत्पादन, संरक्षण, विमानतळ, रस्ते आणि हरित व्यवसाय यासारख्या विविध क्षेत्रांवर आहे.

       गौतम अदानी यांच्या पत्नीचे नाव प्रीती असून त्यांना दोन मुले आहेत.मोठ्या मुलाचे नाव करण अदानी आणि लहान मुलाचे नाव जीत अदानी आहे. प्रीती अदानी ह्या डेंटिस्ट असून त्या गौतम अदानी यांना अदानी फाउंडेशनची ट्रस्टीचे व्यवस्थापन करण्यास त्यांना मदत करतात. विशेषतः शिक्षणाच्या बाबतीत अदानी फाउंडेशन ट्रस्टी काम करते. मुलांच्या शिक्षणासाठी वेगवेगळ्या मोहिमा राबवत असतात.

   गौतम अदानी हे भारतातील पहिले सर्वात श्रीमंत व्यक्ती असून जगामध्ये सर्वात श्रीमंत व्यक्तींच्या यादीत चार नंबरला आहे.

Infosys success story :

What made Infosys successful ?

Who made Infosys popular ?

How did the journey of Infosys begin ?

What is the main motive of Infosys ?

इन्फोसिस सक्सेस स्टोरी :

    डिजिटल तंत्रज्ञानामुळे जगामध्ये खूप सारे बदल झाले आहेत. डिजिटल तंत्रज्ञानाचा फायदा व्यवसायांना देखील होत आहे. Infosys ही एक इन्फॉर्मेशन टेक्नॉलॉजी कन्सल्टिंग कंपनी असून ही मल्टिनॅशनल कंपनी आहे. इन्फोसिस ही कंपनी TCS – Tata consultancy services नंतर सर्वात मोठी दुसरी आयटी कंपनी आहे. तसेच रिव्हेन्यू वर आधारित संपूर्ण जगात 596 वी सर्वात मोठी कंपनी आहे. इन्फोसिस ही भारतीय कंपनी इन्फॉरमेशन टेक्नॉलॉजी, बिझनेस कन्सल्टिंग आणि आऊटसोर्सिंग असिसटन्स इत्यादी सर्विसेस उपलब्ध करून देते.

    इन्फोसिस ही कंपनी 1981 मध्ये अस्तित्वात आली. Infosys हे नाव Information Systems यावरून आहे. इन्फोसिस ही इंफॉर्मेशन टेक्नॉलॉजी कंपनी पुण्यामध्ये स्थापन झालेली असून या कंपनीचे हेडक्वार्टर सध्या बेंगलोर येथे आहे. इन्फोसिस ही कंपनी पन्नास पेक्षा अधिक देशांतील क्लाइंट्सना सर्विसेस प्रोव्हाइड करते. इन्फोसिस कडे 187,000 पेक्षा अधिक एम्पलोयिज कार्यरत आहेत.

        इन्फोसिस या कंपनीची स्थापना Patni कम्प्युटर सिस्टीमचे जे माजी एम्प्लॉईज होते त्यांनी केली. ते सात जण म्हणजे N.R. नारायण मूर्ती, नंदन निलेकणी, एस.डी. शिबुलाल, क्रिस गोपालकृष्णन, अशोक अरोरा, एन.एस. राघवन आणि के. दिनेश . या सात जणांना कोड लिहिण्यामध्ये जास्त इंटरेस्ट होता आणि ते अमेरिकन मार्केटमध्ये मोठे बनु इच्छित होते. या सर्वांनी अवघ्या दहा हजार रुपयांच्या रकमेमधून इन्फोसिस कन्सल्टंटस् या नावाने कंपनी सुरू केली. श्रीमती सुधा मूर्ती यांनी ही रक्कम त्यांचे पती श्री नारायण मूर्ती यांना दिली होती.

      श्री नारायण मूर्ती यांच्या घरासमोर एक रूम होती.कंपनीची सुरुवात या छोट्याश्या रूम पासूनच झाली.आणि रजिस्टरर्ड ऑफिस हे राघवन यांचे घर होते. 1983 पर्यंत कंपनीकडे एक देखील कम्प्युटर उपलब्ध नव्हते कारण त्यांना ते परवडण्यासारखे नव्हते. त्यानंतर दोन वर्षांनी त्यांनी कम्प्युटर विकत घेतला ज्याचे मॉडेल डेटा जनरल 32-बिट MV8000 असे होते.

