चंद्रयान ३ मिशन :
Chandrayaan 3 mission :
१४ जुलै २०२३ ला २ वाजून ३५ मिनिटांनी चंद्रयान ३ लॉन्च केले जाणार आहे. यापूर्वी २२ जुलै २०१९ ला चंद्रयान २ हे लॉन्च केले गेले होते परंतु तो प्रयत्न अयशस्वी ठरला होता आणि हे चंद्रयान २ तब्बल अकरा वर्षानंतर चंद्रयान १ नंतर लॉन्च करण्यात आले होते.चंद्रयान २ हे मिशन अयशस्वी ठरले होता परंतु त्यानंतर इस्रोची टीम पुन्हा नव्या उमेदीने आणि जोमाने चंद्रयान ३ च्या तयारीसाठी लागली आणि आता चंद्रयान ३ हे मिशन अगदी जवळ आले असून १४ जुलै २०२३ ला २ वाजून ३५ मिनिटांनी लॉन्च केले जाणार आहे, त्यामुळे सगळ्यांच्याच नजरा तिकडे लागलेल्या आहेत.
चंद्रयान ३ चे मुख्य लक्ष्य चंद्राच्या पृष्ठभागावर सुरक्षितपणे लँडिंग करणे आहे. त्याचबरोबर चंद्रावर रोव्हरच्या फिरण्याच्या क्षमतेचे निरीक्षण आणि प्रात्यक्षिक हे देखील चंद्रयान ३ चे उद्दिष्ट आहे.तसेच चंद्राची रचना अजून चांगल्या पद्धतीने समजून घेण्यासाठी व सराव करण्यासाठी चंद्राच्या पृष्ठभागावर जे नैसर्गिक तसेच रासायनिक घटक उपलब्ध आहेत त्यावर आणि माती, पाणी इत्यादींवर वैज्ञानिक प्रयोग करणारे इनसाईट वैज्ञानिक निरीक्षण करणे हे सुद्धा उद्दिष्ट चंद्रयान ३ चे आहे. तसेच दोन ग्रहांमधील म्हणजेच इंटर प्लॅनेटरी मोहिमांसाठी गरज असलेल्या नवीन तंत्रज्ञानाचा विकास आणि प्रात्यक्षिक.चंद्रयान-३ या यानामध्ये लँडर, रोव्हर आणि प्रोपल्शन मॉडय़ुल आहे.
पेलोड वजन –
प्रोपल्शन मॉड्यूल: २१४८ किलोग्रॅम
लैंडर मॉड्यूल ( विक्रम ): २६ किलोग्रॅमच्या (प्रज्ञान) रोवर सहित १७५२ किलोग्रॅम
निव्वळ : ३९०० किलोग्रॅम
ऊर्जा –
प्रोपल्शन मॉड्यूल : ७५८ W
लैंडर मॉड्यूल: ७३८ W
रोवर: ५० W
इस्रोचे प्रमुख एस . सोमनाथ यांच्या मते भारताचे अंतराळ क्षेत्रामधील हे अजून एक मोठे यश असणार आहे.चंद्रयान ३ चे लॉन्च सतीश धवन अंतरिक्ष केंद्र , श्रीहरिकोटा येथून होणार आहे.
चंद्रयान ३ ही मोहीम यशस्वीरीत्या पार पडावी यासाठी इस्रोचे अधिकारी हे तिरुपती वेंकटाचलापथी या मंदिरामध्ये दर्शनासाठी गेले आणि चंद्रयान ३ ही मोहीम यशस्वी व्हावी यासाठी प्रार्थना देखील केली. यावेळी इस्रोचे वैज्ञानिक चंद्रयानाचे छोटे मॉडेल घेऊन तिरुपती मंदिरामध्ये आले होते.
जर चंद्रयान ३ ची चंद्रावर यशस्वीरीत्या लँडिंग झाली तर भारत हा अमेरिका, रशिया आणि चीन नंतर असा पराक्रम करणारा चौथा देश ठरणार आहे.