     1989 मध्ये इन्फोसिस चा पहिला संयुक्त उपक्रम कोसळला होता त्यामुळे इन्फोसिस तेव्हा अस्थिर स्थितीत होती. परंतु इन्फोसिस या कंपनीने यु एस मार्केट साठी ऑनलाईन सॉफ्टवेअर डेव्हलपर म्हणून काम करण्यास देखील सुरुवात केली.1993 पासून इन्फोसिसच्या विस्तार वाढू लागला किंवा इन्फोसिसची प्रगती होऊ लागली असे म्हणता येईल.

       इन्फोसिसने यु एस मधील मार्केटिंग हाताळण्यासाठी के एस ए म्हणजेच कर्ट सॅल्मन असोसिएट्स सोबत भागीदारी केली. 1993 मध्ये श्री नारायण मूर्ती यांच्या नेतृत्वाखाली कंपनी पब्लिक झाली. 1999 मध्ये Nasdaq स्टॉक एक्स्चेंजवर सूचीबद्ध झाली.Nasdaq स्टॉक एक्स्चेंजवर सूचीबद्ध होणारी पहिली भारतीय कंपनी बनली. इन्फोसिस साठी सर्वात मोठी बाजारपेठ ही अमेरिका आहे. सध्या इन्फोसिस Nordstrom, Boeing, New York Life, Nortel, GE ,Visa, Reebok, Cisco Systems आणि इतर यांसारख्या बऱ्याच ग्राहकांना सर्विसेस प्रोव्हाइड करते.

     24 ऑगस्ट 2021 रोजी इन्फोसिस मार्केट कॅपिटलायझेशनने पहिल्यांदाच $100 अब्ज (रु. 7 ट्रिलियन) चा टप्पा पार केला. इन्फोसिस ही भारतातील सर्वात जुन्या आणि सर्वात मोठ्या सॉफ्टवेअर कंपन्यांपैकी एक असून इन्फोसिसने तिच्या शेअर व्हॅल्यूज मध्ये 71 टक्के वाढ नोंदवली आणि असा पराक्रम नोंदवणारी भारतातील चौथी कंपनी बनली.

🔸Sugar cosmetics brand success story :

Why is SUGAR Cosmetics successful ?

What is the strategy of SUGAR Cosmetics ?

How did SUGAR Cosmetics get started ?

Who is the owner of SUGAR cosmetics ?

When was sugar cosmetics launched ?

Is sugar cosmetics an Indian brand ?

Who owns sugar cosmetics ?

Who is the CEO of sugar cosmetics ?

🔺शुगर कॉस्मेटिक्स ब्रँड सक्सेस स्टोरी : 

      आज-काल कॉस्मेटिक्सची क्रेझ खूपच वाढताना दिसत आहे.भारतामध्ये बहुतेक सारे कॉस्मेटिक्स ब्रँड्स आहेत. त्यापैकीच प्रसिद्धीस आलेला कॉस्मेटिक बँड म्हणजे ” शुगर कॉस्मेटिक्स “. शुगर कॉस्मेटिक्स हा भारतातील अग्रगण्य कॉस्मेटिक ब्रँडपैकी एक आहे. शुगर कॉस्मेटिक्स हा ब्रँड फक्त भारतापुरताच मर्यादित राहिलेला नसून, शुगर कॉस्मेटिकची उत्पादने जगभर पाठवली जात आहेत. शुगर कॉस्मेटिक्स चेहऱ्यासाठी , ओठांसाठी, नखांसाठी, त्वचेसाठी आणि डोळ्यांसाठी विविध प्रकारचे अप्रतिम उत्पादने तयार करते आणि ते उत्कृष्ट पॅकेजिंगमध्ये पॅक करते. दिवसेंदिवस या ब्रँडची क्रेझ कॉस्मेटिक्स प्रेमींमध्ये वाढतच आहे.

      शुगर कॉस्मेटिक्स या भारतातील अग्रगण्य ब्रँडची स्थापना ” विनिता सिंग ” आणि ” कौशिक मुखर्जी ” यांनी 2012 मध्ये केली.विनिता सिंग ह्या कंपनीच्या सह-संस्थापक असून  मुख्य कार्यकारी अधिकारी आहेत.  विनीता सिंग ह्या ” शार्क टँक इंडिया ” या लोकप्रिय शोमध्ये जज म्हणून दिसल्यानंतर त्या आता जवळपास प्रत्येक घराघरात प्रसिद्ध झाल्या आहेत. विनिता ह्यांनी आयआयटी मद्रासमधून अभियांत्रिकीचे शिक्षण घेतले असून आयआयएम अहमदाबाद येथून एमबीए पूर्ण केले आहे. कौशिक मुखर्जी हे शुगर कॉस्मेटिक्सचे सहसंस्थापक आहे. त्यांनी बी आय टी एस पिलानी येथून अभियांत्रिकीचे शिक्षण पूर्ण केले असून आयआयएम अहमदाबाद येथे एमबीएचे शिक्षण घेतले. येथेच त्यांची बिजनेस पार्टनर आणि पत्नी विनिता सिंग यांच्याशी भेट झाली.

        शुगर कॉस्मेटिक्सचे मुख्यालय ” मुंबई ” येथे आहे. कंपनीचा रिव्हेन्यू 500 कोटी इतका आहे. गेल्या काही वर्षांमध्ये शुगर कॉस्मेटिक्सने 35.5 कोटींची गुंतवणूक केली आहे. शुगर कॉस्मेटिक्स हे अशा प्रकारचे उत्पादने बनवण्यावर लक्ष केंद्रित करत आहे जे भारतातील प्रत्येक स्कीन टोनला सूट होतील किंवा अनुकूल असतील. त्याचप्रमाणे देशातील प्रत्येक ग्राहकाच्या दारापर्यंत पोहोचण्याचा हेतू शुगर कॉस्मेटिकचा आहे. शुगर कॉस्मेटिक्स फक्त भारतातच विस्तारत नसून परदेशातही विस्तारत आहे. चला तर बघुयात “शुगर कॉस्मेटिक्स “ला हे नाव कसे पडले…

          विनिता सिंग यांच्या मते त्यांना नेहमीच एक सिम्पल आणि युजर फ्रेंडली ब्रँड नेम हवे होते, जे ग्राहकांना लक्षात ठेवण्यास सोपे जाईल. त्यामुळेच त्यांनी ” शुगर कॉस्मेटिक्स ” असे नाव निवडले.

     ही कॉस्मेटिक कंपनी भारतामध्ये 130 पेक्षा अधिक ठिकाणी कार्यरत असून शुगर कॉस्मेटिकची उपस्थिती दहा हजाराहून अधिक विक्री केंद्रांमध्ये आहे . शुगर कॉस्मेटिकच्या उत्पन्नात मागील तीन वर्षांमध्ये जवळपास सात पटीने वाढ झाली आहे. शुगर कॉस्मेटिक्स या कंपनीने सोशल मीडियाचा योग्य रीतीने आणि अतिशय प्रभावीपणे उपयोग केला आहे.

      शुगर कॉस्मेटिक्सने मागील दोन ते तीन आर्थिक वर्षांमध्ये आपल्या कामकाजामध्ये सहा पटीने वाढ केली आहे तर शुगर कॉस्मेटिक्सचे ऑपरेटिंग उत्पन्न आर्थिक वर्ष 2021 मध्ये जवळपास 90 टक्क्यांनी वाढले. शुगर कॉस्मेटिक्सला त्यांच्या आर्थिक मालमत्तेतून आर्थिक वर्ष 2021 मध्ये दोन कोटी रुपयांपेक्षा जास्त उत्पन्न झाले. तसेच शुगर कॉस्मेटिक्स ने सोशल मीडियावर देखील त्यांच्या उपस्थितीत वाढ केली.

         शुगर कॉस्मेटिकची भारतामध्ये ऑफलाइन स्टँड अलोन स्टोअर्स वाढवण्याची योजना आहे तसेच त्यांचे सध्या 130 आउटलेट असून आर्थिक वर्ष 2023 च्या अखेरीस त्यांना 150 पेक्षा जास्त आउटलेट करायचे आहे. शुगर कॉस्मेटिक्सचे रशियामध्ये स्टोअर्स आहेत त्याचबरोबर यूएसए मध्ये देखील चांगल्या पद्धतीने ऑनलाईन रित्या उपस्थिती आहे. शुगर कॉस्मेटिक्स ला इतर देशांमध्ये देखील अधिकाधिक विस्तार करायचा आहे.

Parachute hair oil success story :

पॅरॅशूट हेअर ऑईल सक्सेस स्टोरी :

    प्रत्येकालाच वाटते की आपले केस मुलायम, निरोगी,  घनदाट आणि मऊ असावेत. त्यामुळे आपण आपल्या केसांना तेल लावतो. आजकाल तेलाचे बरेचसे ब्रँड्स मार्केटमध्ये आले आहे. परंतु प्रत्येकाच्याच आवडीचा किंवा लक्षात राहणारा आणि पूर्वीपासून चालत आलेला खोबरेल तेलाचा ब्रांड म्हणजे ” पॅरॅशूट हेयर ऑइल “. चला तर जाणून घेऊयात पॅरॅशूट हेअर ऑइल बद्दल अजून काही…..

          कांची मोरारजी यांनी १८६२ मध्ये गुजरातमधील कच्छ येथे व्यवसाय सुरू केला.नंतर त्यांचे पुतणे वल्लभदास यांना पार्टनर म्हणून समाविष्ट केले.कांची मोरारजी आणि वल्लभदास यांच्या कमिशन एजन्सीने प्रथम केरळ गाठले.त्यांनी आले,हळद आणि मिरी  रेल्वेने दिल्ली,कोलकाता आणि अमृतसर येथे पाठवण्यात आले.तेव्हाच्या काळी दळण – वळनाची  माध्यमे खूप कमी होती त्यामुळे व्यापाऱ्यांना मसाल्यांचे व्यवहार करताना उत्तर भारतीय बाजारपेठेतील उत्पादनांची मागणी आणि किंमतीबद्दल या दोन कमिशन एजंट्सच्या म्हणण्यावर विश्वास ठेवावा लागला. व्यापाऱ्यांमध्ये त्यांच्याबद्दल एवढा विश्वास होता की नंतरचे जवळपास सर्व व्यापारी त्यांच्यावर पूर्णपणे अवलंबून राहू लागले.

     कांची मोरारजी आणि वल्लभदास या दोघांनी मिळून मसाले व्यापार केंद्र केरळ येथे सुरू केले. पुढे जाऊन वल्लभदास आणि त्यांच्या मुलांनी बॉम्बे ऑइल इंडस्ट्री लिमिटेडची स्थापना 1948 मध्ये केली. या कंपनीची स्थापना कृषी उत्पादनांच्या प्रक्रिया आणि विक्रीला चालना देण्यासाठी करण्यात आली होती. त्यानंतर त्यांनी मुंबईमध्ये तीन प्लांट 1947 ते 71 दरम्यान सुरू केले. त्यांनी फक्त राज्यांमध्ये मार्केटिंग न करता केरळमध्ये देखील एक कंपनी तयार केली. वनस्पती तेल ,खोबरेल तेल आणि रासायनिक पदार्थांचे उत्पादन आणि विक्री होत असे. पॅरॅशूट खोबरेल तेल आणि सफोला सॅफ्लॉवर तेल लॉन्च करण्यात आले. हे तेल बॉम्बे ऑईलने पॅकेजिंग मध्ये लॉन्च केले आणि विकले.

      भारतीयांनी पहिल्यांदा पॅरॅशूटचा वापर दुसऱ्या महायुद्धामध्ये अनुभवला. तेव्हा लष्करी जवानांनी पॅरॅशूटचे सुरक्षित लँडिंग केले. तेव्हाच्या काळी हे आश्चर्यजनक असे होते. त्यावेळी लोक पॅरॅशूटला सुरक्षितता आणि विश्वासार्हतेशी जोडू लागले. त्यामुळेच बॉम्बे ऑइलने त्यांच्या खोबरेल तेलाच्या ब्रँडला ” पॅरॅशूट कोकोनट ऑइल ” हे नाव दिले.

         वल्लभदास यांचा मुलगा हर्ष यांनी 1974 मध्ये कंपनीची सूत्रे हाती घेतली. वल्लभदास यांचा मुलगा हर्ष हे त्यांच्या ऑर्गनायझेशनल कौशल्यासाठी ओळखले जातात. त्यांनी जुन्या व्यवसायाला एक नवीन दिशा देण्याचे काम केले. जेव्हा हर्ष बॉम्बे ऑइल मध्ये रुजू झाले तेव्हा त्यांना समजले की, तेल व्यवसाय हा कमी मार्जिन सह कमोडिटी व्यवसाय आहे. पॅरॅशूट मोठ्या प्रमाणात होलसेल विक्रेत्यांना पंधरा लिटरच्या टीन मध्ये विकले जात असे. हर्ष यांनी त्यांच्या काकांकडून असे ऐकले होते की कोलकत्ता येथील एक कंपनी शालिमार या ब्रँडखाली खोबरेल तेल लहान पॅकेज मध्ये विकत आहे आणि बॉम्बे ऑइल पेक्षा जास्त मार्जिन कमावत आहे. आणि असे देखील ऐकले होते की नागपूर आणि विदर्भातील वितरक पॅरॅशूट खोबरेल तेलाचे छोटे पॅकेट विकत आहे. हर्ष यांना हे सर्व स्वतः जाऊन बघायचे होते. नागपूर कोलकत्ता पेक्षा जवळ असल्यामुळे ते सर्वप्रथम नागपूरला पोहोचले. हर्षे हे त्यांच्या कुटुंबातील पहिलेच असे व्यक्ती होते ज्यांनी बाजारपेठेला भेट दिली हे त्यांच्या कुटुंबासाठी देखील आश्चर्यकारक होते. हर्ष यांनी नागपूर पाठोपाठ कोलकत्ता येथे देखील भेट दिली. हर्ष यांना जाणवले की, व्यापारी आणि ग्राहकांनी पॅरॅशूट तेल हे एक उत्कृष्ट उत्पादन म्हणून बघितले. पॅरॅशूट खोबरेल तेल मध्ये नारळाचा सुगंध होता त्याचबरोबर शुद्धतेच्या बाबतीत देखील इतर तेलांच्या तुलनेत चांगले होते. नागपूर आणि विदर्भातील लोकांनी पॅरॅशूट तेलाची छोट्या पॅकेटची विक्री सुरूच ठेवली.

         विदर्भामधील छोट्या पॅकेजच्या खरेदीच्या यशामुळे हर्ष यांच्यामध्ये पॅरॅशूट तेलाच्या रिटेल विक्रीची आवड निर्माण झाली. त्यानंतर त्यांनी पश्चिम भारतातील बाजारपेठांमध्ये दौरे करण्यास सुरू केली आणि वितरकांची निवड करण्यास देखील सुरुवात केली. पश्चिम भारतातील बाजारपेठांमध्ये यश मिळाल्यानंतर हर्ष यांनी पूर्ण भारतभर ही योजना राबवली.

      आजच्या घडीला देखील पॅरॅशूट हेअर ऑइल लोकांच्या पसंतीस उतरत आहे.

Parle G success story :

Who owns the brand Parle – G ?

Who is the founder of Parle – G ?

How Parle – G is successful ?

Why is Parle famous ?

What is strategy of Parle – G?

Why Parle – G Price is not increasing ?

पार्ले जी सक्सेस स्टोरी :

     भारतीयांसाठी सर्वात आवडीचे पेय म्हणजे ” चहा “. चहासोबत बऱ्याच लोकांना बिस्कीट खाणे आवडते, आणि बिस्कीट म्हटलं की आठवतं ते ” पार्ले जी “. भारतामध्ये क्वचितच काही लोक सापडतील ज्यांना पार्ले जी माहित नसेल. पार्ले जी हा बिस्कीटचा सुप्रसिद्ध असा ब्रँड आहे. पार्ले हा ब्रँड भारताला स्वातंत्र्य मिळण्यापूर्वी अस्तित्वात आला आहे . पार्ले जी अस्तित्वात येण्यापूर्वी पार्ले ही ऑर्गनायझेशन 1929 मध्ये अस्तित्वात आली.

       भारताला स्वातंत्र्य मिळण्यापूर्वी भारतावर ब्रिटिशांचे वर्चस्व होते, त्यामुळे भारतीयांना स्वदेशी उत्पादने तयार करून विकणे कठीण जात असे. त्यावेळी कँडी जास्त प्रसिद्ध होती. त्यामुळे पार्ले संस्थेचे जनक मोहनलाल दयाल हे स्वीट/मिठाई कशी बनवायची हे शोधण्यासाठी जर्मनीला गेले आणि जर्मनी येथून साठ हजार रुपयांचे स्वीट बनवण्याचे मशीन विकत आणले.

        मुंबईमध्ये इर्ला आणि पार्ल्याच्या मध्यभागी एक जुनी उत्पादन लाइन आहे. पार्ले संस्थेचे पार्ले हे नाव देखील जिथे उत्पादन प्रकल्प सुरू झाला तिथून आले आहे. सुरुवातीला संस्थेमध्ये बारा कामगार होते आणि इतर 12 नातेवाईक प्रतिनिधी म्हणून होते. टॉफीची आणि मिठाईचे दुकाने या क्षेत्रामध्ये पार्ले या संस्थेचे प्रभुत्व होते. दुसऱ्या महायुद्धाच्या आणीबाणीच्या काळात प्रायमरी पार्लेजी स्कोन 1939 मध्ये वितरित करण्यात आला. सुरुवातीला ” पार्ले गलुको ” असे नाव होते. हे बिस्कीट गव्हापासून बनवलेले असत आणि भारतीय ते बिस्कीट सहज खरेदी करू शकत असत. सर्व भारतीयांच्या आवडीचे पार्ले जी हे बिस्कीट बनले.

         त्या काळात देखील पार्ले जी बिस्कीट खूप प्रसिद्ध होते आणि पार्ले जी हे एक प्रमुख ब्रँड बनले होते. 1947 नंतर म्हणजेच भारताला स्वातंत्र्य मिळाल्यानंतर गव्हाची कमतरता भासू लागली. गव्हाची कमतरता असल्यामुळे पार्ले जी बिस्किटांचा तुटवडा जाणू लागला. परंतु कंपनीने लवकरच पार्ले जी बिस्किटांचा तुटवडा भरून काढू असे आश्वासन दिले.

     पुढे 1982 मध्ये पार्ले ग्लुको हे नाव पार्ले जी मध्ये बदलण्यात आले, याचे कारण पार्ले या संस्थेकडे ग्लुको या शब्दाचे पेटंट नव्हते. आणि मार्केट मधील बऱ्याचश्या कंपन्या ग्लुको किंवा ग्लुकोज या शब्दाचा वापर करत होत्या. त्यामुळे पार्ले संस्थेने पार्ले ग्लुको हे नाव ” पार्ले जी ” मध्ये रूपांतरित केले. दररोज जवळपास 400 दशलक्ष पार्ले जी ब्रेड बिस्किटे वितरित केली जात आहे आणि दरवर्षी 14,600 कोटी ब्रेड बंडल विकले जात आहेत.

       पार्ले ही कंपनी नवनवीन उत्पादने तयार करत आहे आणि आपला विस्तार अधिक मोठा करत आहे. 1941 मध्ये पार्ले या कंपनीने मोनॅको हे बिस्कीट बनवले त्यानंतर 1972 मध्ये क्रॅक जॅक आणि 2017 मध्ये कंपनीने पार्ले प्लॅटिना हे प्रीमियम बिस्कीट लॉन्च केले.

     पार्ले जी योग्य त्या मार्केटिंग स्ट्रॅटेजीजचा वापर करत असते. पार्ले जी ने एक अशी चांगली टेक्निक वापरली आहे ती म्हणजे पार्ले जी बिस्कीट सर्वप्रथम शंभर ग्रॅम पॅकेटमध्ये येत असत त्यानंतर काही वर्षांनी त्याचे वजन 92.5 ग्रॅम इतके करण्यात आले आणि नंतर 88 ग्रॅम करण्यात आले. म्हणजेच पार्ले जी पॅकची किंमत न वाढवता बिस्किटांचे वजन कमी करत आहे.

       पार्ले जी बिस्कीट इतके लोकप्रिय झालेले आहे की बरेचसे रेस्टॉरंट्स् त्यांच्या मिठाईमध्ये हे उत्पादन समाविष्ट करू लागले आहेत. पार्ले जी बिस्कीट पासून बऱ्याचशा पाककृती देखील बनवता येतात जसे की पार्ले जी कोको बटर किंवा पार्ले जी बिस्किट स्विस रोल्स. अशा रीतीने पार्ले जी बिस्कीट भारतामध्ये तयार झाल्यापासून ते आत्तापर्यंत या बिस्कीटची लोकप्रियता दिवसेंदिवस वाढतच चालली आहे. पार्ले जी या बिस्किटने एक वेगळी अशी जागा खाद्यप्रेमींच्या मनामध्ये तयार केली आहे.